Luhzaz 17
17
Yezsuz Zau Cohsaenz Dix
1 Yezsuz daeuq daj cohsaenz dix hax: "Sowh gaenq rux hawj dij goanz faedlaemx naeh toj miz mboqyaq, gaj goanz hawj miz naeh zoah yah! 2Jixzawh gawz hawj sowh goanz daj puj ix dungzlumj naeh goanz ux faedlaemx, goanz hawj daenh faedlaemx naeh gangzmaz hawj daenh aeu aen hux qiat goakhoz dix, yaq aeu dix viangh bae ndaw haij tai naengz ndae nyeuz ej. 3Gaenqsu yauq caqsiq hem! Jixzawh bihnongx mawz hoak loang mawz, zoq chownq dix, saengq dix, jixzawh dix gaix, mawz zoq yangq dix. 4Jixzawh dix vaenz ux hoak loang mawz jiat mbaed, gaj mbaed gaj gaix, daj mawz hax: ‘Gux gaix ej.’ Mawz goj baenz yangq dix."
5Dij goanz zawxkauq Yezsuz daj Zaeuj hax: "Vanz mawz hawj piu mizzaw sinq dij Sen tem." 6Zaeuj hax: "Jixzawh gaenqsu sinq dij Sen, zux sinq ix daj maet faenzpyaek jeqchaiq ux dungzlumj,#17:6 Faenz jeqchaiq ix daj maet lugngaz dungzlumj; go dix sung song vaz lai. gaj daengz sinq ix baenzzaqnaeh gaenqsu daj go maexmiangzsau naeh hax: ‘Daengz go daengz laeg mboad, ndaem bae ndaw haij!’ Go maexmiangzsau naeh goj biak su mboqyaq.
7"Jixzawh puj koij su gawz bae tw raeh rux dawz mbej dauh maz, mawz toj mboq rux daj dix hoakzaqnaeh hax: ‘Naengh daeuj jinkaeuj ndeh.’ 8Mawz toj daj dix hoakzaqnaeh hax: ‘Hoak byaeuz hawj gux, qiat mbenghyauz singjringh kvej gux, taj gux jin imqdwngq, mawz goanq jin.’ 9Puj koij hoak sowh gaenq zaeuj dix yaix hoak naeh, zaeuj dix naengz baenz mbaiq dix maj? 10Gaenqsu goj dungzlumj, hoak nauq sowh gaenq yaix gaenqsu hoak naeh, hoj hoakzaqnaeh hax: ‘Gaenqpiu zawh sowh puj koij mboq saih naeh, gaenq naeh zawh gaenqpiu hoj hoak naeujgoah!’"
Yezsuz Ya Sip Goanz Baenznux Ndae
11 Yezsuz mwz Yezluqsaxlaengx, gvaq zoah jinghzang Saxmaxliqyaq daj Zazliqliq. 12Dix ndonj mwz longq ux, miz sip goanz puj baenznux daeq maz doq dix, yuq gvae gvae in. 13Paenqdix caqsiq rongx: "Yezsuz, lauxswz aj, zawchaej piu mah!" 14Yezsuz leztaen, zoq daj paenqdix hax: "Gaenqsu mwz hawj puj mbud dij Sen naeh lez ndeh." Paenqdix zoq mwz, naengz yuq doanh loh, nux paenqdix haeuz ndae, ndang paenqdix haeuz saw. 15Le goanz naeh, miz goanz ux leztaen nux hoakri ndae, zoq dauh daeuj biangz dij Sen, hax chungndae taeuq, 16gvih bae doqnaj Yezsuz, mbaiq Yezsuz. Laemh goanz naeh dix zawh puj Saxmaxliqyaq.#17:16 Zwz naeh dij goanz Yaeuhtaiq lez mboq qix dij goanz Saxmaxliqyaq, hax paenqdix mbud dij sen zaj. 17Yezsuz hax: "Daengz sip goanz zoah ya ndae, gaj miz gaeuj goanz mwz rawz fowhcowq! 18Mizgaj goanz puj yowngh ndai naeh dauh daeuj biangz dij Sen, gvaqmaz mboq miz gawz dauh daeuj biangz dij Sen." 19Yezsuz daj dix hax: "Dwnq maz, mwz ndeh, mawz sinq dij Sen, dij Sen jeuq mawz eh."
