Matiu 26
26
Tatiatila noxi'a Taiuta mimolo soli noxou Iesua
1Ioxe, Iesua mulanu vaikala anene mukalusi ka muvikalane'i tatisaipeliou lexe, 2“Ngingi ngelavu, voxo tameisi a uxolu so lavilelu so Mosinge Mualasi'a uxali. La ane'i ipilixinu Itema ane molu noxou Mosinge no avo'a tauluaou ka ililixu no ovu valautu so usoli.”
3La no voxo anene ane'i tatiatila noxi'a tapilisiti oli'a tatiatila noxi'a Taiuta mipita no tasou pilisiti tatila e ualasou lexe Kaiavasi. 4Mipita so imolo vote'i so ilakokongoxu Iesua so itetelisou mo ivau usoli. 5Ia ane'i mivikala lexe, “Ta'oxo mi anene no anu voxo so lavilelu uasi. Xo loxo 'o io tamitema la'iaxa'a la ixililiiengi mo i'avutinoxu oto.”
Sema vile minixi'u ueli no kisou Iesua
6Ioxe, Iesua muxolu no tuala ne Vetani no tani noxou itema vile ualasou lexe Saimoni. Saimoni ne tei la siki e lepelesi mukasou. 7Iesua muxolu ne la sema vile mine'e la mino'u lavotoni lavo'o so ueli. Anu tuma'u lailaixe misevile mo lamolisou mutiatila manina. Mine'e la Iesua mutalupexa no lu so i'ani la sema ne minixi'u ueli no kisou. 8Xe ane'i tatisaipeli mimaisie la opone'i masuaiexu mo mivikalane'i ngato'o lexe, “Ai, axova so mipapunu ueli axone? 9Loxo tasalimunu la lamolisou masi tatila ane. Mo so axone la taiti'a ta'oloxola.”
10Ia Iesua mulavusou opone'i la muvikalane'i lexe, “Axova so ngalosie tu'umaxu axone? Ane mi'oxonu ilixo laixe noxilo. 11Xo ta'olaxola ne ane'i ngoli'a ngaxolusi ane. Ia loxo eni, la axolu maxuveni noxinge uasi. 12Sema ano'o minixi'u ueli no vasimelo la anene so ilalaxinu vasimelo so uai no lulu. 13La avikalangengi manina aloxo 'o. Ili'i la tamitema ilai no xalexale tuatuala so ia'aloxu vaikalasilo laixe. Mo axone la ane'i kalumo ilemolu mi e sema mi'oxonu noxilo 'o, tane'ivulusie uasi.”
Iutasi muvikalane'i tatiatila lexe upilixinu Iesua no avo'a
14Xe no voxo anene vile noxi'a tatisaipeli 12 e ualasou lexe Iutasi Isikalioti mulai noxi'a tatiatila noxi'a tapilisiti. 15La anu mutali'isi'a lexe, “Loxo eni apilixinu Iesua no avonge la ngingi ngakolinu no anu mi ma'ia so ngalosilo?” Laso ane'i mipilixinu lamoli siliva 30 noxou. 16La no voxo anene anu musoko'u so umolo vote'i so upilixinu Iesua no avo'a.”
Iesua oli'a tatisaipeli mi'ani no ngiou teitexi
17Ioxe, voxo tei no anu lavilelu so Pileti Isitisou Uasi muxali la tatisaipeli milai noxou Iesua mo mitali'isou lexe, “Lavilelu so Mualasi'a a muxali laso nini namasaxau lexe nexi talai talalaxisou a ne'ei so ta'aou?” 18La anu mupela'axu itema vile mukalu la muvikalane'i lexe, “Ngingi ngalai ne Ielusalemo la ngaxali noxou itema ne ka ngavikalanu lexe, 'Tisamexi u'oxo lexe voxosou a mune'e alai mukalu mo anu umasaxau so oli'a tatisaipeliou ine'e no tasine so i'ou lavilelu so Mualasi'a.'” 19Laso tatisaipeli milai milalaxinu la'ilali so Mualasi'a aloxo Iesua mupela'axu.
