Mistari Maarufu ya Biblia kutoka San Mateo 5

Shirikisha

Ne̱ ga̱a rmi̱ꞌ, ne̱ a̱ ꞌó yuvii̱ ne utaꞌ yaꞌan raa̱ agaꞌ yaꞌan ne̱ axríj yuve̱ nij soꞌ rque ꞌo̱ chrúún maꞌ. Tana̱nj achrón nii yaꞌan raa̱ agaꞌ yaꞌan ne̱ utaꞌ nii agaꞌ yoꞌ rej xta̱ꞌ, ne̱ da̱j a̱ nij yuvii̱ atúj rá veꞌ roꞌ, chuguu̱n niꞌya̱j nij soꞌ ado̱nj. Ne̱ veé da̱nj vaa gue̱e̱ soj, ne̱ ase vaa agaꞌ yaꞌan roꞌ, vaa soj rihaan chumii̱ nihánj ado̱nj. Ne̱ sese sa̱ꞌ quiꞌya̱j soj queneꞌe̱n nij yuvii̱, ne̱ veꞌé uxrá caꞌmi̱i̱ nij yuvii̱ cheꞌé Rej níꞌ Yaꞌanj si̱j nicu̱nꞌ xta̱ꞌ, quiꞌya̱j soj na̱nj ado̱nj.

’Ne̱ ase vaa yaꞌan vaa soj chuguu̱n soj rihaan chumii̱ nihánj a. Neꞌen soj se vaa sese na̱j ꞌo̱ chumanꞌ raa̱ tacaan, ne̱ queneꞌe̱n cunuda̱nj yuvii̱ naj chumanꞌ yoꞌ raa̱ tacaan ado̱nj.

’Cavi̱i̱ sa̱ꞌ ta̱ranꞌ nij síí vaa sa̱ꞌ nimán ado̱nj. ꞌO̱ se queneꞌe̱n maꞌa̱n nij soꞌ man Yaꞌanj vaa güii ado̱nj.

’Cavi̱i̱ sa̱ꞌ ta̱ranꞌ nij síí me ndoꞌo rá cunu̱u sa̱ꞌ nimán ado̱nj. ꞌO̱ se cunu̱u sa̱ꞌ maꞌa̱n nij soꞌ vaa güii, quiꞌya̱j Yaꞌanj ado̱nj.

Tza̱j ne̱ cuano̱ nihánj me cata̱j xnaꞌanj ꞌu̱nj ꞌo̱ nana̱ rihaan soj á: No̱ xcúún soj cunu̱u ꞌe̱e̱ rá soj ni̱ꞌyaj soj man nij síí ta̱j riꞌyunj man soj, ne̱ caꞌmi̱i̱ soj nana̱ lu̱j cheꞌé nij síí aꞌmii nana̱ qui̱j cheꞌé soj, ne̱ quiꞌya̱j soꞌ se lu̱j rihaan nij síí nachriꞌ niꞌya̱j man soj, ne̱ cachi̱nj niꞌya̱j soj rihaan Yaꞌanj cheꞌé nij síí ꞌyaj sayuun man soj á.

―Cavi̱i̱ sa̱ꞌ ta̱ranꞌ nij síí vaa nica̱ꞌ nimán ado̱nj. ꞌO̱ se a̱j uun chij Yaꞌanj nimán nij soꞌ ado̱nj.

’Cavi̱i̱ sa̱ꞌ ta̱ranꞌ nij síí ꞌyaj naꞌmii sa̱ꞌ yuvii̱ ga̱ tuviꞌ yuvii̱ ado̱nj. ꞌO̱ se cata̱j nii se vaa taꞌníí ya̱ Yaꞌanj me nij soꞌ vaa güii ado̱nj.

’Cavi̱i̱ sa̱ꞌ ta̱ranꞌ nij síí nanó ndoꞌo rá ado̱nj. ꞌO̱ se gu̱un xe̱j nimán maꞌa̱n nij soꞌ, quiꞌya̱j Yaꞌanj vaa güii ado̱nj.

’Cavi̱i̱ sa̱ꞌ ta̱ranꞌ nij síí ranꞌ sayuun ꞌyaj tuviꞌ cheꞌé se veꞌé sa̱ꞌ ꞌyaj nij soꞌ ado̱nj. ꞌO̱ se a̱j uun chij Yaꞌanj nimán nij soꞌ ado̱nj.

’Cavi̱i̱ sa̱ꞌ ta̱ranꞌ nij síí ꞌe̱e̱ rá man tuviꞌ ado̱nj. ꞌO̱ se cunu̱u ꞌe̱e̱ rá Yaꞌanj man maꞌa̱n nij soꞌ, ne̱ taj sayuun quira̱nꞌ nij soꞌ, quiꞌya̱j Yaꞌanj a̱ maan ado̱nj.

