Kuwana Makomborero Nekuda KwekuteereraChikamu

Vakaropafadzwa Varombo Pamweya

Tinogona kushamisika kana tikanyatsocherechedza zvakavanzika zvemufaro wedu. Varombo pamweya? Zvingava chii kuti urombo pamweya unounza mufaro wedu? Zvaireva Jesu ndezve kuti mufaro unobva pakuzvininipisa kwakadzika kwemoyo. Nzira yekutanga yekuva nemufaro kuchema kwechokwadi, “Mwari ndibatsirei!” Vanozvininipisa vanooneka nezvikodzerwa izvi; rumbidzo, kucherechedza nekutarira pangade kubatsirwa; kugashira zvatinopiwa naMwari zvisingadarike zvatinokumbira. Vanofara sei vanozvininipisa, nekuti ushe hwekudenga uchava wavo.

Jesu ari kukorokotedza avo vose vaari kuona vakura pakuzvininipisa. Chokwadi chedzidziso iyi ndeichi, “Vanofara sei vanoziva zvavanoda kubva kuna Mwari. Mukumbire kuti akubatsire uye ugogamuchira makomborero ake.” Mukusafara kwemunhu kunouya kuburikidza nekusagutsikana uye nekuda kushandisa simba redu.

Kuzvininipisa kunopesana nekuzvikudza. Sevanhu vaMwari, hatifaniri kuzvikudza pamusoro pemarudzi, perunako, uye nenzvimbo dzatinogara. Zvose izvi tikazvivisa patiri tinova nemufaro. Kuzvikudza kunotishaisa zvose zvatingade kupihwa naMwari. Iko kuzvikudza kunobva pakusindimara kwemoyo. Ichi chiratidzo chekusagadzikana kwemoyo. Vakaropafadzwa zvavo vasingazvikudze. Semakristu, ngatizvidururei nekudzidza kuzvininipisa pamberi paMwari.

Munamato: Ishe Mwari, tibatsirei kuti tigova varombo pamweya nekuziva zvamunoda kuti tiite paupenyu. Tinokutendai nechokwadi cheshoko renyu rinotidzidzisa kuti tive vakazvininipisa. Tibatsirei kuti tifambe nekutenda muna Jesu uye kuti tisavimbe nenzira dzedu. Tinokudai Mwari uye tinoda chengetedzo yenyu mazuva ose. Muzita raJesu. Ameni.

Kuwedzera Kuverenga: Isaya 61:3 | Ruka 6:20 | Jakobo 4:6-10.