20Mune'e xe no o'olovoxo la Iesua oli'a tatisaipeli 12 ne mipita mitalupexa so i'ani no latevolo. 21Mixolu mi'ani'ani la Iesua muvikala aloxo 'o, “Eni avikalangengi manina lexe vile no tainenge 'o anu so upilixileli no avo'a tauluaxeli.” 22Xe ane'i tatisaipeliou milomusou vaikala ne la opone'i tu'umaxu misevile no anu. La ane'i velevilesi mitalitali'i noxou lexe, “Tatanaleli, eni uasi, ne?” 23La anu mukoline'i lexe, “Itema e so upilixileli no avo'a tauluaxeli anu vile noxinge ane takelenixu pileti no anu lisi no nixinu latevolo 'o. 24Vaikala noxou Mosinge e tapolopetiou mikaukavunu tatei lexe Itema ane molu noxou Mosinge usoli ne, anu so uxali. Ia anu masua manina noxou itema ane upilixinu no avo'a tauluaou. Anu utavulenu tu'umaxusou ane, laixe loxo nenu ivo'onu uasi.” 25La Iutasi e so upilixinu no avo'a tauluaou mutali'isou Iesua lexe, “Tisa, masi nini navikalasilo? Uasi, ne?” Ia Iesua mukolinu lexe, “Aloxo nini mene nelemolu.”
Iesua muvelunuxa'a pileti ilou uaini
26Ane'i i'ani'anisio la Iesua muno'u pileti vile xe muvikala laixe noxou Mosinge. Mukalu la muse'inu mo muvelunuxa'a tatisaipeliou la muvikala lexe, “Ngingi ngano'u mo nga'ani, ano'o eni vasimelo.” 27Xe muno'u kapusou uaini mo muvikala laixe noxou Mosinge. Mukalu xe mulosi'a la muvikala lexe, “Ngingi mukalusi ngaiexu ano'o. 28Xo ano'o sialuxo. Anu usosovosou konitalaki alavua. Eni asoli la sialuxo unixi so ulotonu tina'u so susu noxi'a tamitema tavu'alo. 29Ia avikala manina noxinge lexe eni aiexu uaini aloxo 'ola uasi. Ulai umomomo no anu voxo so Mamilo molu u'uli laxune'i tamitemaou, laso ane, nenge nenge'a taiexu.”
30Mukalu laso ane'i milexenu lexesou Mosinge. Milexenu mukalu la milutu milai mixali no la'olu Olivi.
Iesua muvikala lamana lexe Pita uxiunu tumalouou
31Mixali ne mukalu la Iesua muvikalane'i tatisaipeliou lexe, “Masi no olovoxo se 'o la ngingi nga'ume'umesilo ane. Xo no anu vaikalaou Mosinge muvikala lexe, 'Eni avau tatanane'i usoli la tasipisipi ipaxepaxelesi.' 32Asoli axone xe atulula la a'uli noxinge alai ne Xalili.” 33La Pita muvikalanu lexe, “Ane'i mukalusi masi i'ume'umesine, ia loxo eni la uasi manina. Axolu noxine avilesi.” 34La Iesua mukolinu lexe, “Avikalaneni manina aloxo 'o. Masi no olovoxo nini navikalane'i tamitema lexe nini nalavusilo uasi. Nalemolu alaxu tatalusou xe ukalu la nalomusou koko'a u'ava.” 35Ia Pita muolotetesi mo mu'oxo lexe, “Uasi ane. Loxo iveloxu asoli la anu mi vile uasi. Vaikala ane lexe eni alavusine uasi ne, la mamu so alemolu.” La tatisaipeli mukalusi mivikala axone kalumo.
Iesua mukatu noxou Mosinge ne Xetisemani
36Ioxe, milutula la oli'a Iesua milai mixali no apu vile ilemolu lexe Xetisemani. Mixali mukalu la Iesua muvikalane'i tatisaipeliou lexe, “Ngingi ngaxolu 'oe xo eni alai olele so avikala noxou Mosinge.” 37La anu muno'a Pita xe Sepeti ta'olu tamei so oli'a milai va'axu sevile. La muxamulinu oponu mu'avuti lexe tu'umaxu mukasou. 38Anu muxamuli axone la muvikalane'i ane'i tatalu ne lexe, “Opoleli tu'umaxu e tu'umaxu. Ukasilo mo axamuli lexe umomomo no anu soli. Ngaxolu 'o mo ngaxomaieli laixe.” 39Anu muvikalane'i mukalu xe mulai sevile la mulapau mo mutonu alaiou no lia. Muai no lia la mukatu noxou Mosinge lexe, “Papao, tu'umaxu e so uxali noxilo 'o la loxo lexa sixula. Laso loxo vote'i la naxexenu mo so aiexu uasi. Ia namulinu masaxa na'a xeli uasi, namulinu masaxa na'a ninisi.”
