Mistari Maarufu ya Biblia kutoka Mithali 11

Shirikisha

Nafsi ya mtu mkarimu itastawishwa; Anyweshaye atanyweshwa mwenyewe.

Kuna atawanyaye, lakini huongezewa zaidi; Kuna azuiaye isivyo haki, lakini huelekea uhitaji.

Kijapo kiburi ndipo ijapo aibu; Bali hekima hukaa na wanyenyekevu.

Pasipo mashauri taifa huanguka; Bali kwa wingi wa washauri huja wokovu.

Mazao ya mwenye haki ni mti wa uzima; Na mwenye hekima huvuta roho za watu.

Mwenye udaku hupitapita akifunua siri; Bali mwenye roho ya uaminifu husitiri mambo.

Mwenye rehema huitendea mema nafsi yake; Aliye mkali hujisumbua mwili wake.

Azitegemeaye mali zake ataanguka; Mwenye haki atasitawi kama jani.

Mali hazifaidii kitu siku ya ghadhabu; Bali haki huokoa na mauti.

Ukamilifu wao wenye haki utawaongoza Bali ukaidi wao wenye fitina utawaangamiza.

Kama pete ya dhahabu katika pua ya nguruwe, Ndivyo alivyo mwanamke mzuri asiye na akili.

Mizani ya udanganyifu ni chukizo kwa BWANA; Bali vipimo vilivyo sawasawa humpendeza.