Yohana 15
15
Yesu nə kada inabitə
1“Hɨnə kada inabitɨ tikɨse, Baagi nə həmɨ kaanda inabitɨngɨn. 2Base kadaa nza sɨshi, a 'ye aawa mbwo, nda dɨ ɗawgərən a kəjidərən, base kada dɨ mbwi mgban, nda dɨ kpalgərən a ɗadərən gə təna mbwo pepe. 3Ɓəgəng hwune ɗəmɗəm, gəkɨlə ləməgyee na boyownə. 4Nzam kpakam a sɨshi, hɨn mgban na nza kəwnə ɓwaa. Taa a basa kada də ɓa mba mbwotə a mbwo nənəngɨn, mbak-mbak basa kada ɓa kpaka a sɨtɨ kada inabitə. Sə mgban, hwunaa dɨ mba mbwotə a hwunaa kpaka a sɨshi.
5“Hɨnə kada inabitə, hwunə base kadangɨn. Ma kat nza sɨshi, hɨn mgban a sɨsən, mangɨn ɓa mbwo kɨr-kɨr. Na aa ke, hwunaa dɨ mba asə a ɗa. 6Ma aa nza sɨshi, sɨnə ɓətɨ basa kada mya ɗawgən a ɗongdən nda lɨɓɨkə, wule basengɨn mya dɨ poro a kəjiyə ɗiye təna hyenə. 7Hwun kana nza sɨshi, ləməgye de a nza hubosəwnə, nyisəmə Həmɨnpwa nagi ndo sə hwuna dɨ mwo, ndi ɓa vəwnə. 8Hwun kana mbwo kɨr-kɨr, fukatɨ da Baagi nə, angɨn ɓa bɨldən atɨ hwunə lagbe de.
9“Ɓətɨ Baatə a mwori, sə mgban na mworəwnə. Zə nzamə vor mwoha de. 10Hwun kana koddə gɨraha de, hwun ɓa nza vor mwoha de, ɓətɨya na koddə gɨraha da Baagi a nza vor mwoha dan. 11Na boyownə ləməginə gə hwuna ɗɨm hanɨngtɨ de, hwunaa dɨ ɗongə hanɨngtə nagi kəng-kəng. 12Gɨraha de nə yang: Hwuna mwosə ɓətɨya na mworəwnə. 13Taa a mwoha də pɨrgə wule anə, atɨ ma a vədə myensən gə yə ndewogən. 14Hwunə yə ndewogi, anda hwune koddə gɨraha de. 15Taa diyə ga warəwnə atɨ kɨse, gəkɨlə kɨsa aa dɨ lee sa həməngɨn a dɨ ɗa. Hɨnggi na dɨ warəwnə atɨ ndeweye, gəkɨlə shee kat na ɗyegənə dɨ haka Baagi, tənə 'ye na boyownə. 16Aa hwunə nggɨlti, hɨnə nggɨltəwnə, lyentəwnə atɨ hwuna dɨmə a dɨ mbwo, a wule mbwote aa dɨ kɨɗə. Gə-angɨn Baatə ɓa vəwnə sa kat hwuna nyisə dɨ vor gəte a kwaka. 17Gɨraha de nə yang: Hwuna mwosə.
Mi vɨratə a kwo lagbe da Yesu
18“Mi vɨratə kana kworəwnə, hwuna ɗyanga atɨ hɨnə təna kwori a kwamətə. 19Anda hwunə hɨnggə vɨratə, mi vɨratə ɓa nda mworəwnə. Shezə gə hwun tam ɓətɨgə mi vɨratə, gə hɨnə nggɨltəwnə, dɨmaadəwnə gə vɨratə, səngɨn ɗa təna kworəwnə. 20Ɗyangam ka ləməgyee na boyownə atɨ, ‘Kɨsa aawa pɨrgə həməngɨn.’ Naya təna tənəə di, sə mgban tən ɓa tənəə dəwnə. A tən nda koddə shee na kəndərən, tən ɓa nda koddə hɨnggəwnə mgban. 21Tən ɓa ɗəwnə wule shingɨn kat gəkɨlə kwaka, gələ tənaa lee Həmɨnpwa ndi ma lyanari. 22A hɨn taa nda shi a bwe le kaarən, tən ɓa nda sa atɨ tənaa ɗa səhase. Ɓəgəng taa mgbaalə kaarən ka səhasəngɨn darən. 23Ma kwori, mangɨn kwo Baagi mgban. 24A hye niyi atɨ hɨn taa ɗa sa ama aa ndaga ɗa a wakasərən, tən ɓa nda sa atɨ tənaa ɗa səhase. Ɓəgəng tən naa zərgi shikoshopye, kat ka angɨn təna kwori hɨn ka Baagi. 25Angɨn a ɗaasə gəkɨlə ləməgyee mya doro vor malɨmtɨ ɓashitɨ darən a naa atɨ, ‘Təna kwori ɓaa, taa mgbaalə də.’#15.25 Naasə: Dyemshe 35.19; 69.4.
26“Nzə-gwahaa hɨn ɓa lyanarən dɨ haka Baatə kana shi hakəwnə, a Pite ɓa bɨldə diyale da Həmɨnpwa, a ɓa dɨma dɨ haka Baatə, ndi ɓa takale a na. 27Hwun mgban, hwun ɓa takale a na a haka ɓwaare gəkɨlə a tiyatə hɨm nee ɓwaa ka sə.
