Populära bibelverser från Yoane 19

Dela

Al amat Yesu ojo inyi, Atuhuno. Ijurru inyi nahou ette ye.

Lihalu nyo omijak Yesu latuhunie nerre daŋ, oŋida ihanie bu neram inya igyoroni, ikyana inyi ojo, Ebwoto ni.

Al igonyu Yesu honyonyi iko leyiyanani ol omuno inyi owotyai dia, ojo jyo honyonyi, Iyaŋ, lonyi hoi olo. Ette inyi jaran bu jyo leyiyanani, Honyohoi ana. To noloŋ nya itamanyayo leyiyanani lya honye Yesu.

Ofwonni isi jyo Yesu, onyurani isi aye inyi ette isi ilak wur nejek honyi. Ati ocuk obo olo oseŋer amari Yesu ta afere attati nooto iko naari wouno teyya.

Hodwo hirre ihanie oŋida itasiruni egyerita hun ojori, “Obeŋ adi obo ahotyo honyi owuro abotye.” Bwo fe nobo ekyana ojo, “Iŋiŋyalai adi isi jyo lya ol ocuhi isi.”

Inefuni ati isi Yesu ette iyaro. Bwo fe Yesu olororo akruce honyi ette leten jyo namaji an ifurani Ebrei Golgota on ojo amaji hou.

Bwo oyiri oseŋer egorya hikwa ette isihonia lihou ette itiyyafana nahwan honyi ta nobo naboŋo en emoli.