Yohana 16
16
1“Na boyownə ləməginə kat gə ɓe hwunaa ɗeyə a pɨrə kaake. 2Tən ɓa omrəwnə a kərəwnə pɨrtə a vəni kəndəshe darən. Diyalə na dɨ boyownə, itɨ nzati ɓaga shi, mye ɓa ɓəltəwnə, tən myee ɓəltəwnə ɓa niyə ɓətɨ lyenti pepeti təna dɨ ɗa Həmɨnpwa. 3Tən ɓa ɗa wule shingɨn gəkɨlə tənaa lee Baagi, tənaa leeri mgban. 4Ɓəgəng hɨnə dɨ boyownə ləngɨn gə fərəngɨn kana kənə, hwun ɓa ɗyanga atɨ hɨn fyel-kwakingəwnə. A tiyatə taa boyownə ləngɨn gəkɨlə hɨnə kəwnə ɓwaa.
Lyenta Pitɨ Ɗəmɗəmtə
5“Ɓəgəng hɨnə dɨ mɨnə haka Həmɨnpwa ndi ma lyanari. Taa ndəng ma a nəngəwnə ɗiyi atɨ, ‘A ndo haa hye dɨ muɗə?’ 6Hwuna dɨ ɗa yedi-kɨttə kɨr-kɨr gə ləməgyee na boyownə. 7Diyalə na dɨ boyownə, gə pepetɨ dəwnə na dɨ muɗə. Na taa muɗi, Nzə-gwaha aa dɨ shi hakəwnə, shezə hɨn kana muɗə, də na lyanəwnə she kan. 8Ndi kana shi, ndi ɓa nggala hubo mi vɨratə a nə səhase darən ka pepetə, ka ɓashita Həmɨnpwa. 9Ndi ɓa nggala hubosərən a nə səhase darən, gəkɨlə ɓwaare kwo mwatə ke, 10a nə pepetə gəkɨlə hɨnə dɨ muɗə haka Baatə a haa hwunaa diyə ga nee də, 11a nə ɓashitə gəkɨlə mye ɗa Shetan njila vɨratə ɓashitɨ we.
12“Hɨnə ka ləməgye furi-furi ɓa boyownə, shezə ɓəgəng hwunaa dɨ mba ləməgingɨn a kɨsə kat. 13Fəra Pite ɓa bɨl diyale da Həmɨnpwa a shi də, ndi ɓa koɗə kəwnə a kənəwnə təfəgi diyale kat. Ndaa dɨ bwe alə a nənəngɨn, ləməgyee nda kɨlə dɨ haka Baatə nə ndi ɓa boyownə. Ndi ɓa bɨləwnə ləməgye a nə shee ɓaga ɗa. 14Ndi ɓa shike ka fukatə dɨ ha ləməgi diyaləngɨn 'ye ndi ɓawa bɨləwnə. 15Sa kat hɨnggə Baatə nə, hɨngginə mgban. Səngɨn ɗa na ɓə səwnə atɨ Pitə ɓa bɨləwnə ləməgyee dɨ hake bwang.
16“Ɓə mbiɗi ɓyeləng hwunaa diyə nee, aa dɨ ɓongə mgban hwun ɓa mɨna nee.”
Yedi-kɨtta lagbe ɓa gəə hanɨngti
17Imi dɨ vor lagbe dan a ɗiyəsə, “Naarə la nda dɨ boyo nee a shiya, atɨ, ‘Ɓə mbiɗi ɓyeləng hwunaa diyə nee, aa dɨ ɓongə hwun ɓa mɨna nee,’ ka mɨni wule la atɨ, ‘Gəkɨlə hɨnə dɨ muɗə haka Baatə’?” 18Təna pɨrə humwa ta ɗiyəsə le atɨ, “Naarə la nda dɨ boyo nee a shiya, atɨ, ‘Ɓə mbiɗi ɓyeləng’? Hinaa lee naarə la nda dɨ boyo.”
19Yesu leyə atɨ təne dɨ mwi atɨ təna ɗiyən naarə ləngɨn, səngɨn ɗa nda ɗiyərən atɨ, “Hwuna dɨ ɗiyəsə le a nə la na boyo atɨ, ‘Ɓə mbiɗi ɓyeləng hwunaa diyə nee, aa dɨ ɓongə hwun ɓa mɨna nee’ ma? 20Diyalə na dɨ boyownə, hwun ɓa təwo ka yedi-kɨttə, mi vɨratə mgban tən ɓawa ɗa hanɨngtə. Yedi-kɨttɨngɨn ɓa virwo a gəə hanɨngti. 21Ite metə nee a kwa-mwasatə, ngga dɨ kɨla sɨtɨ otə ka yedi-kɨttə, gəkɨlə fərə mwasatɨngɨn kənə. Nggi kana mwasa nze a mbəə, myensə a dɨ nggurgə otɨngɨn, gəkɨlə hanɨngtɨ dɨmata nze a vɨratə. 22Sə mgban kəwnə, yedi-kɨttɨ dəwnə nə ɓəgəng, shezə hɨn ɓa mɨna a nəwnə ɓə, də hwun ɓa ɗa hanɨngtə, taa ndəng ma də ɓa kɨɗa hanɨngtɨ dəwnə. 23A fərəngɨn, hwunaa diyə mɨna ɗiyi alə. Diyalə na dɨ boyownə, Baagi ɓa vəwnə sa hwuna dɨ nyisə vor gəte a kwaka. 24Hwunaa ndaga nyit asə a vor gəte a kwaka. Nyisəm, Həmɨnpwa ɓa vəwnə, hwunaa dɨ ɗongə hanɨngtə nagi kəng-kəng.
