Vakatekivu Nai Vakamacala Taumada
Nai Vakamacala Taumada
Sa tukuna nai vola oqo Nai Vakatekivu nai tekitekivu ni buli ni vuravura, nai tekitekivu ni tamata, nai tekitekivu ni valavala ca kei na rarawa e na vuravura, kei na nona gaunisala na Kalou ni nona veitaratara kei na tamata. E rawa ni wasei nai Vakatekivu me rua na kenai wasewase lelevu: (1) Na buli ni vuravura kei nai tukutuku taumada me baleta na kawa tamata. Oqo nai tukutuku me baleti Atama kei Ivi, ko Keni kei Epeli, ko Noa kei na waluvu, kei na Vale Cecere kei Papiloni na yacana ko Pepeli (Wase 1—11). (2) Nai tukutuku taumada me baleti ira na qase ni Isireli. A kenai matai ko Eparaama, ka sa kilai ena vuku ni nona vakabauta kei na nona talairawarawa vua na Kalou. E muria nai tukutuku kei Aisake na luvena, kei na makubuna ko Jekope (sa vakatokai ko Isireli), kei iratou na lewe tinikarua na luve i Jekope. Ko iratou oqo ka tauyavutaka na yavusa e tinikarua e Isireli. A vakabibitaki toka kina nai tukutuku kei Josefa, e dua vei iratou na lewe tinikarua, kei na veika sa yaco ka vakavuna na nona vakauti ko Jekope, ko iratou na luvena kei na nodratou dui vuvale me ra sa la'ki tiko mai Ijipita (Wase 12—50).
E dina ga ni talanoataki e nai vola oqo na kedra i tukutuku na tamata, ia nai vola oqo sa tukuna taumada na veika sa vakayacora na Kalou. E tekivu ena kena vakadeitaki ni a bulia na vuravura na Kalou, ka la'ki tini e na nona vosa ni yalayala ni na daulomani ira tikoga na nona tamata na Kalou. Na uto ni veika sa tukuni ena i vola oqo sai koya na Kalou, ko Koya ka sa dauvakataulewa dodonu vei ira era caka cala, ko Koya ka sa dauliutaki ira ka vukei ira na nona tamata, ko Koya talega ka sa tuva na veika me baleta nai tukutuku ni nodra bula na Isireli. Nai vola oqo e volai me maroroya nai tukutuku ni nodra vakabauta e dua na kawa tamata kei na kena vukei na vakabauta oqori me caudre tikoga.
Na Lewe ni Vola
Na buli ni vuravura kei na kawa tamata 1.1—2.25
Nai tekivu ni valavala ca kei na rarawa 3.1-24
Mai vei Atama ki vei Noa 4.1—5.32
Ko Noa kei na waluvu levu 6.1—10.32
Na Vale Cecere mai Papiloni 11.1-9
Mai vei Semi me yaco vei Eparama 11.10-32
Nodra Qase na Isireli (Pateriaki): Eparaama, Aisake, Jekope 12.1—35.29
Na kawa i Iso 36.1-43
Ko Josefa kei iratou na tuakana 37.1—45.28
Ira na Isireli e Ijipita 46.1—50.26
Zvasarudzwa nguva ino
Vakatekivu Nai Vakamacala Taumada: FRV21
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda