Luhzaz 19
19
Yezsuz Daj Saxgaiz
1 Yezsuz mwz taeng ndaw Yezliqgoz chaenh, gau dix gvaq ndaw chaenh naeh, 2miz goanz ux rongx hoak Saxgaiz, dix zawh sowh puj saeq gvanx puj caeu coiq naeh, dix baenzsaq taeuq. 3Dix zawx lez Yezsuz zawh goanz ux baenzzaqrawz, gaj dix daemq gvaq, dij goanz goj miz lai gvaq, yaz zoah dix nauq, lez mboq taen. 4Dix ruxndeq Yezsuz gvaq zoah baihnaj, dix zoq lenh mwz baihnaj, kwnj mwz go maexmiangzsau ux, yuq dih naeh taj lez Yezsuz. 5Gau Yezsuz daeq mwz taeng dih naeh, Yezsuz ngangh to daj dix hax: "Saxgaiz, loangz daeuj kvaiq! Vaenz naeh gux mwz rownz mawz ndowj." 6Saxgaiz cenq loangz daeuj, dix faengz taeuq, zowz Yezsuz mwz rownz dix. 7Puj ndai leztaen Yezsuz hoakzaqnaeh, zoq nyah: "Dix gaenq yumq mwz rownz puj hoak loang ndowj ngah!" 8Saxgaiz in maz daj Zaeuj hax: "Zaeuj aj, gux aeu ngaenzjenz daj za'hoq rownz gux mbengj ux baen hawj puj baenzluk, jixzawh gux ndaej yai ngaenzjenz gawz, gux zoq boiz dix siq daep." 9Yezsuz daj dix hax: "Vaenznaeh rownz naeh ndaej jeuq yah! Unj goanz naeh goj zawh luglan Yaqboahlazhanq. 10Gux haxdoq su, Lug Dij Goanz daeuj dihndin, zawh daeuj cha daj jeuq sowh dij goanz lamq naeh."
Aen Bixliq Sip Goanz Puj koij Naeh
11Gau goanzlai biak Yezsuz hax kauq naeh, haeuz daj Yezluqsaxlaengx dungzzawj, paenqdix faeklaih Goh dij Sen zaekgaj daeuj yaj. Baenzzaqnaeh, Yezsuz zoq laemh aen bixliq ux hawj paenqdix biak, dix hax: 12"Luglan rownz hongz, miz goanz ux hax ndaej hoak hongz gvanx mbanj ux yaj naeh, dix zoq daeq gvae mwz dih laux hongz dwx naeh, laux hongz dwx naeh hawj dix hoak hongz yaq, dix zoq dauh daeuj. 13Gau dix naengz mboq loangzdin mwz naeh, dix rongx puj koij dix maz sip goanz, aeu ngaenz hawj paenqdix sip mixnah#19:13 Zwz naeh puj hoak gaengx hoak gaengx baeg vaenz ux zoq ndaej mixnah ux. Sip mixnah zoq lai baenzzaq sam bi vaenzriangz naeh. ngaenz, yaq daj paenqdix hax: ‘Ndauj gux mboq yuq naeh, su aeu sowh ngaenz naeh bae hoak gax.’ 14Gaj sowh dij goanz dix gvanx naeh ywjhwnq dix, paenqdix nemz dij goanz nowngzlaeng dix mwz, daj laux hongz dwx naeh hax: ‘Piu mboq venq hawj goanz naeh hoak laux hongz piu.’ 15Goanz gaengnaeh ndaej hoak hongz, dix dauh daeuj, zoq nemz sowh puj dix aeu ngaenz hawj hoak gax naeh maz, zawx ruxndeq le goanz naeh hoak gax ndaej lih gajrawz. 16Goanz daekgoanq daeq maz hax: ‘Zaeuj aj, mixnah ngaenz mawz haeuz ndaej lih sip mixnah eh.’ 17Zaeuj dix hax: ‘Mawz zawh puj koij ndae, daengz sowh saeh ix nyeuz daengzle naeh mawz naengz zawdoag hoak, hawj mawz gvanx sip aen chaenh.’ 18Goanz daih ngih daeq maz hax: ‘Zaeuj aj, mixnah ngaenz mawz haeuz ndaej lih haj mixnah eh.’ 19Zaeuj dix hax: ‘Hawj mawz gvanx haj aen chaenh.’ 20Goanz mawq maz hax: ‘Zaeuj aj, mawz lez, ngaenz mawz yuq inxnaeh, gux aeu paeng toq nyaengx. 21Unj gux mbu mawz, mawz gvanx jinx taeuq, mboq aeu nyaengx goj bae aeu gaenq lih, mboq ndaem goj bae caeu.’ 22Zaeuj dix daj dix hax: ‘Mawz zawh puj koij ndog, gux aeu kauq mawz paeg mawz. Mawz ruxndeq gux gvanx jinx, mboq aeu nyaengx goj bae aeu gaenq lih, mboq ndaem goj bae caeu. 23Haenx, mawz baenzzaqrawz mboq aeu ngaenz gux bae nyaengx ndaw yinhhangh, taj gux dauh maz zwzrawz, aeu daengz goak daengz gaenq lih maz hawj gux mawj?’ 24Yaq zaeuj dix zoq daj sowh puj in haenz dix naeh hax: ‘Aeu mixnah ngaenz dix hawj goanz miz sip mixnah naeh.’ 25Paenqdix hax: ‘Zaeuj aj, dix haeuz miz yaengh sip mixnah ehneh!’ 26Zaeuj hax: ‘Gux haxdoq su, gawz miz zoq hawj dix miz tem, gawz mboq miz, daengz gaenq dix miz naeh goj aeu ni. 27Sowh puj dix gux, mboq venq hawj gux hoak hongz gvanx naeh, laeg paenqdix maz inxnaeh, yuq doqnaj gux kaj paenqdix!’"
