Mistari Maarufu ya Biblia kutoka Jenɛɛsë 9

Shirikisha

Nyɔsʋa ‑nëma: «‑Jää 'na kuöa tielɛ 'n ‑tʋʋäa' 'nyraa 'amɔ 'sɔa ‑tɔrʋpɩɔ, nyra 'mɔɔ ‑bɛ 'lɩbädiili kä 'fɩɔ 'a nyra 'iin kʋa' ‑wälɩ; 'ä kälä bɩa 'jüa 'jü ‑gba, nyra 'plɔʋ ‑plɔʋa ‑gʋ. ‑Jää cɛblabre 'n ‑pitaa' cɛa 'mlɩ 'kä; 'ɛɛ nëmä kuölä bäa' 'mɔɔ ‑bɛ 'pläa ‑tɔrʋpɩɔa tie bä.

Cɛblabre ma bä cɛlɩ, ama tɛ 'ɛmɩ 'klɩ, 'nyaa ‑wɩara kuölä bäa' Nyɔsʋa nyra 'lɩbädiilia 'kaɩnkaɩn kä 'fɩɔ bäa' ‑tʋtʋ ‑gälɩa ‑gä plɛ 'paa.»

Nyɔɔ ma 'blaa nyɔɔ nɩ, nyɔɔ nëmä bɩa 'ɔa ‑toru 'kägblɔɔ; 'be Nyɔsʋa nʋ nyɔɔ 'ɔa 'sa.

Nyɔsʋa nya 'pa Noe nyra 'ɔa nyɩbɛjü 'nɩ, 'ɔ ‑nëma: «'Ba ‑gu, 'ba ‑goglolɩ, 'kä 'a 'sie ‑tʋtʋ ‑gälɩ!

'Sɩrɩ 'n 'daaa' abɩa 'sipili 'klaaa' 'napɩ 'jɩjarɛnyü bä 'ana jijrɛ nɩ, 'asɩ 'n ‑nyɛɛɛ 'amɩ 'lɩbädiili kä 'fɩɔ 'nyɛɛa' 'imä bɩa 'ana jijrɛ bä. 'N ‑nyɩ 'amɩ 'ia 'fɩɔlɔ kälä.

'Pläwʋa mlaaa 'fɩɔ, nyisiea 'fɩɔ, diili kä 'fɩɔ ‑pɛrɛa' ‑tʋtʋ ‑gälɩ, ‑srüa 'fɩɔlü bäa' 'nie 'lɩ, 'ia 'fɩɔlʋ nya 'amɩ pɩa, 'n ‑nyɩ 'amɩ 'iin kälɩ.

«'Amɔlɔ nɩ, 'ba ‑gu, 'ba 'paplagälɩ, 'kä 'a 'sie ‑tʋtʋ ‑gälɩ.»