Populära bibelverser från Ijɔ̍ɔn 19

Dela

Iji̍sɔ̄ɔsi pi ɛ̍mwɔ̄ ɔla̍ā gwa̍ ɔpɔ̄ɔpɛ̄ ka hīka ɔ̍lɔ kwɛ̍ɛjī mɛ̍! O̍ chlɛhu̍ kpɔkɔ̍ɔ̍, hīya ɔtū du̍mɔ̍.

Iji̍sɔ̄ɔsi jo̍ōkū hīka lɛlāha̍-ɛlāha̍ wa̍a̍ ɔ̍lɔ de chlɛhu̍ mɛ̍. Wu̍chē lɔkɔ nīi lɛlā yī Īpū yī Ɔwɔ ge̍ē de pīya ichɛ̄ɛhi ma̍, o̍ ka hīka, odīyenyi ɔ̍lɔ yɛ amu ē ya̍ anu̍.

Iji̍sɔ̄ɔsi ma̍ ɛ̍nɛ̍ yī nū ba̍la a̍chi̍kpo̍ yī nū nīi re̍ka ɔhɔtū yī nū ma̍ nīi e̍ rɛ abɔ̍ɔ ma̍, ka grāa ɛ̍nɛ̍ yī nū hīka, “Ɛ̄nɛ̄, ɔyi̍ yī wɔ rɛ aa̍ a̍nɛ.” O̍ gba̍a ka de a̍chi̍kpo̍ yī nū ɔla̍ā nīi re̍ka ɔhɔtū yī nū ma̍ hīka, “Ɔyi̍, ɛ̍nɛ̍ yī wɔ rɛ aa̍ a̍nɛ.” Bū la i̍chi̍chɛ ɔla̍ā, a̍chi̍kpo̍ yī Iji̍sɔ̄ɔsi ɔla̍ā bī ɛ̍nɛ̍ yī nū pīya ge̍ hɔ̄ la wɔlɛ̍ yī nū.

E̍ ga ɛbɛ yī Iji̍sɔ̄ɔsi ma̍, e̍ ma̍ hīka ɔ̍lɔ pīyaku̍ mɛ̍. Wu̍chē yī ɔla̍ā, e̍ i̍ de ɔ̍ chrīkpo̍ gɛ ni̍. Icho̍ojiya ɔha̍ gāa ge̍ de abada gwōtū Iji̍sɔ̄ɔsi la yɛgɔ̄. Ɔpɔ̄ɔpɛ̄, yeyī ba̍la yenyi pɛ̍ hunū.

Lɛlā ɔla̍ā wa̍a̍ ya̍ lɛbɛ nīi lɛlā nūma̍ nīi tū la Īpū yī Ɔwɔ ma̍ ge̍ē de ē pīya ichɛ̄ɛhi. “Ukpoku̍ yī anu̍ pi̍i̍, ɔ̄chɔ̄chɛ i̍ ge̍ē chē ɔha̍lɔha̍ ārɛ̄ ni̍.” Ɛbɛ ɔha̍ yī īpū yī Ɔwɔ gba̍a ka hīka, “Āchɛ ge̍ē de eyī kɔ̍ anu̍ ɔ̄chɛ nīi e̍ gwō ɔjā tū ɔ̄ ma̍.”

Anu̍ ɔlɔjā yɛɛ, bī ɔchi̍ ɔhrɛ̍ɛpa yī nū ga ɛbɛ nīi re̍ka, “Ɛbɛ yī Īkplɛ̄hu̍ Āchɛ” ma̍ a̍nɛ. E̍ ē hī ɛbɛ ɔla̍ā ka, “Igo̍li̍gōta” la oko̍o yī Ihi̍bru.

Icho̍ojiya ɛla̍ā ya̍ ɔjā ɔkla̍lɛhu̍ la ijīijē ke̍e̍ de kla̍ anu̍ lɛhu̍. E̍ de aru̍ ɔkwajɛ ɔnɔ̄ɔ̍ɔ̄a̍ ɔha̍ ru ɔ̍.