Popularni biblijski stihovi iz Zan 19

Podijeli

Yesu dɔɔ ɓodai ɓɔleai ma, é ɠɛni ma: «Fai pɛ daazeelia.» Naa ʋoluma é unpilɛni, zii loo.

Naa ʋoluma, tɛi Yesu ɠɛni kwɛɛni ga fai pɛ daazeelia, nii a kɛ GALA Sɛʋɛi zu wooi ʋilɛ su, é ɠɛni ma: «Kpɔɔle wɔin ɠa mà.»

Yesu dee ʋɛtɛgai ma, ta é kaladopoi ɠa, nii é nɛɛni ʋɛ, naa koba, Yesu ɠɛni dee ma: «Anzanu, wɛlɛ, è-loin ɠaa,» é ɠɛ kaladopoi ma: «Wɛlɛ, è-lee ɠaa.» É zo naama yeeɠɛɠalai ma niina, kaladopoi naa Yesu dee zeɠeni, é lii la ná-pɛlɛi wu.

Kɛlɛ siɛgi zu ti zeelini la Yesu ma, ti kaani ga é za, naa maaʋele ma ti la mɔ ɠɛni kɔɠɔiti suɠaleɠaleni. Salaʋusui gila ge ná-kpɛɛin lɔɔni Yesu ɠokakamaʋɛ, gaamago ɲamai ta ziɛi ti ɠulani ná.

Mazɔlɔɔ niima vaiti pɛ kɛɛʋɛ, nii a kɛ nii bogai GALA Sɛʋɛi zu, naama wooi ʋilɛ su ga: «Ma ɠaei tanɔpɛ ge la ɠalea.» Naa ʋoluma bogɛ GALA Sɛʋɛi zu ná taɠili ga: «Ta ɠaazulo naama nui ʋa, nii ti bɔɔni.»

Ti ɠulani ga Yesu taai ʋa, tɔ ɓɔɠɔi zaa wului laani kɔma, ti lii la adɛ ta, ʋɛ ná laaseigi ga «Unkala Adaʋɛ», é wosu Eɓulu wooi zu ga «Gɔlegota».

Salaʋusuiti ti ɠaingi vɛlɛni ga masa bɔɔlɔgi, ti dɔ unma, ti seɠe ɓɔi golai ta loo kɔba.