40Muvikala axone mukalu la Iesua mulivu mulai noxi'a tatisaipeliou tatalu. Muxali noxi'a la mumaisi'a lexe ane'i a iai. La muvikalanu Pita lexe, “Ngingi ngamomomo so ngaxomaieli no anu aso iou vilesisi uasi, ne?” 41Ngingi ngaxomaieli mo ngavikala noxou Mosinge mo so ngalapau no anu tovotovo uasi. Opongengi umasaxau lexe ngaxolu pakia'inge ia vasimenge umomomo to uasi.”
42Xe anu muxexesi'a alaxu tameisou la muvikala noxou Mosingela lexe, “Papao, loxo vote'i so lexa sixula 'o uxexesilo uasi la namulinu masaxa na'a ninisi, eni aiexusi.” 43Xe mukalu la mulivu mune'e noxi'a la mumaisi'a ane'i a iai xo ie'i tu'umaxu misevile. 44Xe muxexesi'ala la mulai muvikala noxou Mosinge alaxu tatalusou. La muvikala iou vilesisi a loxo mulemolu tei.
45Xe mulivu mune'e noxi'a tatisaipeliou la muvikalane'i lexe, “Ngingi a ngai mo ngama'ilasio, ne? Mukalu ane. Ngamalei, voxo so Itema ane molu noxou Mosinge usu'a no avo'a tamitema so susu a muxali 'oe. 46Ngatulu. Nenge talai. Xo ngamaisou, itema ane so upilixileli no avo'a ta'ulaxeli a unene'e.”
Iutasi mupilixinu Iesua no avo'a tauluaou
47Iesua a uvivikala axonesio la Iutasi e vile noxi'a tatisaipeli 12 oli'a tamitema latala mine'ene'e mixali. Ane'i a mitetelisou lavilaviso so oto ilou kulukulue. Ane'i tatiatila noxi'a tapilisiti xe tatiatila noxi'a Taiuta mipalusi'a mine'e axone soitetelisou Iesua. 48Itema e so upilixinu Iesua no avo'a muvikalane'i lumamo so sosovo aloxo 'o, “Ngamaisilo amaxa'u sexela noxou itema aneva la anu Iesua ane, ngatetelisou laixe.”
49Laso Iutasi mune'e muxali la alaxu vilesisi mumaxa'u sexela noxou Iesua mo muvikala lexe, “Olovoxo, Tisa.” 50La Iesua muvikalanu lexe, “Uo menexilo, mi ane nene'e so na'oxonu la na'oxonusi.”#26.50 Vaikala Kiliki no anu vaikala pa'usou se no 26:50 lamana malaxo uasi. Tamitema so lavulavu se'i ixiunu vaikalaou Tatananenge 'o lexe, “Uo menexilo, nini nene'e 'o xo ma'ia?” La tamitema mine'e mipitanu avo'a so mitetelisou.
51Ioxe, la itema vile noxi'a tavaitamiou Iesua ne mutokinu laviso so oto noxou ka muposou itema so xaixai noxou pilisiti tatila. La laviso muxotonu sangalou muxexe avile. 52Ia Iesua muvikalanu lexe, “Natanu laviso so oto noxine ulivu no tanixu. Xo tamitema ta'ei ilopalanu laviso so i'oto no anu la ixalisou mamulosi'a no anu laviso ane. 53Xo nalavu uasi? Loxo eni amasaxau la alinga noxou Mamilo la upalusi'a ta'angelou tavu'alo e navasi'a uua'ulixa'a laili 12 noxi'a ta'ami so isu'ulileli. 54Ia loxo a'oxo axone la vaikalasou mimi so uxalisilo e muai no lavukuou Mosinge, la uxalixu nene'axu axova? Xo anu muvikala lexe anu uxali no anu vote'isou aloxo 'osi.”
55Xe mukalu la Iesua muvikalane'i tamitema latala ne lexe, “Eni lasikeli so ngeno'u laviso so oto ilou kulue mo so ngatetelisilo aloxo 'o? Xo voxo utotomu eni exolu no taingengi mo evotongengi no tasou Mosinge. Exolu ne ia ngatetelisilo uasi xo ma'i? 56Ia mi vile uasi, xo vaikalaou Mosinge tapolopeti mikaukavunu tatei a unene'a 'oe.” Anu muvikala axone mukalu la tatisaipeli mukalusi mipaxepaxelesou mo mi'ume.
