Mufananidzo weYouVersion
Mucherechedzo Wekutsvaka

Lou2a 13

13
Darouret el-tawbe
1W-bi-haydak el-wa2et ejo nes w-khabbaro YASOU3 3an el-Jaleeliyyin yalle 2atalon Bilatos bel-haykal w-khalat dammon bi-damm zabeyi7on,
2jewabon YASOU3: "ento mfakkrin enno khatiyyet hal-Jaleeliyyin akbar min khatiyyet el-be2yin 7atta sar fiyon hek?
3B7ebb 2elkon: la2, eza ma ra7 ettoubo, ra7 tmouto kellkon metlon.
4W-hawdik el-tmen-ta3sh yalle wa2a3 el-berj 3leyon bi-Silwem w-2atalon, ento mfakkrin enno ghalteton akbar min ghaltet ahl Ourashalim?
5B7ebb 2elkon: la2, w-eza ma ra7 ettoubo, ra7 tmouto kellkon metlon.
Matal el-teene yalle ma bte7mol
62al YASOU3 hal-matal: "ken la-rejjel shajret teen mazrou3a bi-karmo, eja ta-yfattesh 3ala thamar, w-ma le2a.
72al lal-kerrram: 2ele tlet snin beje 3ala hal-teene la-ekhod thamar, w-ma 3am le2e, 2ta3a! Leysh ta-netreka t3attil el-ard?
8Jewabo el-kerram: treka, ya Rab, ba3d sene, 7atta enkosh 7awla w-7ottella sawed.
9W-hek barke bte7mol el-sene el-jeye wa-ella bte2ta3a."
Shife2 mara m7ardbe nhar el-sabt
10W-ken YASOU3 3am bi3allim bi-majma3 nhar el-sabt,
11w-honik ken fi mara sèkena rou7 khalleha temrad tmen-ta3shar sene, w-3emella 7erdabbe ma fiya abadan tjallis.
12Lamma shefa YASOU3 nadeha w-2alla: "nshafayte min maradik!"
13W-7att 2ido 3leya, w-jallasit deghre dahra w-majjadit ALLAH.
14Ghodib ra2is el-majma3, li2anno YASOU3 shafa el-mara nhar el-sabt, w-2al lal-mawjoudin: "3endkon sitt tiyyem masmou7 teshteghlo fiyon, teb2o ta3o bi-hal-iyem ta-teshfo, mish nhar el-sabt!"
15Jewabo el-RAB YASOU3: "ya mnef2een! Mish kell wa7ad minkon bifekk rbat tawro aw 7maro min el-ma3laf nhar el-sabt w-byekhdo ta-yes2ih?
16W-hal-mara min wled Ibrahim rabata el-shaytan min tmen-ta3shar sene, mish ken lezim enna tenfakk min rbata yawm el-sabt?"
17W-lamma 2al hal-kalem, sta7o min 7alon kell yalle ejo doddo, w-kell el-nes fer7o bel-a3mel el-majide yalle ken 3am ya3mela.
Matal 7abbit el-khardal
18W-2al YASOU3: "shou byeshbah malakout ALLAH? Bi-shou bshabbho?
19Houe metl 7abbit khardal zara3a rejjel bi-7a2lo, w-kebrit w-saret shajra, w-saro 3safeer el-sama ya3mlo 3shoush bayn aghsana."
Matal el-khameere
20W-2al kamen: "bi-shou bshabbih malakout ALLAH?
21Houe metl khameere akhadeta mara w-7atteta bi-tlet kaylet t7in, w-hek el-3ajeen khammar kello."
El-beb el-dayyi2
22W-meshe YASOU3 bel-moudon wel-diya3, 3am bi3allim w-houe bi-tari2o 3ala Ourashalim.
232allo rejjel: "ya Rab, awlak ra7 ykouno 2lel yalle bile2o el-khalãs?" Jewab YASOU3:
24"3melo jehdkon enno tfouto min el-beb el-dayyi2. B7ebb 2elkon: ktar min el-nes ra7 yjarrbo yfouto w-ma ra7 ye2daro.
25W-eza 2am rab el-beyt w-sakkar el-beb, w-w2efto ento barra w-serto etde'2o 3al-beb w-t2oulo: ya rab! Fta7elna, ra7 yjewebkon: ma ba3refkon!
26W-bit2oulo: akalna w-shrebna ma3ak, w-3allamit bi-tor2atna!
27Bi2elkon: ma ba3rif min wayn ento. B3edo 3anne kellkon ya ashrar!
28W-bikoun el-beke wel-ta2ta2et el-snen, wa2et yalle bitshoufo Ibrahim w-Is7ak w-Ya3koub wel-anbiya kellon bi-malakout ALLAH, w-ento barra mash7outin!
29W-ra7 yejo el-nes min el-shar2 wel-gharb, w-min el-shmel wel-jnoub, w-bye2e3do 3al-meyde bi-malakout ALLAH.
30El-ouwal ra7 ysiro awekher, w-yalle henne awekher ra7 ysiro ouwal."
Ma7abbet YASOU3 la-Ourashalim
31W-bi-haydik el-se3a 2arrabo kamm wa7ad min el-ferrisiyyin min YASOU3 w-2aloulo: "b3od min hon, li2anno Hirodos baddo ye2etlak!"
322allon: "rou7o 2oulo la-hal-ta3lab: ana 3am besh7at el-shyateen w-3am beshfe el-marda liom w-boukra, w-bel-yawm el-telit bkhallis kell shi.
33Bass lezim kammil tari2e liom w-boukra w-ba3d boukra, li2anno ma bijouz enno ymout nabe barrat Ourashalim.
34Ourashalim, Ourashalim! Ya 2attilet el-anbiya w-rajjimet el-moursalin yalle nba3ato la-3andik! Kamm marra ken badde ejma3 wledik, metl ma btejma3 el-djeje wleda ta7t jwene7a, w-ma 2belto.
35Hayda beytkon matrouk elkon. B7ebb 2elkon: ma ra7 tshoufoune 7atta yeje yawm bit2oulo fih: yetberak el-jeye bi-esm el-RAB!"

Zvasarudzwa nguva ino

Lou2a 13: BB3arabe

Sarudza vhesi

Pakurirana nevamwe

Sarudza zvinyorwa izvi

None

Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda

Zvemahara. Hurongwa neZviverengwa zveKuzvipira maringe neLou2a 13

YouVersion inoshandisa macookies kugadzirisa mashandisiro ako. Nekushandisa webhusaiti yedu, unobvuma kushandisa kwedu macookies sekutsanangurwa kwazvakaitwa mu Mutemo wedu weZvakavanzika