Maruku 3
3
Pakragragi ku mapcé rimédra na cemɨne
(Matai 12.9-14; Luka 6.6-11)
1Ki Yésu ladanɨla tisarbubua na Yudai ico; iké tangnsa na ico, mapcé sesa ku rimédra. 2Iké na ico uthulungu, ta cɨngɨlɨ Yésu na nukémini tébarbarvia na vienɨ pakragragi na cemɨne, ta ptharadriamia. 3Ki Yésu lapsobakadria ku mapcérima cemɨne na ico, <<Mukunia tulucubunga ingɨdɨlɨ.>> 4Lakbuburudria ku ico, <<Porké ni tébarbarvia na vienɨ, Horécɨ ta tumanɨdra ku mutumiania yiadra? Udepɨ margi depɨ si makurathɨdepɨ? Paspara na skodripi si patikurathɨ na skodipi?>>
Kidri icico ka rɨsalia mringmia. 5Ki Yésu mangicingici puringulu cɨnglɨ, kérkédria ku icico mukorthe kdrɨdrɨmɨdra, rɨsama mtɨkɨ kɨdrɨdrɨmedra. Si supsobakangadria ki maciemɨ ico, <<Sukura rimésu!>> Iku ico sukrudra rimédra, sukragraginga. 6Iku Hualrisai ico silikédra tisarbubua na Yudai ico mbalɨte, suribungunga ngeresɨ Hirudi tang ico mbakbaka nutmamaratania Yésu na, taptémuduniamia.
Tbila ni tbaru ku icico
7Ki Yésu si sétodra gidradria mwa Galrilri tbaru tbila, madro na ico kisapradria. Ikidri ka salɨké Galrilri si Yudai. 8Yérusalrim, Idumai, Yordan ku savkalɨ makadédanɨnga lakmanila Taire si Sidon taparadria na cɨkɨcɨkɨlɨ mukɨné. Kɨné madro na ico ka mukani silɨpe Yésu na ubiciringi ku makadepadranga ki Yésu. 9Sakura madro na ico, ki Yésu laru sétodra cungbimia na tikɨcɨnɨ na avangɨ, nisadra ku icico idrikisidria. 10Madro ku pakargiadra na macemɨ ico, iku macemɨ mukani tulucubunga mdrikdriksi kudepɨmiadria. 11Iku amuadria mdarepe gɨralɨ na ico ku cengledradria, luvatulucubungadra gulungne, koko msobaka, <<Imusu ka Vlakɨdra Ticomtia!>>
12Ki Yésu ka lapɨcɨgɨ tilila musadra ikcapangne msobaka acikinimia.
Ki Yésu ka upilri mngesele kdrusa na séto
(Matai 10.1-4; Luka 6.12-16)
13Ki Yésu ka moblɨnge sesa na rgɨrgɨ, si susrobungadria ku makaiconga mwa tulucubunga. Suknénga. 14Ki Yésu lapri ku mngesele kdrusa na ico, amani ku sétodra, lapsobakadria, <<Mumu ka apiriali, nukémamukua taresɨ, si nurumakɨmua mua déndomia; 15si nukémamua na kɨcɨnga pgia na makurathɨ gɨralɨ.>>
16Ku apiriadra ki Yésu mngesele kdrusa na ico ka: Simon (ki Yésu ka laporcɨdria Pitiru mia), 17ku vlakɨdra ki Zebedai ka Yakobu si gilidria sovlé ki Yakobu ka Yuhani (ki Yésu laporcɨdria Boanéreges mia, iku <<Tulunenidria tumé na udrɨdrɨrɨ ku icodra>>), 18Anderé, Pilipi, Baretholomai, Matai, Tomase, Alevé vlakɨdra ki Yakobu, Thadai, Cicintang ku Simon, 19ku ibrilanga olengé Yésu na tiliké Iskariot na ico ki Yuda.
Yésu si Piésipu
(Matai 12.22-32; Luka 11.14-23; 12.10)
20Ki Yésu sviridranga mwa danɨ, mukani madro na ico isarbu, sukédra Yésu si sétodra ka tédra na samoruyia kuenɨ. 21Ku thɨkadanedra ki Yésu lriguninga ku tumanɨdra, sukunénga mbalɨte tɨkpɨdria, iké na masobka na ico, <<Mamlanga kini!>>
22Iké na salɨké Yérusalrim ubrubru Sésio na singsi tumékɨné msobaka, <<Ikini ka moderapɨnia na Bélzebul! Kini ka potolo ku tradradronga na akuma pigia na gɨralɨ!>>
23Ki Yésu lasrobudria ku icico muknia mua tlucubunga mia, asarké spaiku msobakadria, <<Satang ka duruma pgia na satang?>> 24Ku sesa na koka ikédra ku mokakdredra, ikidri koka pikidri duru mɨrcrɨcngɨ ingɨdɨlɨ. 25Sesa na thɨkadanɨ si lapokakde ka, ikidri thɨkadanɨ pvagvagéma. 26Tumétania cɨngɨlɨ, ina koka ni satang na mokakdreni, nuduria kini mɨrcrɨcngɨ ingɨdɨlɨ, nukoripima.
