Génesis 5
5
Adánpa awẽ kaiwuu uduax ichapanawãwu kaĩpakediwu nu dikanu
1Adánpa awẽ kaiwuu uduax ichapanawãwu kaĩpakediwu atũ adewu ẽ batu adexunu. Epa Diospa dukuwede udiwadi awẽ shina keskara ita naa keskarari inu. 2Dukuwedeya awĩwu udiwata Epa Dios atu tsai shara yuidi. Atu udiwata Epa Diospa yuidi: “Atũ ade dukuwede iki”, atu wadi.
3Adán ciento treinta wari axu awiana wake adi. Werunawake idi. Apa keskarakui idi. Adánpa awẽ wake adekĩ Set, wadi. 4Set kaĩdiadu ochocientos wari Adán idi. Ana wake wetsawu adi. Xutukuwake ata werunawake adi. 5Novecientos treinta wari akax Adán dadi.
6Set ciento cinco wari axu awẽ wake Enós adi. 7Enós kaĩyabeadu Setpa wakewu apãdi xutukuwake ata werunawake adi. Set ochocientos siete wari iyupaudi. 8Novecientos doce wari akax Set dadi.
9Enós noventa wari axu awẽ wake werunawake Cainán adi. 10Cainán kaĩdiadu ochocientos quince wari Enós idi. Ana wake wetsawu adi. Xutukuwake ata werunawake adi. 11Novecientos cinco wari akax Enós dadi.
12Cainán setenta wari axu awẽ wake Mahalalel adi. 13Mahalalel kaĩdiadu Cainán ochocientos cuarenta wari idi. Ana wake wetsawu adi. Xutukuwake ata werunawake adi. 14Novecientos diez wari akax Cainán dadi.
15Mahalalel sesenta y cinco wari axu awẽ wake Jéred adi. 16Jéred kaĩdiadu ochocientos treinta wari idi. Ana wake wetsawu adi. Xutukuwake ata werunawake adi. 17Ochocientos noventa y cinco wari akax Mahalalel dadi.
18Jéred ciento sesenta y dos wari axu awẽ wake Henoc adi. 19Henoc kaĩdiadu Jéred ochocientos wari idi. Ana wake wetsawu adi. Xutukuwake ata werunawake adi. 20Novecientos sesenta y dos wari akax Jéred dadi.
21Henoc sesenta y cinco wari axu awẽ wake Matusalén adi. 22Henoc na Epa Dios yuiyai keskapaudi. Matusalén kaĩdiadu Henoc trescientos wari idi. Ana wake wetsawu adi. Xutukuwake ata werunawake adi. 23Henoc trescientos sesenta y cinco wari iyupaudi. 24Henoc naa Epa Dios yuiyai keskapaudi. Naskaitu Epa Dios iwiyaidu Henoc yabarisatadi.
25Matusalén ciento ochenta y siete wari axu awẽ wake Lamec adi. 26Lamec kaĩdiadu Matusalén setecientos ochenta y dos wari idi. Ana wake wetsawu adi. Xutukuwake ata werunawake adi. 27Novecientos sesenta y nueve wari akax Matusalén dadi.
28Lamec ciento ochenta y dos wari axu awẽ wake werunawake adi. 29Awẽ wake adekĩ Noé, wadi. Naskaxu Lamecpa yuidi: “Diaiwu Diospa bai chakanawadi. Naskake yudui nu ubiskuibis da wake duku tedebanupukui. Naskake ẽ adei awẽ ade Noé ẽ wai”, Lamecpa wadi. 30Noé kaĩyabeadu Lamecpa quinientos noventa y cinco wari idi. Wakewu apãdi werunawakewu ata xutukuwake adi. 31Setecientos setenta y siete wari akax Lamec dadi.
32Noé quinientos wari axu awẽ wakewu Sem Cam Jafet adi.
Zvasarudzwa nguva ino
Génesis 5: mtsB
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda