मती 3
3
यूहन्ना बतिस्मो देणवाळौ
(मरकुस 1:1–8; लूका 3:1–18; यूहन्ना 1:19–28)
1उण दिनां में यूहन्ना बतिस्मो देणवाळौ आयनै यहूदिया परदेस रै कांकड़ में ओ परचार करणै लागौ, 2#मत 4:17; मरकु 1:15“मन फिराओ, क्यूंकै सरग रौ राज नैड़ौ आई गियौ है।” 3ओ वोहीज है जिणरी चरचा यसायाह भविसयदाता करी,
“रिंदरोही मे एक हेलौ पाड़ण वाळै री आवाज सुणाई दी,
‘परभु रौ मारग तैयार करौ,
उणरी सड़को सीधी करौ।’ ”
4वो यूहन्ना जिकौ ऊंट रै बालों रा बण्योड़ा गाभा पेरतो हो, अर अपणी कमर मे चमड़े रौ पटो बांधतौ हो। उणरौ खाणौ टिडियां अर सेहद हो। 5उण वगत यरुसलेम सैहर अर यहूदिया परदेस, अर यरदन नदी रै पाड़ै रैवण वाळा सैंग जगा रा लोग उणरै खनै आया। 6वे अपणै-अपणै पापों नै मांन नै यरदन नदी में यूहन्ना ऊं बतिस्मो लियौ।
7 #
मत 12:34; 23:33 जद वो घणै फरीसियों अर सदूकियों नै बतिस्मे रै वास्तै आपरै खनै आवता देखिया, तो उणै कयौ, “हे साप रै बिचियो, थांनै ओ कुण बतायौ की आवणवाळै कोप ऊं नाहजाओ? 8इण वास्तै अबै ऊं थै कांम ऊं ओ लागणो चाहीजै, की थै पाप नै छोड़ दियौ हो। 9#यूह 8:33अर अपणै-अपणै मन मे ओ नीं सोचो की ‘म्हौरौ पिता अबराहम है।’ क्यूंकै म्हैं थांनै कहूं की परमेसर इण भाठै ऊं अबराहम रै लिए औळाद पैदा कर सकै है। 10#मत 7:19अबै कवाड़ियो रुंखड़ौ री जड़ो माथै राख्योड़ौ है, इण वास्तै जे-जे रुंखड़ौ बड़िया फळ नीं लावै, वो काटनै लाय में नोख दियौ जावैला।
11“म्हैं तो पांणी ऊं थांनै मन फिराव रौ बतिस्मो दूं। पण जे म्हारै पछै आवणवाळौ है, वो म्हारै ऊं बळी है। म्हैं उण री जूती उठावन रै जोग कोनीं। वो थांनै पवितर आतमा अर अग्नि ऊं बतिस्मो दैला। 12उणरौ सूपड़ो तो हाथ मे ही है, आपरै खेत नै हखरौ करसी, अर आपरै गेहूं नै तो खथे मे भेळा करैला। पण जे डुरौ है उणनै ऐड़ी लाय में नोखेला कदैई नीं बुझेला।”
यूहन्ना रै खनै ऊं यीसु रौ बतिस्मो
(मरकुस 1:9–11; लूका 3:21,22)
13उण वगत यीसु गलील ऊं यरदन नदी रै किनारै यूहन्ना रै खनै ऊं बतिस्मो लेणे आया। 14पण यूहन्ना ओ कैन रोकण लागौ, “की म्हनै तो थौरे हाथो ऊं बतिस्मो लेणे री जरुत है, अर कांई थै म्हारै खनै आया?”
15यीसु उणनै ओ जबाब दियौ, “अबार तो यूं ई होणै दे। क्यूंकै अपांनै इण रीत ऊं सगळी धारमिकता पूरी करणी है।” तो यूहन्ना यूं ही करयौ। 16अर यीसु बतिस्मो लेन ज्यौ पांणी में ऊं ऊपर आया, अर देखियौ, तो आभौ खुल गियौ, अर उणनै परमेसर री आतमा नै कबूड़ै रै ज्यूं उतरते अर आपरै माथै आवती देखी। 17#मत 12:18; 17:5; मरकु 1:11; लूक 9:35अर देखौ, आ आकासवाणी होई, “ओ म्हारौ लाडलौ बेटौ है, इण ऊं म्हैं घणौ राजी हूं।”
Zvasarudzwa nguva ino
मती 3: RWR
Sarudza vhesi
Pakurirana nevamwe
Yenzanisa
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© NLCI CC BY-NC-ND 4.0