Iesua mutulu no lakoti noxi'a Taiuta
57Ioxe, ane'i mitetelisou Iesua ka milaixu no tasou tila noxi'a tapilisiti e ualasou lexe Kaiavasi. La ane'i tamitema so lavulavu no anu lavuloto oli'a tatiatila noxi'a Taiuta a mixolu mipita ne. 58Xe Pita mumulinu Iesua ia anu muxolu va'axu sevile. Mumulinu la muxali avile no anu tasou pilisiti tatila ia muxolu no vaitanisi. La anu oli'a tamitema so latolo mixolu so mumalei lexe mi ma'ia uxali noxou Iesua.
59La ane'i tatiatila noxi'a tapilisiti oli'a tatiatila noxi'a Taiuta e mipita ne mi'avali'a tamitema se'i ine'e so ia'aloxu Iesua no lakoti. Tatiatila mimasaxa lexe ikalavoisouxu susu vile o lavuloto vile muxola'u so ivauxu. 60La tamitema tavu'alo mito'omolu no anu vaikala kalavoi ia tatiatila ixalisou susu vile so ivauxu uasi. Mi'oxo axone xo xe ili'i tamitema tamei mitulu no laxune'i. 61La mivikala aloxo 'o, “Itema ano'o mu'oxo lexe anu umomomo so umamulonu tasou Mosinge ka utulusou voxo tatalusi.”
62La tatila noxi'a tapilisiti mutulu muvikalanu Iesua lexe, “Nini vaikala vile so nakoline'i uasi? Axova no anu vaikala e ito'omene no anu 'o?” 63Ia Iesua muxolu tasiausi. Laso tatila noxi'a tapilisiti muvikalanu lexe, “Io, eni atali'isine no anu ualasou Mosinge umamauli mo nini navikala maninasi. Nini ane so Kalaisiti? Nini Mosinge Olu, ne?”
64La Iesua mukolinu lexe, “A loxo nini mene nelemolu. Ia avikalangengi aloxo 'o. Ili'i la ngamaisou Itema ane molu noxou Mosinge uxolu no anu Mosinge anu Mosou Xavi avolu tema. Mo ili'i la ngamaisou une'e no anu sausauma no loxotolo.” 65La tatila noxi'a tapilisiti mu'avuti sika muteanu lasiotiou veveni mo muvikala lexe, “Ai, anu muvila'isou Mosinge ualasou. Tava'u axova so ta'avalou itema vilela so ua'aloxu susu noxou itema ano'o? Ngingi menge ngelomusou muvila'isou Mosinge ualasou. 66Laso ngaxavutala lexe nenge ta'oxo mi ma'ia noxou?” La ane'i mukalusi mikeinoxu lexe, “Anu mususu ane, takolinu no anu solisi.”
67Laso ane'i misoko'u so mituvesou alaiou xe mi'otu'otunu. Xe se'i misavasavalou. 68La mivikala lexe, “Ioxe Kalaisiti, napela'ixe lexe ena'ei muveni to ne?”
Pita muvikala lexe anu ulavusou Iesua uasi
69Ioxe, Pita a muxolu noale no vaitani la sema so xaixai vile mine'e ka mivikala lexe, “Ai nini to ne kalumo nemulinu Iesua so Xalili ane.” 70Ia Pita muxililiou vaikalaie no ie'i latala ne lexe, “Eni alavusou mi e nalemolu ne uasi.” 71Xe ili'i la Pita mulai mutalupexa no mataunaxu aitenga. La sema vilela so xaixai mine'e mimaisou kaio mivikalane'i ane'i ane mita'ota'olu ne lexe, “Anu vaitamiou Iesua so Nasaleti vile ane.” 72La Pita musingisou mo mulemolu mimi se'i so uvalaxu vaikalaou lexe ulavusou Iesua uasisi. 73Muxolu xe ili'ila la tamitema se'i e mitulutulu alai noxou ne mine'e mivikalanu Pita lexe, “Ai manina, nini vile noxi'a ane xo xolinene upala'anixene lexe nini so Xalilisi.” 74Ia Pita mulemolu vaikala mutu'umaxu so musakinu vaikalaou lexe, “Eni alavusou itema ne uasisi manina. Xo loxo akalavoi 'o la Mosinge masi umamuloleli ane!” Anu muvikala axone sika alaxu vilesisi koko'a mu'ava. 75La Pita muxavutalanu vaikalaou Iesua e lexe, “Nini navikalane'i tamitema lexe nalavusilo uasi alaxu tatalusou xe ukalu la nalomusou koko'a u'ava.” Muxavutalanu la mulai noale mole tama noxou mutilasi.