Yezsuz Kviq Dij Loix Mwz Yezluqsaxlaengx
28 Yezsuz hax nauq suq kauq naeh yaq, zoq daeq mwz baihnaj, mwz Yezluqsaxlaengx. 29Paenqdix zaekgaj mwz taeng longq Boahfahqih daj longq Boahdaqnih yuq ndaw Bo Maeghit naeh. Yezsuz nemz song goanz cohsaenz dix, 30daj doiq cohsaenz dix hax: "Doiq su mwz longq baihnaj inxnaeh. Su mwz taeng gaurawz, su zoq leztaen miz do dij loixreauh ux, gawz goj naengz mboq sanz kviq, lamh yuq dih gaengnaeh. Su hih dix yaq zung dix daeuj inxnaeh. 31Jixzawh miz dij goanz cham su baenzzaqrawz hih dix, su zoq hoakzaqnaeh yaeng: ‘Zaeuj yungq zoah dix.’" 32Doiq cohsaenz dix zoq mwz, mex gaeng goj daj gaemz Yezsuz hax naeh dungzlumj. 33Gau paenqdix hih dij loixreauh naeh, rownz zaeuj dij loix cham paenqdix: "Gaenqsu baenzzaqrawz hih zowg dij loix?" 34Paenqdix yaeng: "Zaeuj yungq zoah dix." 35Paenqdix zung dij loix daeuj dih Yezsuz naeh, aeu sowjriz paenqdix gumq mwz nowlaeng dij loix, fowz Yezsuz kviq mwz now. 36Gau Yezsuz kviq dij loix daeq mwz baihnaj naeh, daengzle doiq dix daj doiq laux hongz dungzlumj, aeu sowj riz hoakri baiz bae ka loh hawj dij loix Yezsuz daeq now sowj.
37Cohsaenz Yezsuz, daengzle nauq, paenqdix ndaejtaen Yezsuz hoak sowh saenh yaengh saenh naeh lai taeuq, baenzzaqnaeh gau Yezsuz zaekgaj mwz daeux Yezluqsaxlaengx, gau loangz Bo Maeghit naeh, paenqdix zoq faengz nyauznyauz, biangz dij Sen, hax chungndae taeuq.#19:37 Zwzpujjeq dij Sen haeuz haxdoq puj zawxkauq dix Saxzazliqyaq sowh saeh naeh; lez Sw Saxzazliqyaq 9:9. 38Paenqdix hax:
"Ngwz dij Sen gumx laux hongz dij Sen nemz daeuj naeh!#Luhzaz 13:35.
Ndaw fax ndaej yuqvangq, yuq dih sung nyeuz daengzle naeh, dij Sen miz najta!"#19:38 Gaemz kauq naeh haeuz yuq Sw Lownx 118:26.
39Sowh dij goanz zaemh yuq naeh, miz jij goanz Fahliqsaiq ux daj Yezsuz hax: "Lauxswz, hwt cohsaenz mawz mah!" 40Yezsuz yaeng: "Gux haxdoq su, jixzawh paenqdix ngaemz baeg mboq goak, tin naengz rux rongx yah!"
Yezsuz Haej Laeng Yezluqsaxlaengx
41Gau Yezsuz zaekgaj mwz daeux Yezluqsaxlaengx, leztaen chaenh naeh, dix haej laeng chaenh naeh, 42dix hax: "Jixzawh vaenz naeh su ruxndeq sowh saeh hawj su ndaej yuqvangq naeh, su zoq ndaej yuqvangq yah. Gaj gannaeh sowh saeh naeh mboq zawh hawj su ta taen singjringh, su mboq rux leztaen. 43-44Dij Sen haeuz daeuj zauzhuz su, su mboq ruxndeq, baenzzaqnaeh, zaekgaj taeng zwz yaj, sowh puj daj su hoak dangqbaih naeh, aeu namh diamh maz saeuh su, homx haenzhenz su hawj su og bae mboq baenz. Su daj lug su yuq ndaw chaenh naeh zoah dup nownzcumj, aen rownz rawz gojndae mboq miz kvaix tin rawz yuq now kvaix tin rawz."
Rownz Dij Sen Zawh Dih Aeu Hawj Dij Goanz Daj Dij Sen Hax Kauq
45 Yezsuz ndonj mwz rownz dij Sen, dix daem sowh puj hoak gax naeh ni, 46daj paenqdix hax: "Ndaw Sw Dij Sen hoakzaqnaeh laiz: ‘Dij Sen hax: rownz gux zawh dih aeu hawj dij goanz daj gux hax kauq,’#19:46 Gaemz kauq naeh haeuz yuq Sw Yixsaiqyaq 56:7. gaj su aeu dih naeh hoak daj dih puj laek ndowj dungzlumj."
47 Yezsuz gaj vaenz gaj yuq rownz dij Sen zau daenh. Sowh puj gvanx puj mbud dij Sen naeh, sowh lauxswz zau Sw Dij Sen naeh, puj Yaeuhtaiq sowh puj miz najta naeh, paenqdix zawx kaj dix. 48Gaj goanz lai goq biak biak Yezsuz zau, baenzzaqnaeh paenqdix mboq ruxndeq hoakrawz hoak.
Zvasarudzwa nguva ino
Luhzaz 19: ZHN
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2023, Peace Publishing Co. All rights reserved.