Ura për te MarkuShembull

Të dhënët e vërtetë

Zoti Jezus vepron ndryshe prej nesh në lidhje me financat dhe llogaritë. Ai deklaroi se gruaja e varfër dha shumë më tepër nga të gjithë burrat e pasur së bashku! Nuk e dimë sa dhanë ata; dhe kjo nuk është aq e rëndësishme. Edhe nëse ata dhanë qindra apo mijëra dollarë, Jezusi tha që përsëri, ishte e veja e varfër që ua kaloi duke dhënë më shumë. Dhe ajo dha më pak se një dollar të vetëm. Si mund të jetë e drejtë kjo?

Kohët e fundit kemi mësuar që Zoti kërkon zemrën e njeriut. Perëndia nuk mund të mashtrohet. Atij nuk i lë mbresë ajo që bëjmë apo ajo që themi, nëse zemrat tona nuk janë përfshirë aty. Zoti nuk i numëron dollarët që ne hedhim në arkën e ofertave për Të; Ai sheh arsyen që na nxit t’i hedhim paratë. Me fjalë të tjera, jo çfarë ose sa japim, por si i japim. Perëndia heton se si mendojmë ose se si ndihemi në lidhje me atë që bëjmë. A ka dashuri në zemrën tuaj? A po i jepni kohën, fuqinë ose paratë, sepse dëshironi ta kënaqni Perëndinë dhe të afërmin tuaj?

Kur burrat e pasur shkuan në shtëpi, mbase as nuk e vunë re që kishin më pak para. Por, kur e veja e varfër shkoi në shtëpi, ajo nuk kishte më para. Ajo e donte Zotin më shumë se gjërat që zotëronte, madje edhe më shumë se rehatinë e saj. Pikërisht këtë gjë pa Zoti Jezus! Ende edhe sot, Ai sheh këtë gjë!

Vite më parë, një kishë po kalonte disa vështirësi me pagesat e faturave për shkollën e tyre. Në ofrimin e kishës, dhjakët gjetën dy monedha të mbështjella me një shënim të shkurtër. Në shënim shkruhej: Dëgjova që shkolla ka nevojë për më shumë para. E zbraza derrkucin tim ku ruaj paratë dhe dua t’ia jap të gjitha Zotit për shkollën. A nuk ishte kjo histori si ajo e së vesë në tempull? Mbase edhe ai fëmijë nuk kishte kursime të tjera, pasi i dha ato monedha për shkollën. Por për një gjë jam i sigurt: Zoti Jezus e ka vënë re atë gjë.

Mos u shkurajo, nëse nuk mund të japësh shumë. Perëndia mund ta përdorë dhuratën më të vogël si të ishte më e madhja. A nuk i përdori Zoti disa bukë dhe peshq për të ushqyer mijëra njerëz? I njëjti Perëndi mund të përdorë atë shumë të vogël, atë pak gjë që ju i jepni me dashuri, për të bërë gjëra të mëdha në fuqinë e Tij!