’Ne̱ cavi̱i̱ sa̱ꞌ ndoꞌo soj sese caꞌmi̱i̱ yuvii̱ nana̱ nij rihaan soj do̱ꞌ, sese quiꞌya̱j yuvii̱ sayuun man soj do̱ꞌ, sese caꞌmi̱i̱ ne̱ yuvii̱ cata̱j yuvii̱ se vaa tumé ndoꞌo soj cacunꞌ do̱ꞌ, cheꞌé se me soj síí noco̱ꞌ mán ꞌu̱nj ado̱nj. Ga̱a ne̱ no̱ xcúún soj gu̱un niha̱ꞌ uxrá rá nimán soj, cheꞌé se quiꞌya̱j uxrá Yaꞌanj se sa̱ꞌ ga̱ soj asa̱ꞌ nucuiꞌ soj rej xta̱ꞌ ado̱nj. ꞌO̱ se ase vaa ꞌyaj nii sayuun man soj roꞌ, taꞌngaꞌ da̱nj quiꞌyaj nii sayuun man nij síí nataꞌ snana̱ Yaꞌanj rihaan yuvii̱ ga̱a naá uún ado̱nj.

’Cavi̱i̱ sa̱ꞌ ta̱ranꞌ nij síí niꞌya̱nj aꞌmii ado̱nj. ꞌO̱ se gu̱un toꞌóó maꞌa̱n nij soꞌ man nu̱ꞌ chumii̱ vaa güii ado̱nj.

’Ase vaa yaan roꞌ, da̱nj vaa soj ga̱ chumii̱ nihánj ado̱nj. Dan me se sese ne ꞌne̱ꞌ chá yaan yoꞌ, ga̱a ne̱ taj se qui̱ꞌyáꞌ cunu̱u sa̱ꞌ yaan yoꞌ ga̱a a̱ maꞌ. Taj se gúnꞌ man yaan yoꞌ ga̱a a̱ maꞌ. Ma̱an se quiriꞌi̱j nii man yaan yoꞌ xeꞌ, ne̱ cache̱e̱ u̱u̱n yuvii̱ xráá yaan yoꞌ na̱nj ado̱nj. Ne̱ da̱nj vaa uún soj ado̱nj.

Cheꞌé dan sese né si̱j tihaꞌ yuꞌunj do̱ꞌ, si̱j yaníj do̱ꞌ, me soj, ne̱ no̱ xcúún soj gu̱un soj síí vaa sa̱ꞌ ina̱nj nimán ado̱nj. Ne̱ ase vaa síí sa̱ꞌ ina̱nj me Yaꞌanj roꞌ, da̱nj ga̱a̱ maꞌa̱n soj, síí sa̱ꞌ ina̱nj gu̱un soj ado̱nj.

Veé dan ga̱a aꞌmii soj, ne̱ ase cata̱j soj “Ya̱ a”, ase cata̱j soj “Taj maꞌ”, ꞌo̱ na̱nj da̱nj cata̱j soj á. Sese nano̱ꞌ soj ꞌó nana̱, ne̱ chiꞌi̱i̱ vaa nimán soj na̱nj ado̱nj.

’A̱j neꞌen soj nana̱ nihánj nana̱ caꞌnaꞌ rihaan xi̱i soj ga̱a naá a: “Sese curiha̱nj rlij rihaan so̱ꞌ quiꞌyaj tuvíꞌ so̱ꞌ, ne̱ caꞌve̱e cu̱riha̱nj rlij rihaan tuvíꞌ so̱ꞌ uún a.” Ne̱ sese curiha̱nj cúú yánꞌ so̱ꞌ, quiꞌyaj tuvíꞌ so̱ꞌ, ne̱ caꞌve̱e cu̱riha̱nj cúú yanꞌ tuvíꞌ so̱ꞌ uún a. Da̱nj vaa nana̱ caꞌnaꞌ rihaan yuvii̱ na̱nj ado̱nj. Tza̱j ne̱ cuano̱ nihánj roꞌ, cata̱j xnaꞌanj ꞌu̱nj rihaan soj se vaa se̱ quiꞌyaj soj sayuun man síí ꞌyaj sayuun man soj maꞌ. Tana̱nj sese vaa síí coxro ni̱chrej xruú so̱ꞌ, ne̱ ti̱cúnꞌ so̱ꞌ níchrej xruú so̱ꞌ coxro̱ soꞌ uún na̱nj á.

’Da̱nj na̱nj uún, ne̱ sese rlij rihaan so̱ꞌ rej nuva̱ꞌ so̱ꞌ me rá quiꞌya̱j cacunꞌ, ne̱ vaa cheꞌé a̱ doj quiri̱i̱ so̱ꞌ man yoꞌ, ne̱ taj se ꞌyaj maꞌ. Caꞌve̱e a̱ doj quiri̱ꞌ o̱rúnꞌ yoꞌ ne̱ se̱ cacaa nu̱ꞌ nee̱ mán so̱ꞌ rihaan yaꞌan maꞌ. Da̱nj na̱nj uún, ne̱ sese raꞌá so̱ꞌ rej nuva̱ꞌ so̱ꞌ me rá quiꞌya̱j cacunꞌ, ne̱ vaa cheꞌé a̱ doj se caꞌne̱ꞌ so̱ꞌ man yoꞌ, ne̱ taj se ꞌyaj maꞌ. Caꞌve̱e a̱ doj caꞌa̱nj niꞌya̱ o̱rúnꞌ yoꞌ ne̱ se̱ cacaa cunuda̱nj nee̱ man ma̱ꞌán so̱ꞌ rihaan yaꞌan maꞌ.