Mistari Maarufu ya Biblia kutoka San Juan 1

Shirikisha

Chintaq k'ut xikk'amo, soq xikkoj utzij, xu'on chke che iralk'al Dios.

Mja na k'an kaj ulew, per ni Qajaw Jesucristo che jare kb'ix uTzij Dios che, o chik Re jala ruk' Dios, xaq ijnam ruk' ri Dios.

Ri Saq kitluw chpam qu'm, ni qu'm kikun taj che uchupik ri Saq.

Chi' wa k'aljan wi, ri Jun che kb'ixik che jare Re uTzij ri Dios, tik'ri xujal mnaq, xikje chi' chiqxo'l. Xqilo che nim u'ij, mal jare Re uK'jol qaQaw Dios. Ruk' Dios pitnaq wi, tik'ri xikje chi' chiqxo'l qo'j, nim wa' ri ut'ob' rich'il ri saqlaj tzij xuk'ut chiquch.

Xa rmal Re, ri Dios xu'ono runjel jumpa sutaq olik. Wet mitji Re, ot su kri' olik, mal xa rmal Re che x'anik. Ruk' Re k'wi k'asnmal. Ri k'asnmali', jala peche jtzuk' chaj tzjil chpam qu'm che kuk'ut b'e chikuch mnaq.

Chkab' ij, u Wan xurilo che pitnaq Jesús. Ena xub'ij u Wan: «Chiwlampe', pitnaq jun che peche jun Laj Chij che kkamsax na chjuch Dios rech tab'al kuyb'al mak. Jare Re kuch'aj kmak kunjel jumpa mnaq iy'o chi' chuchlew», xche u Wan chke mnaq.

Ri Qajaw Jesucristo che jare Re uTzij Dios o chik chi' chuchlew. Miskini' xa rmal Re che xu'on Dios uwuchlew, nk'aj mnaq iy'o chi' chuchlew, xikch'ob' t uwuch. Ri Qajaw Jesucristo xpi kuk' umnaq, per ni umnaq xkik'laj taj.

Ri Jun che qatz qtzij ri Saq, jare Re kuk'ut b'e chikuch mnaq, pitnaq chik, xa nqaj chik k'wi.

Ri utzij upxab' Dios, rmal u Moisés xya chqe, ni ut'ob' Dios rich'il saqlaj tzij, jare Qajaw Jesucristo xuk'ut chiquch.