Bibla Është e GjallëShembull

Bibla Nuk Mund të Ndalet

Në vitet 1500, Biblat nuk ekzistonin në shumicën e gjuhëve. Vetëm njerëz të shkolluar ose të pasur mund t’a studionin atë në Hebraisht, Greqisht ose Latinisht.

Por një student i quajtur William Tyndale ishte i bindur, se të gjithë meritonin të kishin akses të Shkrimit. Dhe kështu ai filloi ta përkthejë atë në gjuhën e tij: Anglisht.

Shumë autoritete ishin kundër kësaj ideje dhe besimeve të tjera që kishte Tyndale, kështu që ai iku nga Anglia dhe më vonë kontrabandoi Testamentet të Reja përsëri në vendin e tij. Për nëntë vjet, Tyndale i shpëtoi arrestimit ndërsa vazhdoi të punonte në përkthimin e parë të Biblës në Anglisht. Por në fund, ai u kap, u dënua për herezi dhe u dogj në zjarr.

Por kur Zoti është pjesë e diçkaje - asgjë nuk mund ta ndalojë Atë.

Sakrifica e Tyndale nxiti një lëvizje nëntokësore që kërkonte ndryshim. Dhe gati 100 vjet më vonë, ndryshimi ndodhi. Bibla e King James u bë e gatshme në Anglisht - një version që përdori shumë nga veprat e Tyndale në publikimin fillestar.

Me kalimin e kohës, Anglia u transformua nga Bibla. Ringjallje dhe hapje të syve ndodhën, lindën lëvizje misionare dhe u formuan organizata të dedikuara në përkthimin e Biblës. Shkrimi ringjalli një komb - por ringjallja filloi kur përkthyesit e hershëm anglezë, besuan se të gjithë duhet të kenë akses në Fjalën e Perëndisë ... dhe ata bënë diçka për të.

Në ç’mënyrë të frymëzon guximi i përkthyesve të hershëm të Biblës?

Në këto momente, reflekto rreth asaj që Tyndale kaloi, dhe më pas, kërkoi Zotit të të bëj të qartë se çfarë hapash mund të ndërmarrësh për të ndarë Shkrimin me ata përreth teje. Ndoshta është dërgimi i një vargu dikujt ose ndoshta është përfshirja tek një projekt i përkthimit të Biblës.

Çfarëdo që të jetë, merr parasysh sa ndryshe do të ishte jeta jote nëse nuk do të kishe akses tek Fjala e Perëndisë dhe më pas bëhu një katalizator për ndryshimin në jetën e dikujt tjetër.