Mistari Maarufu ya Biblia kutoka Acts 1

Shirikisha

Ia kulana Keanana Kapu meihaele iho nokau iloko okou iau aku namahi aia, kena okou meikakala aꞌe nakipukipu kaualeꞌa anau nei i nakama Jerusalem, ia ma nakama Judea lakou ma nakama Samaria, ia ma nakama nahenua kemaalama nei hakoa.”

Ia Jesus eme aꞌe nakama la, “Keakua soia ekuꞌu keualoko aia meihuli aꞌe namahi aia. Ia okou sekau keailoa naaho ma naualoko la.

Keualoko Jesus ninoho i Jerusalem ma nakama la noꞌai, kama la eme aꞌe, “Okou inoho kali, sekaꞌa ikaha ma kemakaꞌina nei. Keakua ekakala hamaoni pela aia meiau aku Keanana Kapu, poi okou nilono anau nime aku. John Baptist ehaauꞌau kapu keonohenua la i kevai. Ame imuli elava naaho, Keakua meihaauꞌau kapu okou i Keanana Kapu.”

Jesus ehalono lihu nomake, kena iola muli nohuli aꞌe aia soia i nakama kaukali aia la, imakino nakama la pela aia uola muli hamaoni. Jesus ehakumaka aꞌe nakama la iloko kipuhaa naaho, kena ikakala aꞌe nakipukipu kenoholana Keakua.

Keualoko Jesus nime aꞌe nakama kaukali aia la nakakala nei, nakama la eꞌike Jesus usau lia nohaele iluna noulu iloko napuleulehu, kena nakama la useꞌike Jesus.

Kulana nakama la oiꞌila hamakonu i kevaelani, sakama ukuu aꞌe kevahi nakama la, eleleu naheheaꞌu maꞌini. Koꞌolua la eme aꞌe, “Okou nakama Galilee, okea okou ekuu inei noꞌila hamakonu i kevaelani? Keakua uko Jesus ikaha ma okou noꞌave i kevaelani. Ia Jesus meivaꞌai mai muli, ehau poi okou eꞌike kama la uhaele i kevaelani.”