Zvasarudzwa nguva ino
Matiu 26: ATA
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Copyright 1999 New Tribes Mission, Sanford, FL 32771-1487
Matiu 26
26
Tatiatila noxi'a Taiuta mimolo soli noxou Iesua
1Ioxe, Iesua mulanu vaikala anene mukalusi ka muvikalane'i tatisaipeliou lexe, 2“Ngingi ngelavu, voxo tameisi a uxolu so lavilelu so Mosinge Mualasi'a uxali. La ane'i ipilixinu Itema ane molu noxou Mosinge no avo'a tauluaou ka ililixu no ovu valautu so usoli.”
3La no voxo anene ane'i tatiatila noxi'a tapilisiti oli'a tatiatila noxi'a Taiuta mipita no tasou pilisiti tatila e ualasou lexe Kaiavasi. 4Mipita so imolo vote'i so ilakokongoxu Iesua so itetelisou mo ivau usoli. 5Ia ane'i mivikala lexe, “Ta'oxo mi anene no anu voxo so lavilelu uasi. Xo loxo 'o io tamitema la'iaxa'a la ixililiiengi mo i'avutinoxu oto.”
Sema vile minixi'u ueli no kisou Iesua
6Ioxe, Iesua muxolu no tuala ne Vetani no tani noxou itema vile ualasou lexe Saimoni. Saimoni ne tei la siki e lepelesi mukasou. 7Iesua muxolu ne la sema vile mine'e la mino'u lavotoni lavo'o so ueli. Anu tuma'u lailaixe misevile mo lamolisou mutiatila manina. Mine'e la Iesua mutalupexa no lu so i'ani la sema ne minixi'u ueli no kisou. 8Xe ane'i tatisaipeli mimaisie la opone'i masuaiexu mo mivikalane'i ngato'o lexe, “Ai, axova so mipapunu ueli axone? 9Loxo tasalimunu la lamolisou masi tatila ane. Mo so axone la taiti'a ta'oloxola.”
10Ia Iesua mulavusou opone'i la muvikalane'i lexe, “Axova so ngalosie tu'umaxu axone? Ane mi'oxonu ilixo laixe noxilo. 11Xo ta'olaxola ne ane'i ngoli'a ngaxolusi ane. Ia loxo eni, la axolu maxuveni noxinge uasi. 12Sema ano'o minixi'u ueli no vasimelo la anene so ilalaxinu vasimelo so uai no lulu. 13La avikalangengi manina aloxo 'o. Ili'i la tamitema ilai no xalexale tuatuala so ia'aloxu vaikalasilo laixe. Mo axone la ane'i kalumo ilemolu mi e sema mi'oxonu noxilo 'o, tane'ivulusie uasi.”
Iutasi muvikalane'i tatiatila lexe upilixinu Iesua no avo'a
14Xe no voxo anene vile noxi'a tatisaipeli 12 e ualasou lexe Iutasi Isikalioti mulai noxi'a tatiatila noxi'a tapilisiti. 15La anu mutali'isi'a lexe, “Loxo eni apilixinu Iesua no avonge la ngingi ngakolinu no anu mi ma'ia so ngalosilo?” Laso ane'i mipilixinu lamoli siliva 30 noxou. 16La no voxo anene anu musoko'u so umolo vote'i so upilixinu Iesua no avo'a.”
Iesua oli'a tatisaipeli mi'ani no ngiou teitexi
17Ioxe, voxo tei no anu lavilelu so Pileti Isitisou Uasi muxali la tatisaipeli milai noxou Iesua mo mitali'isou lexe, “Lavilelu so Mualasi'a a muxali laso nini namasaxau lexe nexi talai talalaxisou a ne'ei so ta'aou?” 18La anu mupela'axu itema vile mukalu la muvikalane'i lexe, “Ngingi ngalai ne Ielusalemo la ngaxali noxou itema ne ka ngavikalanu lexe, 'Tisamexi u'oxo lexe voxosou a mune'e alai mukalu mo anu umasaxau so oli'a tatisaipeliou ine'e no tasine so i'ou lavilelu so Mualasi'a.'” 19Laso tatisaipeli milai milalaxinu la'ilali so Mualasi'a aloxo Iesua mupela'axu.
