Ardhja: Udhëtimi drejt KrishtlindjesShembull

Fuqia e Besimit

Diqka e fuqishme ndodh kur kemi besim mjaftueshëm te Zoti, jo vetëm për të dëgjuar atë që Ai thotë, por për të besuar atë. Nëse beson se ajo që Zoti thotë është e vërtetë dhe se plani i Tij për ty do të çojë në rezultatin më të mirë të mundshëm, ai besim do të përkthehet në paqe dhe bekim. Pasi Maria u takua me engjëllin dhe iu nënshtrua planit të Zotit për jetën e saj, ajo vizitoi kushërirën e saj Elizabetën, e cila ishte gjithashtu mrekullisht shtatzënë pasi përjetoi infertilitet për vite me rradhë. Kur Elizabeta dëgjoi lajmin e jashtëzakonshëm të Marisë, ajo u mbush me Shpirtin e Shenjtë dhe deklaroi: "Lum ajo që besoi se Zoti do t'i përmbushte premtimet e Tij për të!"

Maria e besoi Zotin kur Ai i tha se ajo do të lindë Mesian e shumëpritur dhe Ai e bekoi atë me paqe kur mund të kishte qenë plot ankth. Ajo ishte e sigurt se lindja e Shpëtimtarit të botës - Shpëtimtarit të saj - do të vlente çdo sprovë me të cilën do të ndeshej gjatë rrugës. Maria i besoi planit të Zotit dhe shkoi përpara duke besuar se premtimet e Tij do të përmbusheshin në jetën e saj.

Ndërsa i afrohemi Krishtlindjeve, mendo për rezultatin e jashtëzakonshëm të besimit të Marisë: Biri i Perëndisë lindi! Çfarë ka thënë Zoti për jetën tënde, për të cilën duhet të besosh sot? Beso planin e Tij, merr paqen e Tij duke e ditur se Ai e di më të mirën, dhe shpreso për bekimin që do të vijë!

Lutje: At, ndërsa përqendrohem në bekimin e lindjes së Jezusit, më ndihmo të bëhem më shumë si Maria. Më ndihmo të rritem në besimin dhe në premtimet e Tua. Unë e di se plani Yt për jetën time çon në rezultatin më të mirë të mundshëm. Më ndihmo të identifikoj çdo fushë mosbesimi në jetën time dhe më jep besim se Ti po punon në mënyra që nuk mund t'i shoh. Unë zgjedh të besoj tek Ti sot!

Shkarko imazhin e sotëmkëtu.