Mistari Maarufu ya Biblia kutoka John 21

Shirikisha

Keualoko nakama la niꞌai nooki, ko Jesus ime aꞌe Simon Peter, “Simon kama John, aꞌoe elaoi anau elaꞌa iluna ma alakama?” Ko Peter ime aꞌe, “Ino Kealiꞌi, aꞌoe makino pela anau elaoi aꞌoe.” Kena Jesus eme aꞌe kama la, “Hanai napunua {sipisipi} anau la.”*f31* Ia Jesus evasili aꞌe kama la hoi ma, “Simon kama John, aꞌoe elaoi hamaoni anau?” Ko Peter ime aꞌe, “Ino, Kealiꞌi, aꞌoe makino pela anau elaoi aꞌoe.” Ko Jesus ime aꞌe kama la, “Lolosi na{sipisipi} soliliꞌi anau la.” Keualoko kanahakolu ko Jesus ime aꞌe, “Simon kama John, ea, aꞌoe elaoi anau?” Ia Peter ukipuaina, maikinimea Jesus evasili aꞌe aia koukolu naualoko pela, “Aꞌoe elaoi anau?” Kena Peter eme aꞌe, “Kealiꞌi, aꞌoe ailoa namea hakoa. Kena aꞌoe makino pela anau elaoi aꞌoe.” Ko Jesus ime aꞌe kama la, “Hanai na{sipisipi} soliliꞌi anau la.

Anau eme aku aꞌoe kehamaoni. Keualoko aꞌoe nikipu aꞌe, aꞌoe eleleu pamalo aꞌoe soꞌoe nohaele heꞌina pehe aꞌoe hihai. Ia keualoko aꞌoe umakua, kelaa kama meihaleleu aku pamalo aꞌoe la, kena ihakaꞌi aꞌoe i keꞌina aꞌoe sehihai kehaele la.”

Kena iko Jesus ime aꞌe, “Pehi keupena okou na kevahi laua kemonoui na ma sehiiꞌa emau.” Kena iko nakama la ipehi keupena lakou la noselavaa kehuki muli, maikinimea komaꞌi naiꞌa ekau.

Simon Peter eme aꞌe nakama la, “Anau mehaele nopupui.” Kena nakama la eme aꞌe, “Kakou io.” Ko nakama la iꞌae kemonoui la nopupui kepo la hakoa, ia sehimea ekau.