مَتَّى 2
2
زيارَة المَجوس
1و لَمّا يَسُوع كان مَولود في بيت لَحَم الفي يَهُودِيَّه، في أيام هِيرُودُس المَلِك، شوف! #2:1 مَجوس: ناس شاطرين مِن الشَّرق يَدرُسو النُّجوم؛ مُنَجِّمين.مَجوس مِن الشَّرق جو لِأُورُشَلِيم 2و قالو: ”وين هو المَولود مَلِك اليَهود؟ عَشان شُفنا النَّجمَه بِتاعتو في الشَّرق و جينا عَشان نَعبُدو.“ 3لَمّا المَلِك هِيرُودُس سِمِع دا، فَكَّر كَتير فيهو، و كُلّو ناس أُورُشَلِيم مَعاهو. 4و جَمَع كُل القُسُس الكُبار و مُعَلِّمين القانون، و سألُم: ”المَسيح بِكون مَولود وين؟“ 5و قالو ليهو: ”في بيت لَحَم الفي يَهُودِيَّه، فِشان دا القالو النَّبي:
6و إنتي، يا بيت لَحَم، بَلَد يَهُوذَا،
ما الأصغَر بين مُديرين يَهُوذَا.
عَلَشان مِنِّك يَجي مُدير
يَحكُم عَلى النّاس بِتاع إِسْرَائِيل.“
7بَعَد دا، هِيرُودُس نادى المَجوس بِالسِّر، و إتعَلَّم مِنَّهُم وَكِت النَّجمَه طَلَعَت. 8و رَسَّلُم لِبيت لَحَم و قال: ”أمشو و فَتِّشو بِأي طَريق عَلى الوَلَد. و لَمّا تَلقوهو، جيبو لَي الخَبَر، عَلَشان أنا كَمان بَجي و أعبُدو.“ 9و لَمّا هُم سِمِعو مِن المَلِك، مَشو. و شوف، النَّجمَه الهُم شافوها في الشَّرق مَشَت قِدّامُم لِغايَة ما جات، و وَقَفَت فوق المَحَل الكان فيهو الوَلَد. 10و لَمّا شافو النَّجمَه، كانو مَبسوطين شَديد جِدّاً. 11و دَخَلو البيت و شافو الوَلَد مَعَ أُمّو مَرْيَم. و رَكَعو و عَبَدوهو. بَعَد دا، فَتَحو حاجاتُم الغاليَه و قَدَّمو ليهو هَدايا: دَهَب و لُبان و بَخور. 12و الله كَلَّمُم عَن الخَطَر في حِلِم عَشان ما يَرجَعو لِهِيرُودُس. و هُم مَشو بِسِكَّه تانيَه لِبَلَدُم.
الهُروب لِمَصر
13و بَعَد ما مَشو، شوف، مَلاك الرَّب جا لِيُوسِف في حِلِم و قال: ”قوم، أُخُد الوَلَد و أُمّو و أمشي قَوام لِمَصر، و أقعُد هِناك لِغايَة ما أقول ليك، عَلَشان هِيرُودُس عاوِز يَفَتِّش عَلى الوَلَد عَشان يَكتُلو.“ 14و هو قام و أخَد الوَلَد و أُمّو بِاللّيل و مَشى لِمَصر. 15و هو قَعَد هِناك لِغايَة ما مات هِيرُودُس، عَشان يَتِم الكَلام الرَّب قال بِالنَّبي:
”مِن مَصر ناديت وَلَدي.“
16بَعدين، لَمّا هِيرُودُس شاف أن المَجوس ما إحتَرَموهو، كان زَعلان جِدّاً جِدّاً، و رَسَّل و كَتَل كُل الأولاد الكانو في بيت لَحَم، و في كُلّو مَحَل القَريب مِنّو، الأولاد العُمر بِتاعُم كان سَنَتين و أقَل مِن دا، زي الوَكِت الكان عِندو خَبَر مِن المَجوس. 17في الوَكِت دا، تَمَّ الكَلام القالو إِرْمِيَا النَّبي:
18”سِمِعو صوت في الرَّامَه،
الحُزن و البِكى كَتير.
رَاحِيل تَبكي لِأولادا
و أبَت تَكون مَبسوطَه،
عَلَشان هُم ما في.“
الرُّجوع لِنَاصِرَه
19و لَكِن لَمّا هِيرُودُس مات، شوف، مَلاك الرَّب جا في حِلِم لِيُوسِف في مَصر 20و قال: ”قوم و أُخُد الوَلَد و أُمّو و أمشي لِبَلَد إِسْرَائِيل، عَشان الكانو يَفَتِّشو عَلى نَفس الوَلَد ماتو.“ 21و قام و أخَد الوَلَد و أُمّو، و جا لِبَلَد إِسْرَائِيل. 22و لَكِن لَمّا هو سِمِع أن أَرْخِيلاوُس كان يَحكُم عَلى اليَهُودِيَّه بَدَل أبوهو هِيرُودُس، خاف يَمشي هِناك. و عَشان الله كَلَّمو عَن الخَطَر في حِلِم، مَشى لِقِسم الجَّليل. 23و جا و قَعَد في المَدينَه الإسِما النَّاصِرَه، عَشان يَتِم القالو الأنبياء: ”بِسَمّوهو ناصِري.“
Zvasarudzwa nguva ino
مَتَّى 2: APD2024
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 1978 SIM, adapted in 2024 by Pioneer Bible Translators