Mistari Maarufu ya Biblia kutoka DUKU 14

Shirikisha

“Mɔ kan kɔ kan min mbe na‑a n tena, a ee che ma‑a n fɛ denɛ a, mɔɔ ni n bakoe a dia‑a a ye, a ni ben a fa ma, a ni ben a de ma, a ni ben a 'a denɛ ma, a ni ben a suun ma nyɔɛ ma, a ben a 'a musu wɛɛ ma, a basan an mɔɛ chɛ wandi gbu wɛɛ a.

Ni mɔ ɔ mɔ ma nyina ni a faa ma koe ma, a ni a ma bɛn mɔnɛ ɔ bia koe a, a basan fa koe a n ko a, a ee che bea‑a n fɛ.

Koe min na mu, ni mɔ ɔ mɔ‑a a wandi a sɛ, Yataa ɛ a mɔɛ chɛ a yii‑a wan. Chɛɛ ni mɔ ɔ mɔ‑a a wandi a yii, Yataa ɛ a mɔɛ chɛ a sɛ‑a wan.”

Chɛ an‑na a fɔ, wo dɔndɔ wɛɛ ee che ma‑a n fɛ denɛ a, mɔɔ ni a mɔɛ chɛ‑a a kan kɔ sɔ fen kɔ fen na, min mbe a boo ɔ.

“Ni wo dɔndɔ wɛɛ toen mu a ni banda a chenɛ sɔ, a ee a kuu sɔ ka dechee. Ɛ si pɛn, a ni a ɔ yen, ni fen nyɔn mbe a boo ɔ. Ɛ a ɔ yen pɛn, ni an kɔpɔɛ chɛ ɛ chen chɛ a ban fan. Ni a ma chɛ ma ni, ni a‑a chenɛ gbu kuu si, a ee na‑a kun‑da a ni wai chɛ a ban. Mbɛ mɔɛ miin gbɛɛ‑a a ɔ yen‑da fen ma‑a, an mbe a ma yɛn‑da wan. An mbe a fɔ‑a wan, an dɔ, ‘Kamin chɛ‑a a kuu sɔ chen chɛ sɔ‑a, chɛɛ a ma kun ni a ni a a ban.’

Chɛɛ ni i‑a daun chɛ bɛnɛ ɔ bɛn, chɛ n chee miin yɔnden mu. Namaa n chee, i ni tamban tɔɛ n chee, a basan ya te tɔɛ n na. Mɔɛ n fan nɛ, miin mbe ee che i ta wai nyima a yɛ‑a. Chɛɛ ni i‑a chɛ ma, e dua ma sɔn‑da wan. Tima min na, mɔɛ miin tanden ni Yataa tena, an mbe ma‑a an kɔɔ sɔ‑a a ka saya ɔ, Yataa ɛ a tɔnɔnɛ be‑a wan i ma.”

“Kuiɛ nyin fan, chɛɛ ni a ɔ sɛ‑a, mɔ ee che to i ni a ma a dia ni yɛ a ɔ. A ma nyin to fen kɔ fen ko a, n mbe ee baa a ma koe a duu gboo wɛɛ ni nyan. A nyin dechee mɔ ni a a dɛ fia ɔ. Wo wɛn too ɛ koe a min, wo chɛ a min.”