Populära bibelverser från Luk 4

Dela

“Kunuu ka kiti Ateeteyo unka t’inci kamma nkimamalaam kati túunan ekooŋan éesuume ti keeleke ka. Kúpoñiyaampoñ kati kaman keekulee ka nii éfikafulii, niŋ kéefuume ka nii éfikañohoonii ti hicuku, kati fúlan keekallanee ka ti kúnuul, nkaman etiil eyya Ateeteyo áfaayisan pásuum pa piteyoo. ”

Yéesu naañahan yo: “Kiiceekiic ti hilim ha hiti Pútuun pa: 'Hátikin Ateeteyo Pútuun pa pitii áafakilipo ti hímulu, niŋ pikina lamma aññaŋe hítuulu.' ”

Yéesu naañahan yo: “Kiiceekiic ti hilim ha hiti Pútuun pa: 'An ataloŋ niŋ hímpuul lamma.' ”

Yéesu naameeŋ niŋ Kunuu ka keenape ka, náafulii ti musuu ma miti Jordan. Kunuu ka nkiyeniyoo kátintiŋan pati káahaaŋ ka tes.

Yéesu naañahan yo: “Kiiceekiic ti hilim ha hiti Pútuun pa: 'Aañaŋut puwinko Ateeteyo Pútuun pa pitii.' ”

Ta Seetaani ya neepaye ta hiŋes híluuŋuyoo ha púlooŋ, neekatanoo fo ti cikee caanak.

Seetaani ya neecoopoo patiila la haane, néeyisanoo mpacas cáwii ca citi mah ma púlooŋ. Neesokoo: “Inci fawufani kayine enke púlooŋ niŋ hamake ha hiti cáwii ca, kaatuko inci nkuwufanee, yíniyini kawufan etenko an óo an aŋa ínsuumaam. Fiye, náakilipiyaa hátikinam ti hímulu, efikiyeno púlooŋ kitii.” Yéesu naañahan yo: “Kiiceekiic ti hilim ha hiti Pútuun pa: 'Hátikin Ateeteyo Pútuun pa pitii áafakilipo ti hímulu, niŋ pikina lamma aññaŋe hítuulu.' ”

Seetaani ya néetintiŋanoo Jerusalem episilanoo la haŋe la pahaan ti ekumpaan ya enfakat ya eti Pútuun pa. Nene esokoo: “Niŋ awe yem Añii Pútuun, fúl le cípo t’etaam. Kamma nkiicee ti hilim ha hiti Pútuun pa: 'Efipusok pumaleekoo etempo pumankooli; niŋ sipees etempo éfipiseepini, eeha efihiwun ha kooti etikilooŋoolo ti énankiin.' ” Yéesu naañahan yo: “Kiiceekiic ti hilim ha hiti Pútuun pa: 'Aañaŋut puwinko Ateeteyo Pútuun pa pitii.' ”