Mistari Maarufu ya Biblia kutoka Umatiu 5

Shirikisha

Undi u ha ndu gba kimọ-kinde tem le kitetel sha ashi ye. U kung ashi la ndọ he kusi he kudyan ushọm a, he undi uyang-yang angwu u yi ha he ushọm u nde a. Kitaa kimen na ki yi kpe-kpe le ma tyang kikung-gboo kimen ki taa he bendi be nde aki anunung amen, be kung ipee ke Atyamen angwu he lifung-atabe.”

“Ma mbee yi a na kikung-gboo a ke igye. Ushu angwu be tye pwọm he lishi ukwel u ha ndu kwa he kundyel ye.

Kukwun ku yi ke bendi abe atyam abel a yi ataa-ataa. Be ba nda Unim.

Kukwun ku yi ke bendi abe be yi le kigyọ kaang le tyang be shi ashi Unim a kee. Unim u ba kwun abe kigyọ.

Ukpọ mi ufe mi de men le, ki nyin amen le bendi-linaa bemen, ma kọng ha Unim le u ke bendi abe be shi kibibi ha amen kukwun.

“Kukwun ku yi ke bendi abe be ngye le ki fọng abe le Unim. Kiteng kusu lifung-atabe ki yi kibel a.

Kukwun ku yi ke bendi abe be shi ikwun. Unim u ba ko abe le bebwaa-ma.

Kukwun ku yi ke bendi abe be yi le kimbwee, Unim u ba tie le be.

Kukwun ku yi ke bendi abe be kpe kingie le gbe be shi kinunung ashi Unim a kee le be shi. Be yi le abwo he kiteng kusu lifung-atabe.

Kukwun ku yi ke bendi abe be nde bendebel beshi. Unim u ba nda abe befe ọ beshi.

“Kukwun ku yi ke men he kunyọng ahwu bendi be bia amen, be teb le men, be be bitaa iman atyetye fe men likọye ma yi ke-m. Ma yal gọ likọye Unim a ndọ amen kuke kukandi he lifung-atabe. Kitaa kimen i na bendi be ma shi bitye-ugie kisọm Unim abe le-iti.

Kukwun ku yi ke bendi abe be keb kuhwobel be he itang. Be ba za lishi igye.

“Ma yi bendo a ke igye. Ukpọ gbe bendo be tem nyin he ungwu ye, be nya sha abe na a be tem nyin? Be tem hwọ kifọng ye. Bendi be kung abe wu le hel, be tem abe abee gbe.

Ma kwu yilididi nya a na Atyamen angwu he lifung-atabe u yi.”

Ashi ki yi le ma kee-kee kọng ki yi le eng ọ engheng, ma ki mbee. Kiwọm kiyang-yang ashi ma fel kọng fem ashin tyang ki ba le ha usu bibibi a.”

“Ma gyo le Iten i kọng le undi angwu a hwọ undi utọng-shi, be hwọ he uma ọ titi, undi angwu a gbung undi ushang, be gbung he uma ọ titi. Mi ufe mi de men le gbe undi ubibi a shi ban-a, wo shi tem he utyang ye. Gbe undi a kpam-a kubwo he kunaa ahwu lizen, wo bel ahwu limbel ndọ he he u mbee kpam.

He atan-lengi angwun gbe utọng-shi ugang angwu lizen u sha-a le wo shi kiban, wo yii waa he tyang le hel. Ki ngbeb le ligwo ligang li waa nim hwo ashi le wo gye he kinde le agwo agang puu. Gbe kubwo lizen kugang ku sha-a le wo shi kiban, wo tang ahwu tyang le hel. Ki ngbeb le ligwo ligang li waa nim hwo ashi le wo gye he umọ-kinde le agwo agang puu.”