27Tédra na ico nuduruma mdanɨ dadra na magɨragɨrangɨ na ico, mralribcidria ku makainudranga; nu ptoléma mra krɨngɨdria ku magɨragɨrangɨ na ico si laduru mra ngiculu ku makainudranga.
28<<Kuptapɨdrɨngɨ mua tilila, psailatanga ka ico si tikurathata na bɨka nunguculuma ovɨrangadria; 29Makasi iku tikurathɨ Séré na ico ka nuburenɨma nuduliya movra psaila, ikidri ku psailadra ka nuburenɨma kidri.>> (30Ku spasobkéni ki Yésu ka amani iké na ico masobɨka, <<Kɨné ka amani ku moderapɨdria na gɨralɨ.>>)
Ninnia ki Yésu si lɨmengmengneni
(Matai 12.46-50; Luka 8.19-21)
31Ikné, ki ninnia si lɨmengmengneni ki Yésu mukaninga; iké bɨlate ingɨdɨlɨ, patila ico Yésu na, tilila tacɨnglɨ madria. 32Iké madro na ico tɨpaingulu Yésu na; lapusobakadria, <<Ué, iké bɨlate ki ninɨmua si lɨmengmengneni, uslapɨsua!>>
33Ki Yésu ka masobka, <<Acɨdra ku ninema? Acɨdri ku lɨmengmengneli?>> 34Lacɨngɨlɨdria ku angpainguludria inunu ku ico msobaka, <<Mucɨngɨla, kɨné iciconga ka ninema, lɨmengmengneli! 35Ina singiaro ku Ticomtia na ico ka nukumanima lɨmengmengneli, si ninema.>>
Zvasarudzwa nguva ino
Maruku 3: Maolin23
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© The Bible Society in Taiwan, 2023
Maruku 3
3
Pakragragi ku mapcé rimédra na cemɨne
(Matai 12.9-14; Luka 6.6-11)
1Ki Yésu ladanɨla tisarbubua na Yudai ico; iké tangnsa na ico, mapcé sesa ku rimédra. 2Iké na ico uthulungu, ta cɨngɨlɨ Yésu na nukémini tébarbarvia na vienɨ pakragragi na cemɨne, ta ptharadriamia. 3Ki Yésu lapsobakadria ku mapcérima cemɨne na ico, <<Mukunia tulucubunga ingɨdɨlɨ.>> 4Lakbuburudria ku ico, <<Porké ni tébarbarvia na vienɨ, Horécɨ ta tumanɨdra ku mutumiania yiadra? Udepɨ margi depɨ si makurathɨdepɨ? Paspara na skodripi si patikurathɨ na skodipi?>>
Kidri icico ka rɨsalia mringmia. 5Ki Yésu mangicingici puringulu cɨnglɨ, kérkédria ku icico mukorthe kdrɨdrɨmɨdra, rɨsama mtɨkɨ kɨdrɨdrɨmedra. Si supsobakangadria ki maciemɨ ico, <<Sukura rimésu!>> Iku ico sukrudra rimédra, sukragraginga. 6Iku Hualrisai ico silikédra tisarbubua na Yudai ico mbalɨte, suribungunga ngeresɨ Hirudi tang ico mbakbaka nutmamaratania Yésu na, taptémuduniamia.
Tbila ni tbaru ku icico
7Ki Yésu si sétodra gidradria mwa Galrilri tbaru tbila, madro na ico kisapradria. Ikidri ka salɨké Galrilri si Yudai. 8Yérusalrim, Idumai, Yordan ku savkalɨ makadédanɨnga lakmanila Taire si Sidon taparadria na cɨkɨcɨkɨlɨ mukɨné. Kɨné madro na ico ka mukani silɨpe Yésu na ubiciringi ku makadepadranga ki Yésu. 9Sakura madro na ico, ki Yésu laru sétodra cungbimia na tikɨcɨnɨ na avangɨ, nisadra ku icico idrikisidria. 10Madro ku pakargiadra na macemɨ ico, iku macemɨ mukani tulucubunga mdrikdriksi kudepɨmiadria. 11Iku amuadria mdarepe gɨralɨ na ico ku cengledradria, luvatulucubungadra gulungne, koko msobaka, <<Imusu ka Vlakɨdra Ticomtia!>>
12Ki Yésu ka lapɨcɨgɨ tilila musadra ikcapangne msobaka acikinimia.
