Matius 1
1
Yesus ninr Ray Silai empuny-nusiny
1:1-17
(Luk. 3:23-38)
1Ye Yesus ninr Ray Silai empuny-nusiny ngarnir. Yesus ninr Ray Silai ye empuny nusiny ber Abraham ma empuny nusiny ber rai Daud a nbal.
2Abraham anaky ber Ishak,
Ishak anaky ber Yakub,
Yakub anaky ber Yehuda nor wanir.
3Yehuda angkir ber Peres ma Zerah, (radu ye enir ber Tamar).
Peres anaky ber Hezron, ma Hezron anaky ber Ram.
4Ram anaky ber Aminadap,
Aminadap anaky ber Nahason,
Nahason anaky ber Salmon.
5Salmon sawany ber Rahab ma angkir ber Boas.
Boas sawany ber Rut ma angkir ber Obed.
Obed anaky ber Isai.
6Isai anaky ber rai Daud.
Daud ye nafsau nor Uria sawany ma angkir ber Salomo.
7Salomo anaky ber Rehabeam,
Rehabeam anaky ber Abia,
ma Abia anaky ber Asa.
8Asa anaky ber Yosafat,
Yosafat anaky ber Yoram,
Yoram anaky ber Uzia.
9Uzia anaky ber Yotam,
Yotam anaky ber Ahas,
Ahas anaky ber Hizkia.
10Hizkia anaky ber Manasye,
Manasye anaky ber Amon,
Amon anaky ber Yosia.
11Noak ma ryebas tomwat Israelar far nus Babel, Yosia sawany namtoranbabe Yosia anaky merwanar. Sir a ne Yekhonya#1:11 Farlan tsalan na 2 Raja-raja 23-25 ma tsalan na tomwat Israelar nir sejarah, ni botuan e Yosia anaky ber Yoyakim. Ma Yoyakim anaky ber Yekhonya nor wanir. Mpa Yekhonya nor wanir a ne Yosia empnir nor wanir.#2Raj. 24:14; 24:15; Yer. 27:20
12Lama ryebas sir far Babel betno Yekhonya nafsau,
ma anaky ber Sealtiel.
Sealtiel anaky ber Zerubabel.
13Zerubabel anaky ber Abihud,
Abihud anaky ber Elyakim,
Elyakim anaky ber Azor.
14Azor anaky ber Zadok,
Zadok anaky ber Akhim,
Akhim anaky ber Eliud.
15Eliud anaky ber Eleazar,
Eleazar anaky ber Matan,
Matan anaky ber Yakub.
16Yakub anaky ber Yusuf.
Yusuf ye sawany ber Maria.
Maria ye ma namtoranbabe Yesus ma rtar feti Ray Silai.
17Mpa nof Abraham ni dasdalam terik rai Daud ni dasdalam e, lapsyar buti resin fat. Ma nof rai Daud terik ma ryebas tomwat Israelar far Babel lapsyar buti resin fat. Ma nof ma ryebas tomwat Israelar far Babel terik ma ramtoranbabe Ray Silai e lapsyar buti resin fat a nbal.
Ramtoranbabe Yesus ninr Ray Silai
1:18-25
(Luk. 2:1-7)
18Ramtoranbabe Yesus ninr Ray Silai ne farye: Maria ye Yesus enany. Ma noak a ne i lolone natnyiman nor Yusuf. Ma radu e to rmorip lese fuky. Boloka farane Ratu Smwangtany Ni kuase, nose ma Maria nakebansou i.#Luk. 1:27 19Yusuf ne dedesar ma nose nlarat agame ni yayatrwar. Mpa noak ma i nafai feti Maria nakebansou i, i ntetak a na dalamy ma nti a ntate Maria, ma nose ma tomwatar to rafai. I nose ma tomwatar to rafai fali to nmpeang ma nafmweat Maria. 20Nempa noak ma Yusuf ndaun farane, Ratu ninr Mangnrure nsiduk Ni malaekat nma ma nakmat Yusuf na ni mefi dalam ma nfalak farye: “Yusuf, ko ye Daud ni dasdalam. Kete mumtaut ma mufsau mor Maria fali kanak ma namin kampuny dalam a ne iane Ratu Smwangtany Ni kuase. 21Maria keta namtoranbabe kanak merwane. Ma ka mufngare I a na Yesus, fali I ye ma keta nfair Ni tomwatar rof nir salar.”#Luk. 1:31 22Safe-safe monuk a ne rbotin nema Ratu nafdiat safe ma luryain e I nfalak ber Ni nabi.
23Ratu nfalak farye: “Keta batdarar sa nakebansou i ma namtoranbabe kanak merwanar sa.
Ma keta rafngare kanak a ne na Imanuel.”
(Imanuel ye ma Ibrani liriny nfalak, “Ratu nor kit dedesar.”)#Yes. 7:14
24Ne Yusuf npote i, ma nose nlarat safe ma Ratu ninr Mangnrure Ni malaekat nfalak ber i a ne. Mpa i nafsau nor Maria. 25Nempa Yusuf to nkoil Maria terik ma namtoranbabe kanak merwane. Ne Yusuf nafngare kanak a ne na Yesus.#Luk. 2:21
Zvasarudzwa nguva ino
Matius 1: YMD
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© Yayasan Pemberdayaan Masyarakat Desa © Wycliffe Bible Translators, Inc. All rights reserved.