Popularni biblijski stihovi iz Luuka 14

Podijeli

“Ʉmuunu ʉvaveetsaga ʉvɨ inogwa ʉkʉva nkongi vango, pannogye ʉmwene ʉkʉngana ʉne ʉkʉlʉtɨɨlɨla ʉlʉgano lwa mwene kwa dadaaje, kwa vanyina, kʉ nʼdala va mwene, kʉ vaana va mwene, kʉ valʉkololwe, na kʉ vahaatsave. Ikange pannogye ʉkʉngana ʉne ʉkʉlʉtɨɨlɨla ʉkʉvʉgana ʉwʉʉmi wa mwene.

Ʉmuunu ʉvɨ nikɨtwɨka ɨkɨdamingʼanie kya mwene nʉ kʉngʼonga, nakaweese ʉkʉva nkongi vango.

manya ʉmuunu ʉvaveetsaga ʉvɨ ikɨjɨmɨka, ʉNgʉlʉve alamwisa. Nʉ muunu ʉvɨ ikɨjisa, ʉNgʉlʉve alamwɨmɨka.”

“Wʉ jɨlɨwo nakʉ kwanyie. Nakʉli nʉ mpamato mwanyie ʉvɨ anogye ʉkʉva nkongi vango, angave nasilekili syoni isyʉ alɨ nasyo.

“Ndɨganule vʉnonu. Angave mpamato viinyo inogwa ʉkʉtsenga ɨnyumba jya lʉtogo, jiivomba kɨki pa vʉtengʉlɨlo? Pa vʉtengʉlɨlo jiitala ʉkʉsaaga isiinu syoni isyʉ silondiwa ʉkʉtsengela. Pwʉ jiikɨlola ndalɨ ni ndalama tsa kʉkwɨla ʉkʉmala ʉkʉtsenga. Kɨtsila kʉvomba ewo, iweesa ʉkʉtsenga ʉwaalo, pwʉ ilemwa ʉkʉmala ʉkʉtsenga ɨnyumba ɨjyo. Pwʉ avalʉtanzɨla vooni wʉ vikʉjɨvona vikʉmʼbedaga, viteetsaga, ‘Ʉmuunu ʉjʉ aatengwe ʉkʉtsenga, napeene alemilwe ʉkʉmala!’

Apeene, wʉ ʉtetengʼiinie ʉlʉhekelo, ʉvɨɨlangage avagatsu, avalema, avasugujwike isilʉnde na vabosu. Apo pwʉ wiiva ʉlɨ nʼgatalʉsu, ʉlwakʉva avo valɨ vʉvʉle ɨkɨɨnu kya kʉkʉtavʉla. ɄNgʉlʉve vɨ mwene alakʉhomba, alaava itsʉʉsa avagolosu.”

“Ʉmwinyo kɨɨnu kɨnonu. Lɨno gʉngave gʉnangiike, vuvomba kɨki pa kʉgʉkilivulila ʉlʉnogo lwa gwene? Ʉmwinyo ʉgʉlɨ ndʉʉgwa, gʉtsila mbombo nakʉ kʉ mmanga, nakʉ kʉva nyanzo jya ngʼakala. Ʉmwinyo ʉgwa gwiva gwa kʉtaagwa kʉnzi. Ʉvɨ ipʉlɨka, vɨ apʉlɨkage nʉ kʉtsingahɨtsa itso!”