Ura për te MarkuShembull

Kush nxiton, gabon

Herodiada e urrente predikuesin që ishte në burg. Ajo mendoi për një plan të lig, se si ta vriste dhe ta hiqte qafe. Ajo do të ofronte që e bija të vallëzonte përpara Herodit dhe miqve të tij. Ata do të kënaqeshin dhe me siguri Herodi do t’i oftonte një shpërblim! Epo, e dimë që plani i saj funksionoi më së miri. Ajo arriti ta hiqte qafe Gjon Pagëzorin. Në një farë mënyre, Heriodiada ishte shumë më e zgjuar se Herodi. Ai mori një vendim të nxituar, i cili u bazua në ndjenja. Ai nuk po arsyetonte në kohën kur ia ofroi atë premtim të madh bijës së Herodiadës. Për shkak se ndihej krenar përpara gjithë të ftuarve të tij, ai bëri një premtim të nxituar, që së shpejti do të çonte në një vrasje të tmerrshme. Ai u pendua për vendimin e tij, por atëherë ishte shumë vonë.

Çfarë mund të mësojmë prej kësaj? Qëndroni larg premtimeve të nxituara, sepse premtimet duhen mbajtur. Nëse nuk i mbajmë premtimet tona, njerëzit nuk mund të na besojnë. Prandaj, përpara se të bëjmë një premtim, duhet të mendohemi me kujdes. Shumë njerëz po vuajnë sot, për shkak të vendimeve të nxituara që kanë marrë më herët në jetë. Sikur, së pari, të kishin ndaluar për të menduar – dhe mbi të gjitha, për t’u lutur.

Duhet të luteni gjithmonë për vendimet e rëndësishme. Perëndia ka premtuar: “Pranoje në të gjitha rrugët e tua, dhe ai do të drejtojë shtigjet e tua”. Nëse është e mundur, pritni përpara se të merrni një vendim përfundimtar. Kërkoni këshillë nga të tjerët – veçanërisht nga ata që janë më të mëdhenj në moshë dhe më të urtë se ju. Asnjëherë mos vendosni për diçka, vetëm sepse miqtë tuaj ua kërkojnë, apo sepse ju duket mirë, apo edhe, sepse ju pëlqen. Nxitimi i Herodit çoi në një dëm tepër të tmerrshëm. Rezultoi në vrasjen e një njeriu të mirë.