25“Hɨn boyownə ləməgye ka byelə səɗe, a humwa taa diyə byeli ka byelə səɗe, hɨn ɓa boyownə ləməgye a bɨləwnə bwang a nə Baatə. 26A fərəngɨn hwun ɓa nyisə vor gəte a kwaka. Taa səwnə atɨ hɨn ɓa nyisə Baatə a moonəngəwnə. 27Di ndi Baatə ka nənəngɨn, sɨne dɨ mworəwna, gəkɨlə hwuna mwori a mwadiyale atɨ dɨ hakan na shi. 28Dɨ haka Baatə na shi na ɓə pɨra a vor vɨratə, ɓəgəng hɨnə dɨ ɗaka vɨratə ɓa mɨnə haka Baatə.”
29Lagbe da Yesu a san, “Ɓəgəng nə hye dɨ dɨmaadə le a haa bwange bwang, taa byelə səɗə də. 30Ɓəgəng hin leyə twa atɨ hye lee nagi ndo sə, teewa kula atɨ ama a ɗiyu ndəng lə. Gə-angɨn hin mwa atɨ dɨ haka Həmɨnpwa hye shi.”
31Yesu a sarən, “Hwun she mwadiyale?” 32“Niyəm, fəre nee dɨ shi, sɨnə ɓəgəng, mye ɓa gbarawnə hwuna woyo hyeɗə-hyeɗə, nagi ndo ma ɓa giɓə a muɗə hwodan. Hwun ɓa ɗake na kangə dɨsəri. Kat ka angɨn aa hɨnə dɨsəri, gəkɨlə Baagi nee ɓwaa ke.
33“Na boyownə ləməginə gəkɨlə hwuna ɗɨm ɗoltə a hake. A vɨrangnə hwun ɓa pɨrə tənətə. Bəmdə hubosəwnə gə hɨn gban vɨratə.”
Zvasarudzwa nguva ino
Yohana 16: bcy
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Yohana 16
16
1“Na boyownə ləməginə kat gə ɓe hwunaa ɗeyə a pɨrə kaake. 2Tən ɓa omrəwnə a kərəwnə pɨrtə a vəni kəndəshe darən. Diyalə na dɨ boyownə, itɨ nzati ɓaga shi, mye ɓa ɓəltəwnə, tən myee ɓəltəwnə ɓa niyə ɓətɨ lyenti pepeti təna dɨ ɗa Həmɨnpwa. 3Tən ɓa ɗa wule shingɨn gəkɨlə tənaa lee Baagi, tənaa leeri mgban. 4Ɓəgəng hɨnə dɨ boyownə ləngɨn gə fərəngɨn kana kənə, hwun ɓa ɗyanga atɨ hɨn fyel-kwakingəwnə. A tiyatə taa boyownə ləngɨn gəkɨlə hɨnə kəwnə ɓwaa.
Lyenta Pitɨ Ɗəmɗəmtə
5“Ɓəgəng hɨnə dɨ mɨnə haka Həmɨnpwa ndi ma lyanari. Taa ndəng ma a nəngəwnə ɗiyi atɨ, ‘A ndo haa hye dɨ muɗə?’ 6Hwuna dɨ ɗa yedi-kɨttə kɨr-kɨr gə ləməgyee na boyownə. 7Diyalə na dɨ boyownə, gə pepetɨ dəwnə na dɨ muɗə. Na taa muɗi, Nzə-gwaha aa dɨ shi hakəwnə, shezə hɨn kana muɗə, də na lyanəwnə she kan. 8Ndi kana shi, ndi ɓa nggala hubo mi vɨratə a nə səhase darən ka pepetə, ka ɓashita Həmɨnpwa. 9Ndi ɓa nggala hubosərən a nə səhase darən, gəkɨlə ɓwaare kwo mwatə ke, 10a nə pepetə gəkɨlə hɨnə dɨ muɗə haka Baatə a haa hwunaa diyə ga nee də, 11a nə ɓashitə gəkɨlə mye ɗa Shetan njila vɨratə ɓashitɨ we.
