Wana appMazuva Azara KuipaChikamu
KUFAMBA KWAKANGWARA
Vateveri vaKristu vanofanira kurarama nemutowo unoenderana neUyo vavanotevera nekudadaidzwa nezita rake. Patinoshingirirra kurarama zvinofadza Mwari, tinofanira kuzvingwarira pakukwezviwa nenzira dzemunyika. Upenyu hwekuva mushandiri unofanira kuteedzwa zvakaringana.
Apo tsamba yainyorwa kuVaEfeso, kutambudzwa kwavakristu kwakanga kuchangoda kuitwa naNero nevamwewo vabati vakazotevera mumashure make. Kutambudzwa uku kwaisanganisa zvekuti chitendero chechikristu chakanga chisingazobvumidzwi zviri pamutemo muutongi hwechiRoma. Vose vakanga vasingazozviisi pasi pamambo Siza vaizoonekwa sevapanduki. Zvichiita kuti kuzova nekuripa kukuru. Kunyange nhasi uno, makristu ari kusangana nematambudziko anobva muzvakaipa zvinoda kudzivisa kufamba kwakanaka. Nokudaro tine chikonzero chikuru chekungwarira pakufamba kwedu kuti tigone kunyadzisa vakaipa.
Pfungwa yekufamba zvakangwara inoda kuti tiongorore zvakatitenderedza kuti tirege kuvira pasi. Vatendi vanonzi ndivo vakangwara nekuda kwekuti vane mweya mutsvene semubatsiri vawo, nekuziva kusarudza zvine chekuita neupenyu wawachazova nawo kudenga. Tichiwedzera ipapo, uchenjeri hwatiinahwo unobatika, nekuti unotidzidzisa kuti tive vanhu vanoita zvakanaka. Kufamba kwedu hakufanire kufananidzwa nekwe nyika, nekwe nyama kana naDhiyabhori. Asi kunofanira kunge kwakarurama pamberi paMwari uye kuchiratidza kuti tiri vana vechiedza.
Uchenjeri mukati meshoko raMwari hausi pakungova nenjere chete. Asi unosanganisa nekunzwisisa chimiro chenyika nekurarama zvakafanira. Apo tiri kurarama nekufamba munyika ino, ngativhurei maziso edu kuti tirege kuva vakapofomadzwa.
Munamato: Mwari vedu vari kudenga. Tinokudza zita renyu nekuti idzvene. Tinokudanai mukati meupenyu hwedu kuti tigone kufamba kwakachenjera tichibatsirwa nemweya mutsvene. Kurarama kwedu kunofanira kukufadzai mazuva ose. Tinoda kutungamirirwa nemi. Tinonamata kuti kunyange tikasangana nevavengi, tibatsirei kuti tirambe tiri vakachenjera. Tinonamata muzita raJesu. AMENI.
Kuwedzera Kuverenga: VaGaratiya 1:4| 1 Johani 5:19| Mateo 26:41.
Rugwaro
Zvinechekuita neHurongwa uhu
Munguva ine uipi yakararamwa naPauro, akaona chikonzero chakanaka chekucherechedza mafambiro kuri kudzivirira zvakaipa. Zvakaipa zvose nemusiyano wazvo zvakanga zvichisimuka zvikuru kuvateveri vaKristu. Pauro anoyambira VaEfeso kuti vagone kungwarira nguva yawo chaizvo achishandisa mutsara unoreva “kutenga”. Kuverenga nekungwarira nguva kunosanganisa kukurumidza kufunga pachinhu munguva yaunenge wakamamikidzika nezvinhu zvinodzosera kumashure.
More
Tinoda kutenda Trymore Mutare nekupa chirongwa ichi. Kuti uwane rumwe ruzivo, ndapota shanya: https://www.facebook.com/trymore.mutare.7?mibextid=ZbWKwL
