GÉNESIS 5
5
Adán iñemuña reta
(1 Cr 1.1-4)
1Jae ko kuae tembikuatía Adán iñemuña reta oñemoapɨta oï pɨpe vae regua. Tumpa oyapo yave arakae kuimbae, Tumpa rami oyapo. 2Kuimbae jare kuña oyapo;#Mt 19.4; Mc 10.6. iporerekua jese reta.#Gn 1.27-28. Jare ombojee reta Adán #5.2 Adán, oipota jei: Kuimbae reta. jókuae ara oyapo yave.
3Adán ciento treinta año güɨnoi yave oa chupe taɨ Set jae rami etei vae. 4Adán taɨ Set oa güire oiko ochociento año, oa vi chupe ïru taɨ reta jare tayɨ reta; 5opaete ara Adán oikove oiko vae, noveciento treinta año, jare omano.
6Set güɨnoi ciento treinta año yave oa taɨ Enós. 7Set oiko taɨ Enós oa güire ochociento siete año, oa vi chupe ïru taɨ reta jare tayɨ reta; 8opaete ara Set oikove oiko vae, noveciento doce año jare omano.
9Enós güɨnoi noventa año yave oa chupe taɨ Cainán. 10Enós oiko taɨ Cainán oa güire ochociento quince año, oa vi chupe ïru taɨ reta jare tayɨ reta; 11opaete ara Enós oikove oiko vae, noveciento cinco año jare omano.
12Cainán güɨnoi setenta año yave oa chupe taɨ Mahalaleel. 13Cainán oiko taɨ Mahalaleel oa güire ochociento cuarenta año, oa vi chupe ïru taɨ reta jare tayɨ reta; 14opaete ara Cainán oikove oiko vae noveciento diez año jare omano.
15Mahalaleel güɨnoi sesenta y cinco año yave oa chupe taɨ Jared. 16Mahalaleel oiko taɨ Jared oa güire ochociento treinta año, oa vi chupe ïru taɨ reta jare tayɨ reta; 17opaete ara Mahalaleel oikove oiko vae, ochociento noventa y cinco año jare omano.
18Jared güɨnoi ciento sesenta y dos año yave oa chupe taɨ Enoc. 19Jared oiko taɨ Enoc oa güire ochociento año, oa vi chupe ïru taɨ reta jare tayɨ reta; 20opaete ara Jared oikove oiko vae noveciento sesenta y dos año jare omano.
21Enoc güɨnoi sesenta y cinco año yave oa chupe taɨ Matusalén. 22Enoc oiko Tumpa jemimbota rupi. Jare oiko taɨ Matusalén oa güire tresciento año, oa vi chupe ïru taɨ reta jare tayɨ reta; 23opaete ara Enoc oikove oiko vae tresciento sesenta y cinco año. 24Enoc oiko Tumpa jemimbota rupi kavi, metei ara okañɨ echa Tumpa güɨraja.#Heb 11.5; Jud 14.
25Matusalén güɨnoi ciento ochenta y siete año yave oa chupe taɨ Lamec. 26Matusalén oiko taɨ Lamec oa güire seteciento ochenta y dos año, oa vi chupe ïru taɨ reta jare tayɨ reta. 27Jökorai opaete ara Matusalén oikove oiko vae, noveciento sesenta y nueve año jare omano.
28Lamec güɨnoi ciento ochenta y dos año yave oa chupe metei taɨ. 29Jare ombojee Noé, echa jei: “Kuae yandemombutuuta oasa ete yaparavɨkɨ yandeYa oyepopeyu ɨvɨ re jeko pegua.” 30Lamec oiko taɨ Noé oa güire quiniento noventa y cinco año, oa vi chupe ïru taɨ reta jare tayɨ reta. 31Opaete ara Lamec oikove oiko vae seteciento setenta y siete año jare omano.
32Noé güɨnoi quiniento año yave, oa chupe taɨ reta: Sem, Cam jare Jafet.
Zvasarudzwa nguva ino
GÉNESIS 5: GUABD
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Biblia DC Guaraní Bolivia © Bolivian Bible Society, 2001.