Goh Dij Sen Zwzrawz Daeuj
20Dij goanz Fahliqsaiq cham Yezsuz: "Goh dij Sen zwzrawz daeuj mux?" Dix yaeng: "Ta dij goanz lez mboq taen Goh dij Sen daeuj taeng, 21goj mboq miz gawz rux haxdoq su: ‘Lez, goh dij Sen yuq inxnaeh,’ raj hax: ‘Goh dij Sen yuq dihnaeh.’" Unj, Goh dij Sen yuq ndaw zaw su. 22Yaq Yezsuz daj cohsaenz dix hax: "Zaekgaj taeng zwz yah, daengz gaenqsu zawx taen ndauj Lug Dij Goanz daeuq daeuj naeh saek vaenz, gaj su naengz mboq ndaej taen. 23Mwznaj rux miz dij goanz daj su hax: ‘Lez, Lug Dij Goanz yuq dihnaeh. Lez, Lug Dij Goanz yuq inxnaeh!’ Gaj gaenqsu laek og bae, goj laek nowngz paenqdix. 24Unj, Lug Dij Goanz daeuq daeuj zwzrawz zoq baenzzaq faxmyaeb naeh, myaeb dinfax baih naeh bae deg dinfax baih gaengnaeh, hawj daengz dawj fax rungh nauq. 25Gaj dix ndaej jinkaem lai taeuq daekgoanq, zoah zoh dij goanz naeh viangh dix. 26Jeh Noahyaq naeh baenzzaqrawz, jeh Lug Dij Goanz naeh goj zaemh baenzzaqrawz. 27Jeh Noahyaq naeh, dij goanz daj zwzndai dungzlumj, jin niz jin, ndut niz ndut, kai lug nyingz niz kai lug nyingz, raep niz raep, taeng vaenz Noahyaq ndonj mwz ndaw lowz naeh, naemxnongz dwx daeuj, tumj daengzle tai nauq.#Zwz Nduq 6. 28Jeh Loahdowh naeh goj zawh baenzzaqnaeh, dij goanz jin niz jin, ndut niz ndut, swx niz swx, kai niz kai, ndaem raeh niz ndaem raeh, daengj rownz niz daengj rownz. 29Taeng vaenz Loahdowh ni Soaxdozmax naeh, faez daj leuhhuangh daeq ndaw fax loangz daeuj, hawj daengzle tai nauq.#Zwz Nduq 19. 30Lug Dij Goanz daeuq daeuj zwzrawz goj zawh baenzzaqnaeh. 31Taeng vaenz naeh, puj yuq haenz rownz, laek dauh mwz ndaw rownz aeu gaeng, yuq ndaw naz goj laek dauh mwz ndaw rownz.#17:31 Inxnaeh mbaednduq zawh hax: Taeng vaenz naeh, dij goanz yuq nyiangzrownz, laek dauh mwz ndaw rownz aeu gaeng. 32Aeu mez Loahdowh hoak zaugvai.#Zwz Nduq 19:15-16; 26. 33Gawz zawx jeuq aen mingh dihndin naeh, gawz zoq laem aen mingh daengznauq naeh. Gaj gawz viangh aen mingh dihndin naeh, gawz zoq ndaej aen mingh daengznauq naeh. 34Gux haxdoq su, hwnz gaengnaeh, song goanz zaemhnoanz aen tanj ux, goanz ux rux ndaej raep mwz, goanz ux rux zoah jizzaz yuq. 35Song goanz puj nyingz zaemh huxkaeuj, goanz ux rux ndaej raep mwz, goanz ux zoah jizzaz yuq." 36#17:36 Mbangj bwnz miz gaemz naeh: Song goanz zaemh yuq ndaw naz, goanz ux rux ndaej raep mwz, goanz ux zoah jizzaz yuq. 37Cohsaenz cham Yezsuz: "Zaeuj aj, ijrawz rux miz sowh saeh naeh?" Zaeuj hax: "Do tai yuq rawz, dij a zoq yuq rawz tomj."#17:37 Inxnaeh ndaw sw Haeg zawh hax: Yingz.
Zvasarudzwa nguva ino
Luhzaz 17: ZHN
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2023, Peace Publishing Co. All rights reserved.