20Mune'e xe no o'olovoxo la Iesua oli'a tatisaipeli 12 ne mipita mitalupexa so i'ani no latevolo. 21Mixolu mi'ani'ani la Iesua muvikala aloxo 'o, “Eni avikalangengi manina lexe vile no tainenge 'o anu so upilixileli no avo'a tauluaxeli.” 22Xe ane'i tatisaipeliou milomusou vaikala ne la opone'i tu'umaxu misevile no anu. La ane'i velevilesi mitalitali'i noxou lexe, “Tatanaleli, eni uasi, ne?” 23La anu mukoline'i lexe, “Itema e so upilixileli no avo'a tauluaxeli anu vile noxinge ane takelenixu pileti no anu lisi no nixinu latevolo 'o. 24Vaikala noxou Mosinge e tapolopetiou mikaukavunu tatei lexe Itema ane molu noxou Mosinge usoli ne, anu so uxali. Ia anu masua manina noxou itema ane upilixinu no avo'a tauluaou. Anu utavulenu tu'umaxusou ane, laixe loxo nenu ivo'onu uasi.” 25La Iutasi e so upilixinu no avo'a tauluaou mutali'isou Iesua lexe, “Tisa, masi nini navikalasilo? Uasi, ne?” Ia Iesua mukolinu lexe, “Aloxo nini mene nelemolu.”
Iesua muvelunuxa'a pileti ilou uaini
26Ane'i i'ani'anisio la Iesua muno'u pileti vile xe muvikala laixe noxou Mosinge. Mukalu la muse'inu mo muvelunuxa'a tatisaipeliou la muvikala lexe, “Ngingi ngano'u mo nga'ani, ano'o eni vasimelo.” 27Xe muno'u kapusou uaini mo muvikala laixe noxou Mosinge. Mukalu xe mulosi'a la muvikala lexe, “Ngingi mukalusi ngaiexu ano'o. 28Xo ano'o sialuxo. Anu usosovosou konitalaki alavua. Eni asoli la sialuxo unixi so ulotonu tina'u so susu noxi'a tamitema tavu'alo. 29Ia avikala manina noxinge lexe eni aiexu uaini aloxo 'ola uasi. Ulai umomomo no anu voxo so Mamilo molu u'uli laxune'i tamitemaou, laso ane, nenge nenge'a taiexu.”
30Mukalu laso ane'i milexenu lexesou Mosinge. Milexenu mukalu la milutu milai mixali no la'olu Olivi.
Iesua muvikala lamana lexe Pita uxiunu tumalouou
31Mixali ne mukalu la Iesua muvikalane'i tatisaipeliou lexe, “Masi no olovoxo se 'o la ngingi nga'ume'umesilo ane. Xo no anu vaikalaou Mosinge muvikala lexe, 'Eni avau tatanane'i usoli la tasipisipi ipaxepaxelesi.' 32Asoli axone xe atulula la a'uli noxinge alai ne Xalili.” 33La Pita muvikalanu lexe, “Ane'i mukalusi masi i'ume'umesine, ia loxo eni la uasi manina. Axolu noxine avilesi.” 34La Iesua mukolinu lexe, “Avikalaneni manina aloxo 'o. Masi no olovoxo nini navikalane'i tamitema lexe nini nalavusilo uasi. Nalemolu alaxu tatalusou xe ukalu la nalomusou koko'a u'ava.” 35Ia Pita muolotetesi mo mu'oxo lexe, “Uasi ane. Loxo iveloxu asoli la anu mi vile uasi. Vaikala ane lexe eni alavusine uasi ne, la mamu so alemolu.” La tatisaipeli mukalusi mivikala axone kalumo.
Iesua mukatu noxou Mosinge ne Xetisemani
36Ioxe, milutula la oli'a Iesua milai mixali no apu vile ilemolu lexe Xetisemani. Mixali mukalu la Iesua muvikalane'i tatisaipeliou lexe, “Ngingi ngaxolu 'oe xo eni alai olele so avikala noxou Mosinge.” 37La anu muno'a Pita xe Sepeti ta'olu tamei so oli'a milai va'axu sevile. La muxamulinu oponu mu'avuti lexe tu'umaxu mukasou. 38Anu muxamuli axone la muvikalane'i ane'i tatalu ne lexe, “Opoleli tu'umaxu e tu'umaxu. Ukasilo mo axamuli lexe umomomo no anu soli. Ngaxolu 'o mo ngaxomaieli laixe.” 39Anu muvikalane'i mukalu xe mulai sevile la mulapau mo mutonu alaiou no lia. Muai no lia la mukatu noxou Mosinge lexe, “Papao, tu'umaxu e so uxali noxilo 'o la loxo lexa sixula. Laso loxo vote'i la naxexenu mo so aiexu uasi. Ia namulinu masaxa na'a xeli uasi, namulinu masaxa na'a ninisi.”