Zvasarudzwa nguva ino
Yohana 15: bcy
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Yohana 15
15
Yesu nə kada inabitə
1“Hɨnə kada inabitɨ tikɨse, Baagi nə həmɨ kaanda inabitɨngɨn. 2Base kadaa nza sɨshi, a 'ye aawa mbwo, nda dɨ ɗawgərən a kəjidərən, base kada dɨ mbwi mgban, nda dɨ kpalgərən a ɗadərən gə təna mbwo pepe. 3Ɓəgəng hwune ɗəmɗəm, gəkɨlə ləməgyee na boyownə. 4Nzam kpakam a sɨshi, hɨn mgban na nza kəwnə ɓwaa. Taa a basa kada də ɓa mba mbwotə a mbwo nənəngɨn, mbak-mbak basa kada ɓa kpaka a sɨtɨ kada inabitə. Sə mgban, hwunaa dɨ mba mbwotə a hwunaa kpaka a sɨshi.
5“Hɨnə kada inabitə, hwunə base kadangɨn. Ma kat nza sɨshi, hɨn mgban a sɨsən, mangɨn ɓa mbwo kɨr-kɨr. Na aa ke, hwunaa dɨ mba asə a ɗa. 6Ma aa nza sɨshi, sɨnə ɓətɨ basa kada mya ɗawgən a ɗongdən nda lɨɓɨkə, wule basengɨn mya dɨ poro a kəjiyə ɗiye təna hyenə. 7Hwun kana nza sɨshi, ləməgye de a nza hubosəwnə, nyisəmə Həmɨnpwa nagi ndo sə hwuna dɨ mwo, ndi ɓa vəwnə. 8Hwun kana mbwo kɨr-kɨr, fukatɨ da Baagi nə, angɨn ɓa bɨldən atɨ hwunə lagbe de.
9“Ɓətɨ Baatə a mwori, sə mgban na mworəwnə. Zə nzamə vor mwoha de. 10Hwun kana koddə gɨraha de, hwun ɓa nza vor mwoha de, ɓətɨya na koddə gɨraha da Baagi a nza vor mwoha dan. 11Na boyownə ləməginə gə hwuna ɗɨm hanɨngtɨ de, hwunaa dɨ ɗongə hanɨngtə nagi kəng-kəng. 12Gɨraha de nə yang: Hwuna mwosə ɓətɨya na mworəwnə. 13Taa a mwoha də pɨrgə wule anə, atɨ ma a vədə myensən gə yə ndewogən. 14Hwunə yə ndewogi, anda hwune koddə gɨraha de. 15Taa diyə ga warəwnə atɨ kɨse, gəkɨlə kɨsa aa dɨ lee sa həməngɨn a dɨ ɗa. Hɨnggi na dɨ warəwnə atɨ ndeweye, gəkɨlə shee kat na ɗyegənə dɨ haka Baagi, tənə 'ye na boyownə. 16Aa hwunə nggɨlti, hɨnə nggɨltəwnə, lyentəwnə atɨ hwuna dɨmə a dɨ mbwo, a wule mbwote aa dɨ kɨɗə. Gə-angɨn Baatə ɓa vəwnə sa kat hwuna nyisə dɨ vor gəte a kwaka. 17Gɨraha de nə yang: Hwuna mwosə.
Mi vɨratə a kwo lagbe da Yesu
18“Mi vɨratə kana kworəwnə, hwuna ɗyanga atɨ hɨnə təna kwori a kwamətə. 19Anda hwunə hɨnggə vɨratə, mi vɨratə ɓa nda mworəwnə. Shezə gə hwun tam ɓətɨgə mi vɨratə, gə hɨnə nggɨltəwnə, dɨmaadəwnə gə vɨratə, səngɨn ɗa təna kworəwnə. 20Ɗyangam ka ləməgyee na boyownə atɨ, ‘Kɨsa aawa pɨrgə həməngɨn.’ Naya təna tənəə di, sə mgban tən ɓa tənəə dəwnə. A tən nda koddə shee na kəndərən, tən ɓa nda koddə hɨnggəwnə mgban. 21Tən ɓa ɗəwnə wule shingɨn kat gəkɨlə kwaka, gələ tənaa lee Həmɨnpwa ndi ma lyanari. 22A hɨn taa nda shi a bwe le kaarən, tən ɓa nda sa atɨ tənaa ɗa səhase. Ɓəgəng taa mgbaalə kaarən ka səhasəngɨn darən. 23Ma kwori, mangɨn kwo Baagi mgban. 24A hye niyi atɨ hɨn taa ɗa sa ama aa ndaga ɗa a wakasərən, tən ɓa nda sa atɨ tənaa ɗa səhase. Ɓəgəng tən naa zərgi shikoshopye, kat ka angɨn təna kwori hɨn ka Baagi. 25Angɨn a ɗaasə gəkɨlə ləməgyee mya doro vor malɨmtɨ ɓashitɨ darən a naa atɨ, ‘Təna kwori ɓaa, taa mgbaalə də.’#15.25 Naasə: Dyemshe 35.19; 69.4.
26“Nzə-gwahaa hɨn ɓa lyanarən dɨ haka Baatə kana shi hakəwnə, a Pite ɓa bɨldə diyale da Həmɨnpwa, a ɓa dɨma dɨ haka Baatə, ndi ɓa takale a na. 27Hwun mgban, hwun ɓa takale a na a haka ɓwaare gəkɨlə a tiyatə hɨm nee ɓwaa ka sə.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.