Populära bibelverser från Luke 6

Dela

Vɛdani bambɛgi bi bɔ balidi na nzale. Nzɛmbi na ndɛ návɛde béne bi béne lelidi na nzale. Nzɛmbi avɛde béne mabuɛ mvuamɔvɛ nachi mɔ makilokege. Buni béne lavɛde bambɛgi, a bone nibu Nzɛmbi akivɛde béne.

Mutu wuwulidi na maambe mamabuɛ gutsɔ mutéme, apose ndile maambe mamabuɛ. Namoni a mutu wuwulidi na maambe mamabi gutsɔ mutéme, apose ndile maambe mamabi. Maambe mabase gutsɔ mutéme, muniɔ akapose.

Tɔndani bambɛne ba béne. Sadani bɔ mabuɛ. Béne le sombichi bɔ badɔle, yabàkuadani na tsɔnge ti bɔ bàgabese béne bɔ. Nzɛmbi wulidi gu yulu nàvɛde béne musɛnde wu munéni. Béne vane nilebade baane bɛndi. Muti Nzɛmbi alidi na tinge a baate bababi na babavɛ na mutase.

Mɔnani tinge a baate ngane a bu Taate a béne Nzɛmbi amɔne bɔ tinge.

Yabomani baate mambɛle. Nzɛmbi na ndɛ ákábome na béne mambɛle. Yatchisani bambɛgi chigi. Nzɛmbi na ndɛ ákátchise na béne chigi. Chindelani bambɛgi ba béne maambe mabɔ basadele béne mamabi. Nzɛmbi na ndɛ akachindele béne maambe mamabi ma béne lasade.

Tɔ mɛ ka béne balayoge maambe ma mɛ yambele maneme mɛ lɛle mé, mɔnani tinge bambɛne ba béne. Sadani mabuɛ gulidi baate bababɛle béne. Vɛdani misaange gulidi baate babachibele béne. Bɔndani Nzɛmbi mu baate babasadele béne maambe mamabi.

Maambe mamabuɛ ma béne latɔnde ti baate basadele béne, sadelani na bɔ maambe muɛne.

Mutu agobe wɛ lebɔte mu leboke la ngule a mbagele, vɛde ndɛ nala ngule a kase. Mutu abɔnge lengoyi lawɛ la yulu na imbabe, vɛde ndɛ namoni lengoyi la kɛti. Vɛde pɛti mutu wuwavɔnde wɛ bi wɛ lidi na biɔ. Mutu abɔnge mabuɛ mawɛ, yabafule ndɛ mɔ.

Sése nàbàlɛle bɔ ndé: «Muti wu mubuɛ asabote milonde mimibi vɛ. Namoni a muti wu mubi asabote milonde mimibuɛ vɛ.»

Muti bayabe ndile mu milonde mi ndɛ bote. Baate bachitoge tɔle ninge gutsɔ lekuake la bakiɛme vɛ. Tumbi nayɔ basatɔle mu mbate bifundi vɛ.