40Muvikala axone mukalu la Iesua mulivu mulai noxi'a tatisaipeliou tatalu. Muxali noxi'a la mumaisi'a lexe ane'i a iai. La muvikalanu Pita lexe, “Ngingi ngamomomo so ngaxomaieli no anu aso iou vilesisi uasi, ne?” 41Ngingi ngaxomaieli mo ngavikala noxou Mosinge mo so ngalapau no anu tovotovo uasi. Opongengi umasaxau lexe ngaxolu pakia'inge ia vasimenge umomomo to uasi.”
42Xe anu muxexesi'a alaxu tameisou la muvikala noxou Mosingela lexe, “Papao, loxo vote'i so lexa sixula 'o uxexesilo uasi la namulinu masaxa na'a ninisi, eni aiexusi.” 43Xe mukalu la mulivu mune'e noxi'a la mumaisi'a ane'i a iai xo ie'i tu'umaxu misevile. 44Xe muxexesi'ala la mulai muvikala noxou Mosinge alaxu tatalusou. La muvikala iou vilesisi a loxo mulemolu tei.
45Xe mulivu mune'e noxi'a tatisaipeliou la muvikalane'i lexe, “Ngingi a ngai mo ngama'ilasio, ne? Mukalu ane. Ngamalei, voxo so Itema ane molu noxou Mosinge usu'a no avo'a tamitema so susu a muxali 'oe. 46Ngatulu. Nenge talai. Xo ngamaisou, itema ane so upilixileli no avo'a ta'ulaxeli a unene'e.”
Iutasi mupilixinu Iesua no avo'a tauluaou
47Iesua a uvivikala axonesio la Iutasi e vile noxi'a tatisaipeli 12 oli'a tamitema latala mine'ene'e mixali. Ane'i a mitetelisou lavilaviso so oto ilou kulukulue. Ane'i tatiatila noxi'a tapilisiti xe tatiatila noxi'a Taiuta mipalusi'a mine'e axone soitetelisou Iesua. 48Itema e so upilixinu Iesua no avo'a muvikalane'i lumamo so sosovo aloxo 'o, “Ngamaisilo amaxa'u sexela noxou itema aneva la anu Iesua ane, ngatetelisou laixe.”
49Laso Iutasi mune'e muxali la alaxu vilesisi mumaxa'u sexela noxou Iesua mo muvikala lexe, “Olovoxo, Tisa.” 50La Iesua muvikalanu lexe, “Uo menexilo, mi ane nene'e so na'oxonu la na'oxonusi.”#26.50 Vaikala Kiliki no anu vaikala pa'usou se no 26:50 lamana malaxo uasi. Tamitema so lavulavu se'i ixiunu vaikalaou Tatananenge 'o lexe, “Uo menexilo, nini nene'e 'o xo ma'ia?” La tamitema mine'e mipitanu avo'a so mitetelisou.
51Ioxe, la itema vile noxi'a tavaitamiou Iesua ne mutokinu laviso so oto noxou ka muposou itema so xaixai noxou pilisiti tatila. La laviso muxotonu sangalou muxexe avile. 52Ia Iesua muvikalanu lexe, “Natanu laviso so oto noxine ulivu no tanixu. Xo tamitema ta'ei ilopalanu laviso so i'oto no anu la ixalisou mamulosi'a no anu laviso ane. 53Xo nalavu uasi? Loxo eni amasaxau la alinga noxou Mamilo la upalusi'a ta'angelou tavu'alo e navasi'a uua'ulixa'a laili 12 noxi'a ta'ami so isu'ulileli. 54Ia loxo a'oxo axone la vaikalasou mimi so uxalisilo e muai no lavukuou Mosinge, la uxalixu nene'axu axova? Xo anu muvikala lexe anu uxali no anu vote'isou aloxo 'osi.”
55Xe mukalu la Iesua muvikalane'i tamitema latala ne lexe, “Eni lasikeli so ngeno'u laviso so oto ilou kulue mo so ngatetelisilo aloxo 'o? Xo voxo utotomu eni exolu no taingengi mo evotongengi no tasou Mosinge. Exolu ne ia ngatetelisilo uasi xo ma'i? 56Ia mi vile uasi, xo vaikalaou Mosinge tapolopeti mikaukavunu tatei a unene'a 'oe.” Anu muvikala axone mukalu la tatisaipeli mukalusi mipaxepaxelesou mo mi'ume.