Ki Yésu ka upilri mngesele kdrusa na séto
(Matai 10.1-4; Luka 6.12-16)
13Ki Yésu ka moblɨnge sesa na rgɨrgɨ, si susrobungadria ku makaiconga mwa tulucubunga. Suknénga. 14Ki Yésu lapri ku mngesele kdrusa na ico, amani ku sétodra, lapsobakadria, <<Mumu ka apiriali, nukémamukua taresɨ, si nurumakɨmua mua déndomia; 15si nukémamua na kɨcɨnga pgia na makurathɨ gɨralɨ.>>
16Ku apiriadra ki Yésu mngesele kdrusa na ico ka: Simon (ki Yésu ka laporcɨdria Pitiru mia), 17ku vlakɨdra ki Zebedai ka Yakobu si gilidria sovlé ki Yakobu ka Yuhani (ki Yésu laporcɨdria Boanéreges mia, iku <<Tulunenidria tumé na udrɨdrɨrɨ ku icodra>>), 18Anderé, Pilipi, Baretholomai, Matai, Tomase, Alevé vlakɨdra ki Yakobu, Thadai, Cicintang ku Simon, 19ku ibrilanga olengé Yésu na tiliké Iskariot na ico ki Yuda.
Yésu si Piésipu
(Matai 12.22-32; Luka 11.14-23; 12.10)
20Ki Yésu sviridranga mwa danɨ, mukani madro na ico isarbu, sukédra Yésu si sétodra ka tédra na samoruyia kuenɨ. 21Ku thɨkadanedra ki Yésu lriguninga ku tumanɨdra, sukunénga mbalɨte tɨkpɨdria, iké na masobka na ico, <<Mamlanga kini!>>
22Iké na salɨké Yérusalrim ubrubru Sésio na singsi tumékɨné msobaka, <<Ikini ka moderapɨnia na Bélzebul! Kini ka potolo ku tradradronga na akuma pigia na gɨralɨ!>>
23Ki Yésu lasrobudria ku icico muknia mua tlucubunga mia, asarké spaiku msobakadria, <<Satang ka duruma pgia na satang?>> 24Ku sesa na koka ikédra ku mokakdredra, ikidri koka pikidri duru mɨrcrɨcngɨ ingɨdɨlɨ. 25Sesa na thɨkadanɨ si lapokakde ka, ikidri thɨkadanɨ pvagvagéma. 26Tumétania cɨngɨlɨ, ina koka ni satang na mokakdreni, nuduria kini mɨrcrɨcngɨ ingɨdɨlɨ, nukoripima.
27Tédra na ico nuduruma mdanɨ dadra na magɨragɨrangɨ na ico, mralribcidria ku makainudranga; nu ptoléma mra krɨngɨdria ku magɨragɨrangɨ na ico si laduru mra ngiculu ku makainudranga.
28<<Kuptapɨdrɨngɨ mua tilila, psailatanga ka ico si tikurathata na bɨka nunguculuma ovɨrangadria; 29Makasi iku tikurathɨ Séré na ico ka nuburenɨma nuduliya movra psaila, ikidri ku psailadra ka nuburenɨma kidri.>> (30Ku spasobkéni ki Yésu ka amani iké na ico masobɨka, <<Kɨné ka amani ku moderapɨdria na gɨralɨ.>>)
Ninnia ki Yésu si lɨmengmengneni
(Matai 12.46-50; Luka 8.19-21)
31Ikné, ki ninnia si lɨmengmengneni ki Yésu mukaninga; iké bɨlate ingɨdɨlɨ, patila ico Yésu na, tilila tacɨnglɨ madria. 32Iké madro na ico tɨpaingulu Yésu na; lapusobakadria, <<Ué, iké bɨlate ki ninɨmua si lɨmengmengneni, uslapɨsua!>>
33Ki Yésu ka masobka, <<Acɨdra ku ninema? Acɨdri ku lɨmengmengneli?>> 34Lacɨngɨlɨdria ku angpainguludria inunu ku ico msobaka, <<Mucɨngɨla, kɨné iciconga ka ninema, lɨmengmengneli! 35Ina singiaro ku Ticomtia na ico ka nukumanima lɨmengmengneli, si ninema.>>
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© The Bible Society in Taiwan, 2023