Popularni biblijski stihovi iz Juan 2

Podijeli

Maʉ̃ ũdudꞌakꞌata naarabemata obʉrʉra Jesúsbara osia Caná pʉwʉrʉdꞌe Galilea druadꞌe, aramaʉ̃ne ũdubigasia izhira zhi zromata, mawũẽ izha jʉrʉkuadꞌabara wuaabʉrʉ ĩjãsidꞌa izhidꞌebemata.

Mawũãĩ Jesúsbara mawũãsia: ¿Papa, dazhira maʉ̃ne nʉmʉ ẽãta bʉara kꞌãrẽã maʉ̃ta mʉãã jarabʉrʉ? Mʉã kꞌãrẽ oira wadꞌi araba ẽã.

Jesúsbara vino jedꞌekabadarãã mawũãsia: Zokꞌo za nʉmeta baniãba biraudua. Mawũãĩ birakuasidꞌa. Mawũẽ Jesúsbara mawũãsia: Kꞌõbebʉrʉ wĩka jue edadꞌape vino jedꞌekabi nʉmʉma edeudua. Mawũãĩ edesidꞌa.

Mawũãnaĩ Jesúsbara panaʉ̃ mawũãsia: Naʉ̃ Daizeze dera ãrĩũdua, mʉã ewari ũbeadꞌe wakusa pãrãña.

Mawũẽ lasota bio baratʉ edape Daizeze dedꞌa ewara maẽbara jõma ãĩ jʉrekuasia ãzhi oveja bawara, ãzhi pakꞌa bawara, monedara kuekuasia plata kꞌãbiabadadꞌera, burekuasia mesara. Mobe paloma nendobadaa mawũãsia: Ãĩ edeudua naʉ̃ namaʉ̃bara, mʉ Zeze deta kꞌãwũã orãũdua ne nendobada deta.