Popularni biblijski stihovi iz Juan 1

Podijeli

Mawũãmina izhita bia edadꞌapeadꞌara, izhidꞌebemata ĩjãnapeadꞌara Daizeze warrarãta duanebisia.

Jẽdebara bꞌasia Bedꞌeata, maʉ̃ Bedꞌeara Daizeze ũme bꞌasia, Bedꞌeara Daizeze basia.

Izhira ʉ̃nata pãrĩguadꞌe ʉ̃na bꞌʉa, izhira pãrĩguabara kia ẽã.

Bedꞌeara Beubari Bape dazhirãne edꞌa bꞌasia, kʉãgꞌaba bira bꞌʉba kꞌawuabiga bꞌasia Daizezedꞌebema wãrãta. Daibara ũdusidꞌa izhira zhi zromata, zhi Warra abꞌa bꞌʉta zhi zroma basia zhi Zezedꞌeba.

Izhikꞌareuba Daizezebara ne jõma osia, izhikꞌareuba obʉrʉ ẽãrã miã kꞌãrẽsidꞌa o ẽbasia. Izhira dazhi bꞌʉ kꞌarra, mawũã dazhi bꞌʉ kꞌarrata Daizezedꞌebema kꞌawuabiga bꞌʉba zhãrãĩta ʉ̃nata bꞌʉa.

Nrũẽma Juanbara Jesús izhima uruta ũdupe mawũãsia: Akaudua, kꞌãʉ̃ta Oveja zake Daizezedꞌea, naʉ̃bara kꞌazhirua ne ẽã oya ẽjũãne zhãrã bꞌeta.

Maʉ̃ ʉ̃narã naʉ̃ ẽjũãne bꞌasia, ẽjũãrã Daizezebara izhikꞌareuba osia, mawũãmina ẽjũãne bꞌebara ũdukꞌawadꞌa ẽbasia. Izhidꞌerãma zesia, mawũãmina izhidꞌerãbara bia edadꞌa ẽbasia.

Wãrĩnu ʉ̃nabara Daizezedꞌebema kꞌawuabiga bꞌʉba zhãrã jõma ʉ̃nabi bꞌʉra zeita bꞌasia naʉ̃ ẽjũãẽna.

Daizezebara izhi ũrãgꞌara diasia Moisédꞌeba, mawũãmina izha zhãrã kʉãgꞌa bꞌʉra izhidꞌebemata wãrĩnurã dajada nʉmesia Jesucristodꞌeba.