12“Hɨnə ka ləməgye furi-furi ɓa boyownə, shezə ɓəgəng hwunaa dɨ mba ləməgingɨn a kɨsə kat. 13Fəra Pite ɓa bɨl diyale da Həmɨnpwa a shi də, ndi ɓa koɗə kəwnə a kənəwnə təfəgi diyale kat. Ndaa dɨ bwe alə a nənəngɨn, ləməgyee nda kɨlə dɨ haka Baatə nə ndi ɓa boyownə. Ndi ɓa bɨləwnə ləməgye a nə shee ɓaga ɗa. 14Ndi ɓa shike ka fukatə dɨ ha ləməgi diyaləngɨn 'ye ndi ɓawa bɨləwnə. 15Sa kat hɨnggə Baatə nə, hɨngginə mgban. Səngɨn ɗa na ɓə səwnə atɨ Pitə ɓa bɨləwnə ləməgyee dɨ hake bwang.
16“Ɓə mbiɗi ɓyeləng hwunaa diyə nee, aa dɨ ɓongə mgban hwun ɓa mɨna nee.”
Yedi-kɨtta lagbe ɓa gəə hanɨngti
17Imi dɨ vor lagbe dan a ɗiyəsə, “Naarə la nda dɨ boyo nee a shiya, atɨ, ‘Ɓə mbiɗi ɓyeləng hwunaa diyə nee, aa dɨ ɓongə hwun ɓa mɨna nee,’ ka mɨni wule la atɨ, ‘Gəkɨlə hɨnə dɨ muɗə haka Baatə’?” 18Təna pɨrə humwa ta ɗiyəsə le atɨ, “Naarə la nda dɨ boyo nee a shiya, atɨ, ‘Ɓə mbiɗi ɓyeləng’? Hinaa lee naarə la nda dɨ boyo.”
19Yesu leyə atɨ təne dɨ mwi atɨ təna ɗiyən naarə ləngɨn, səngɨn ɗa nda ɗiyərən atɨ, “Hwuna dɨ ɗiyəsə le a nə la na boyo atɨ, ‘Ɓə mbiɗi ɓyeləng hwunaa diyə nee, aa dɨ ɓongə hwun ɓa mɨna nee’ ma? 20Diyalə na dɨ boyownə, hwun ɓa təwo ka yedi-kɨttə, mi vɨratə mgban tən ɓawa ɗa hanɨngtə. Yedi-kɨttɨngɨn ɓa virwo a gəə hanɨngti. 21Ite metə nee a kwa-mwasatə, ngga dɨ kɨla sɨtɨ otə ka yedi-kɨttə, gəkɨlə fərə mwasatɨngɨn kənə. Nggi kana mwasa nze a mbəə, myensə a dɨ nggurgə otɨngɨn, gəkɨlə hanɨngtɨ dɨmata nze a vɨratə. 22Sə mgban kəwnə, yedi-kɨttɨ dəwnə nə ɓəgəng, shezə hɨn ɓa mɨna a nəwnə ɓə, də hwun ɓa ɗa hanɨngtə, taa ndəng ma də ɓa kɨɗa hanɨngtɨ dəwnə. 23A fərəngɨn, hwunaa diyə mɨna ɗiyi alə. Diyalə na dɨ boyownə, Baagi ɓa vəwnə sa hwuna dɨ nyisə vor gəte a kwaka. 24Hwunaa ndaga nyit asə a vor gəte a kwaka. Nyisəm, Həmɨnpwa ɓa vəwnə, hwunaa dɨ ɗongə hanɨngtə nagi kəng-kəng.
25“Hɨn boyownə ləməgye ka byelə səɗe, a humwa taa diyə byeli ka byelə səɗe, hɨn ɓa boyownə ləməgye a bɨləwnə bwang a nə Baatə. 26A fərəngɨn hwun ɓa nyisə vor gəte a kwaka. Taa səwnə atɨ hɨn ɓa nyisə Baatə a moonəngəwnə. 27Di ndi Baatə ka nənəngɨn, sɨne dɨ mworəwna, gəkɨlə hwuna mwori a mwadiyale atɨ dɨ hakan na shi. 28Dɨ haka Baatə na shi na ɓə pɨra a vor vɨratə, ɓəgəng hɨnə dɨ ɗaka vɨratə ɓa mɨnə haka Baatə.”
29Lagbe da Yesu a san, “Ɓəgəng nə hye dɨ dɨmaadə le a haa bwange bwang, taa byelə səɗə də. 30Ɓəgəng hin leyə twa atɨ hye lee nagi ndo sə, teewa kula atɨ ama a ɗiyu ndəng lə. Gə-angɨn hin mwa atɨ dɨ haka Həmɨnpwa hye shi.”
31Yesu a sarən, “Hwun she mwadiyale?” 32“Niyəm, fəre nee dɨ shi, sɨnə ɓəgəng, mye ɓa gbarawnə hwuna woyo hyeɗə-hyeɗə, nagi ndo ma ɓa giɓə a muɗə hwodan. Hwun ɓa ɗake na kangə dɨsəri. Kat ka angɨn aa hɨnə dɨsəri, gəkɨlə Baagi nee ɓwaa ke.
33“Na boyownə ləməginə gəkɨlə hwuna ɗɨm ɗoltə a hake. A vɨrangnə hwun ɓa pɨrə tənətə. Bəmdə hubosəwnə gə hɨn gban vɨratə.”
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.