1
मत्ती 5:15-16
सादरी नवाँ नियम
सेहे लेखे आदमीमन दीया बाइर के पइला केर हेंठे नी रखैना, मगर उके चौखट में रखैना, तब उकर से घर केर सोउब आदमीमन लगिन इंजोत पोंहचेला। ओहे लेखे तोहरेमन केर ब्यवहार आदमीमन केर सामने चमकोक जेकर से उमन तोहरेमन केर भला काममन के देइख के तोहरेमन केर आबा केर, जे स्वरग में अहे, बड़ाई करोक।
Linganisha
Chunguza मत्ती 5:15-16
2
मत्ती 5:14
तोहरेमन दुनिया में आदमीमन लगिन दीया नियर अहा, जे लेखे पहार उपरे बसल नगर नी लुकी।
Chunguza मत्ती 5:14
3
मत्ती 5:8
धाइन हेकैं उमन, जे मनक हृदय सफा अहे, उमन परमेश्वर के देखबैं।
Chunguza मत्ती 5:8
4
मत्ती 5:6
धाइन हेकैं उमन, जेमन परमेश्वर केर इच्छा के पूरा करेक ले भूखल आउर पियासल अहैं, काले कि उमन अघुवाल जबैं।
Chunguza मत्ती 5:6
5
मत्ती 5:44
मगर मोंय तोहरेमन से इ कहाथों कि अपन बैरीमन के प्रेम करा आउर जेमन तोहरेमन के सतायना सेमन लगिन प्रार्थना करा।
Chunguza मत्ती 5:44
6
मत्ती 5:3
“धाइन हेकैं उमन, जेमन अपन मन में जानैना कि उमन के अपन जिंदगी में परमेश्वर केर जरुरत अहे, ओहेमन स्वरग राइज में जाबैं।
Chunguza मत्ती 5:3
7
मत्ती 5:9
धाइन हेकैं उमन, जेमन मेल-मिलाप करुवायना, उमन परमेश्वर केर संतान कहाबैं।
Chunguza मत्ती 5:9
8
मत्ती 5:4
धाइन हेकैं उमन, जेमन शोक मनाएना, परमेश्वर उमन के दिलासा देवी।
Chunguza मत्ती 5:4
9
मत्ती 5:10
धाइन हेकैं उमन, जेमन परमेश्वर केर इच्छा के पूरा करेक केर खातिर सताल जायना, स्वरग राइज ओहेमन केर हेके।
Chunguza मत्ती 5:10
10
मत्ती 5:7
धाइन हेकैं उमन, जेमन दोसर मनक उपरे दयालु अहैं, परमेश्वर उ मनक उपरे दया करी।
Chunguza मत्ती 5:7
11
मत्ती 5:11-12
धाइन अहा तोहरेमन, जब आदमीमन मोर पिछे चलेक केर खातिर तोहरेमन केर निंदा करबैं, आउर सताबैं आउर झूठ बोइल-बोइल के तोहरेमन केर बिरोध में सोउब रकम केर बुरा गोइठ कहबैं। तब खुशी मनाबा आउर रिझबा, काले कि तोहरेमन के स्वरग में बड़का इनाम भेटाई। तोहरेमन से ढेइर समय पहिले हों उमन परमेश्वर केर संदेश के बताएक वालामन के एहे लेखे सताय रहैं।
Chunguza मत्ती 5:11-12
12
मत्ती 5:5
धाइन हेकैं उमन, जेमन नरम दिल केर अहैं, काले कि धरती ओहे मनक होवी।
Chunguza मत्ती 5:5
13
मत्ती 5:13
तोहरेमन धरती में आदमीमन लगिन नोन नियर अहा, जइसन अगर नोन केर नोनछर सिराय जाई, तो उके दोबारा कोनों चीज से नोनछर बनाएक नी पराई, उ कोनों काम में नी आवी, उके बाहरे फेकल जाई आउर आदमी मनक गोड़ तरे रौंदाय जाई।
Chunguza मत्ती 5:13
14
मत्ती 5:48
से लगिन तोहरेमन एइसन काम काइर के देखावा कि तोहरेमन सोउब से प्रेम कराला, जइसन तोहर स्वरगीय आबा सोउब से प्रेम करेला।”
Chunguza मत्ती 5:48
15
मत्ती 5:37
मगर तोहरेमन केर गोइठ, हाँ में हाँ या निहीं में निहीं रहोक, काले कि जे कोनों इकर से बगरा होवेला उ शैतान बटले होवेला।
Chunguza मत्ती 5:37
16
मत्ती 5:38-39
तोहरेमन सुइन चुइक हा, मूसा केर नियम कहेला, आँइख केर बदला आँइख, आउर दाँत केर बदला दाँत लेबा। मगर मोंय तोहरेमन से इ कहाथों, बुरा आदमी केर बदला ना लेबा, मगर जे तोहर भतखाइया गाल में चटका मारी उकर बटे दोसर गाल हों फेइर देबा।
Chunguza मत्ती 5:38-39
17
मत्ती 5:29-30
अगर तोर भतखाइया आँइख तोके पाप करुवायला तो उके निकलाय के फेइक दे, तोर लगिन एहे ठीक अहे कि तोर अंगमन में से एगो नाश होई जाओक आउर तोर गोटा काया नरक केर आइग में सजाएक से बाइच जाओक। आउर अगर तोर भतखाइया हाँथ तोके पाप करुवायला, तो उके काइट के फेइक दे, काले कि तोर लगिन एहे ठीक अहे कि तोर अंगमन में से एगो नाश होई जाओक आउर तोर गोटा काया नरक केर आइग में सजाएक से बाइच जाओक।
Chunguza मत्ती 5:29-30
Nyumbani
Bibilia
Mipango
Video