Iesua mutulu no lakoti noxi'a Taiuta
57Ioxe, ane'i mitetelisou Iesua ka milaixu no tasou tila noxi'a tapilisiti e ualasou lexe Kaiavasi. La ane'i tamitema so lavulavu no anu lavuloto oli'a tatiatila noxi'a Taiuta a mixolu mipita ne. 58Xe Pita mumulinu Iesua ia anu muxolu va'axu sevile. Mumulinu la muxali avile no anu tasou pilisiti tatila ia muxolu no vaitanisi. La anu oli'a tamitema so latolo mixolu so mumalei lexe mi ma'ia uxali noxou Iesua.
59La ane'i tatiatila noxi'a tapilisiti oli'a tatiatila noxi'a Taiuta e mipita ne mi'avali'a tamitema se'i ine'e so ia'aloxu Iesua no lakoti. Tatiatila mimasaxa lexe ikalavoisouxu susu vile o lavuloto vile muxola'u so ivauxu. 60La tamitema tavu'alo mito'omolu no anu vaikala kalavoi ia tatiatila ixalisou susu vile so ivauxu uasi. Mi'oxo axone xo xe ili'i tamitema tamei mitulu no laxune'i. 61La mivikala aloxo 'o, “Itema ano'o mu'oxo lexe anu umomomo so umamulonu tasou Mosinge ka utulusou voxo tatalusi.”
62La tatila noxi'a tapilisiti mutulu muvikalanu Iesua lexe, “Nini vaikala vile so nakoline'i uasi? Axova no anu vaikala e ito'omene no anu 'o?” 63Ia Iesua muxolu tasiausi. Laso tatila noxi'a tapilisiti muvikalanu lexe, “Io, eni atali'isine no anu ualasou Mosinge umamauli mo nini navikala maninasi. Nini ane so Kalaisiti? Nini Mosinge Olu, ne?”
64La Iesua mukolinu lexe, “A loxo nini mene nelemolu. Ia avikalangengi aloxo 'o. Ili'i la ngamaisou Itema ane molu noxou Mosinge uxolu no anu Mosinge anu Mosou Xavi avolu tema. Mo ili'i la ngamaisou une'e no anu sausauma no loxotolo.” 65La tatila noxi'a tapilisiti mu'avuti sika muteanu lasiotiou veveni mo muvikala lexe, “Ai, anu muvila'isou Mosinge ualasou. Tava'u axova so ta'avalou itema vilela so ua'aloxu susu noxou itema ano'o? Ngingi menge ngelomusou muvila'isou Mosinge ualasou. 66Laso ngaxavutala lexe nenge ta'oxo mi ma'ia noxou?” La ane'i mukalusi mikeinoxu lexe, “Anu mususu ane, takolinu no anu solisi.”
67Laso ane'i misoko'u so mituvesou alaiou xe mi'otu'otunu. Xe se'i misavasavalou. 68La mivikala lexe, “Ioxe Kalaisiti, napela'ixe lexe ena'ei muveni to ne?”
Pita muvikala lexe anu ulavusou Iesua uasi
69Ioxe, Pita a muxolu noale no vaitani la sema so xaixai vile mine'e ka mivikala lexe, “Ai nini to ne kalumo nemulinu Iesua so Xalili ane.” 70Ia Pita muxililiou vaikalaie no ie'i latala ne lexe, “Eni alavusou mi e nalemolu ne uasi.” 71Xe ili'i la Pita mulai mutalupexa no mataunaxu aitenga. La sema vilela so xaixai mine'e mimaisou kaio mivikalane'i ane'i ane mita'ota'olu ne lexe, “Anu vaitamiou Iesua so Nasaleti vile ane.” 72La Pita musingisou mo mulemolu mimi se'i so uvalaxu vaikalaou lexe ulavusou Iesua uasisi. 73Muxolu xe ili'ila la tamitema se'i e mitulutulu alai noxou ne mine'e mivikalanu Pita lexe, “Ai manina, nini vile noxi'a ane xo xolinene upala'anixene lexe nini so Xalilisi.” 74Ia Pita mulemolu vaikala mutu'umaxu so musakinu vaikalaou lexe, “Eni alavusou itema ne uasisi manina. Xo loxo akalavoi 'o la Mosinge masi umamuloleli ane!” Anu muvikala axone sika alaxu vilesisi koko'a mu'ava. 75La Pita muxavutalanu vaikalaou Iesua e lexe, “Nini navikalane'i tamitema lexe nalavusilo uasi alaxu tatalusou xe ukalu la nalomusou koko'a u'ava.” Muxavutalanu la mulai noale mole tama noxou mutilasi.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Copyright 1999 New Tribes Mission, Sanford, FL 32771-1487