Zab 63
63
Faraja na Uhakikisho katika Bwana
Zaburi ya Daudi, alipokuwa katika Jangwa la Yudea.
1 #
1 Sam 23:14
Ee MUNGU, Mungu wangu, nitakutafuta mapema,
Nafsi yangu inakuonea kiu,
Mwili wangu wakuonea shauku,
Katika nchi kame na uchovu, isiyo na maji.
2 #
1 Nya 16:11
Ndivyo nilivyokutazama katika patakatifu,
Nizione nguvu zako na utukufu wako.
3 #
Yn 3:16
Maana fadhili zako ni njema kuliko uhai;
Midomo yangu itakusifu.
4Ndivyo nitakavyokubariki maadamu ni hai;
Kwa jina lako nitaiinua mikono yangu.
5 #
Zab 17:15; Isa 25:6 Nafsi yangu itakinai kama kushiba mafuta na vinono;
Kinywa changu kitakusifu kwa midomo ya furaha.
6 #
Zab 149:5
Ninapokukumbuka kitandani mwangu,
Nakutafakari Wewe makesha yote ya usiku.
7 #
2 Kor 1:10
Maana Wewe umekuwa msaada wangu,
Na uvulini mwa mbawa zako nitashangilia.
8 #
Isa 26:9
Nafsi yangu inakuandama sana;
Mkono wako wa kuume unanitegemeza.
9Bali waitafutao nafsi yangu, ili kuiharibu,
Wataingia pande za nchi zilizo chini.
10Watatolewa wafe kwa nguvu za upanga,
Watakuwa riziki za mbwa-mwitu.
11 #
Sef 1:5
Bali mfalme atamfurahia Mungu,
Kila aapaye kwa Yeye atashangilia,
Kwa maana vinywa vya waongo vitafumbwa.
Iliyochaguliwa sasa
Zab 63: SUV
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Swahili Union Version (SUV): © Bible Society of Tanzania and Bible Society of Kenya, 1952, 1997. All rights reserved. lt/pgt ltpgtSwahili Union Version (SUV): Hakimiliki -1952, 1997: kwa: Chama cha Biblia cha Tanzania na Chama cha Biblia cha Kenya. Haki zote zimehifadhiwa.