Mistari Maarufu ya Biblia kutoka Mithali 12

Shirikisha

Uzito katika moyo wa mtu huuinamisha; Bali neno jema huufurahisha.

Kila apendaye mafundisho hupenda maarifa; Bali yeye achukiaye kulaumiwa ni kama mnyama.

Kuna anenaye bila kufikiri, kama kuchoma kwa upanga; Bali ulimi wa mwenye haki ni afya.

Njia ya mpumbavu imenyoka machoni pake mwenyewe; Bali yeye aliye na hekima husikiliza shauri.

Ghadhabu ya mpumbavu hujulikana mara; Bali mtu mwerevu husitiri aibu.

Mwanamke mwema ni taji la mumewe; Bali aaibishaye ni kama kuoza mifupani mwake.

Midomo ya uongo ni chukizo kwa BWANA; Bali watendao uaminifu ndio furaha yake.

Mwenye haki ni kiongozi wa mwenzake; Bali njia ya wasio haki huwakosesha.

Mdomo wa kweli utathibitishwa milele; Bali ulimi wa uongo ni wa kitambo tu.