Mistari Maarufu ya Biblia kutoka मती 5

Shirikisha

अर मिनख दीयौ जलान ढ़कणा रै नीचे कोनीं पण भींत माथै राखै है, जद उण ऊं घर रै सगळै मिनखौ नै उजाळौ मिळै। इणी तरैह थौरो उजाळौ मिनखौ रै सांमै चमकै की वे थोरै भलै कांम नै देखन थोरै पिता री, जिकौ सरग मे है, सौभा करै।

“थै संसार रौ उजाळौ हो। जिकौ नगर भाखर माथै बसयोड़ौ है वो छुप नीं सकै।

धन्य है वे, जिणरौ मन सुद्ध है, क्यूंकै वे परमेसर नै देखेला।

धन्य है वे, जिकौ धरमी बणणै री अभिलासा राखै है, क्यूंकै उणौरी इछा पूरी की जावैला।

पण म्हैं थोरै ऊं ओ कहूं की अपणै बैरियो ऊं परैम राखौ अर अपणै सताणेवाळौ रै लिए पराथना करौ

“धन्य है वे, जिकौ मन रा दीन है, क्यूंकै सरग रौ राज उणौ रौ इज है।

धन्य है वे, जिकौ मेळ करावै है, क्यूंकै वे परमेसर रा टाबरियां केहला वेला।

धन्य है वे, जिकौ सौग करै है, क्यूंकै वे सानति पावैला।

धन्य है वे, जिकौ धरम रै कारण सताया जावै है, क्यूंकै सरग रौ राज उणी रौ है।

धन्य है वे, जिकौ दयाळु है, क्यूंकै उण ऊपर दया की जावैला।

“धन्य हो थै, जे मिनख म्हारै कारण थांनै भला-भूंडा के, अर सतावै अर झूठ बोलनै थौरे विरोध मे सगळै परकार री बुरी बातां कैवै। जद आणन्दित अर खुस होणौ, क्यूंकै थौरे लिए सरग में मोटो फळ है। इण वास्तै उणौ नै उण भविसयदाताओ नै जिकौ थौरे ऊं पैला हा इण रीत ऊं सताया हा।

धन्य है वे, जिकौ नरम है, क्यूंकै वे धरती रा अधिकारी होवैला।

“थै धरती रा नमक हो। पण जे नमक रौ हवाद बिगड़ जावै, तो वो पाछौ कीण चीज ऊं नमकीन कियो जावैला? पछै वो किणी कांम रौ कोनीं, सिरफ इणनै बारै फेंकयो जावै अर मिनखौ रै पगां में खुन्दियौ जावै।

इण वास्तै चाहीजै की थै सिद्ध बणौ, जैड़ा थोरै सरगिए पिता सिद्ध है।

पण थांरी बात ‘हां’ री ‘हां,’ या ‘ना’ री ‘ना’ होवै। क्यूंकै जिकौ कई इण ऊं घणौ होवै है वो बुराई ऊं होवै है।

“थै सुण चुकया हो की कयौ गयो हो, ‘आंख रै बदळै आंख, अर दांत रै बदळै दांत।’ पण म्हैं थौरे ऊं ओ कहूं की बुरै करणै वाळै रै साथै बुराई नीं करणी। पण जिकौ कोई थांरै जीवणे गाल माथै थप्पड़ मारै, उणरै सांम्ही दूजौ गाल ई फेर दो।

जे थारी जीवणी आंख थनै पाप करावै, तो उणनै फोड़ दे। क्यूंकै थारै लिए ओ भलौ है की थारै अंगो मे ऊं एक नास हो जावै अर थारौ हैंग सरीर नरक मे नीं नोख्यौ जावै। जे थारौ जीमणौ हाथ थनै पाप करावै तो उणनै काटनै फेंक दे। क्यूंकै थारै लिए ओ भलौ है की थारै अंगो मे ऊं एक नास हो जावै अर थारौ हैंग सरीर नरक मे नीं नोख्यौ जावै।