Popularni biblijski stihovi iz Luuka 13

Podijeli

“Mwɨkupilage ʉkwingilila ʉndyango ʉnsinye, manya ndikʉvavʉʉla ʉkʉta avaanu vongosu valagela ʉkwingila, lɨno valalemwa!

Mu lisinagogi ʉmwa, aalemwo ʉnʼdala mpamato ʉvɨ aale nɨ mepo ɨmbiivi ɨjyagʉvɨɨkile ʉmmana gʉve nʼdekedeke ɨmyaka kɨtsigo na nnaana (18). Ʉnʼdala ʉjwa aale nɨ kɨdʉdʉmbe, ikange aalemwagwa ʉkwɨma agoloke. ɄYɨɨsʉ wʉ ambwene, akamwɨlanga iitse pa mwene. Pwʉ akambʉʉla akata, “Jyʉva, ʉponile ʉvʉtamu waako, lɨno ʉlɨ mbopolwa!”

ɄYɨɨsʉ akavɨɨka isivoko sya mwene pa nʼdala ʉlya. Baaho ʉnʼdala ʉlya akɨɨma agolwike ʉnsana gwa mwene, akatengʉla ʉkʉnʼginia ʉNgʉlʉve.

“Napeene, avaanu vongosu ʉwʉ valɨ mbʉlongolo lɨno, valaava va kʉnsana, naveene ʉwʉ valɨ kʉnsana valaava va mbʉlongolo.”

Ʉnsɨkɨ gʉliitsa, ʉpwʉ ʉmwenenyumba aladɨnda ʉndyango. Pwʉ mulɨɨma kʉnzi, muladɨndʉtsaaga nʉ kʉnʼdoova mulateetsaga, ‘Gwe Ntwa, tʉdɨndʉlɨle!’ Apeene ʉmwene alavaanda alaata, ‘Nandɨvamanyili ʉnyie ikange nandɨkʉmanyili nakwene ʉkwʉ muhʉmile!’

Ndikʉvavʉʉla nawʉ jɨlɨwo! Mungaleke ʉkʉlaata imbiivi tsiinyo, najyʉnyie muloongometswa nyɨ vooni!”

Ʉmwene alaata, ‘Ndɨvavʉʉlile ʉkʉta, nandɨvamanyili ʉnyie ikange nandɨkʉmanyili nakwene ʉkwʉ muhʉmile! Hegi paane, ʉnyie nyɨ vatulanongwa!’

Pwʉ ʉYɨɨsʉ akavʉʉtsa akata, “ɄLʉdeeva lwa Ngʉlʉve lʉhwaniine nɨ kɨki? Ndɨhwananie nɨ kɨki? Lʉhwaniine nɨ mbeju jya libɨkɨ ɨlilongoti, ɨmbeju ɨndebe kʉ mbeju tsyoni, ɨjyʉ ʉmuunu aavyalile mu nʼgʉnda gwa mwene. Ɨmbeju jɨkamela jɨkava mʼbɨkɨ mbaha. Sikiitsa isidege sikatsenga ʉwaaswa mu magɨka tsa gwene.”