Genesis 10
10
Edduullu dda anamwani aallopwana a Nowa
(1 Epi 1.5-23)
1Nna sika ntthopoollo na edduullu dda Nowa, Shemu, Hamu ni Yafeti. Mwa anamwani ararwaalla mwaayariwa allopwana eviralle echigumuleelle.
2Anamwani a Yafeti yaari Gomeri, Magogi, Madai, Yavani, Tubala, Mesheki ni Tirasi. 3Anamwani a Gomeri yaari Ashikenazi, Rifati ni Togarima. 4Anamwani a Yavani yaari Elisha, Tarishishi, Kitimu ni Dodanimu. 5Alla sika yaari makhollo a athu attheene ookhalla mukhwipi mwa enyanja. Alla sika anamwani a Yafeti. Mallokwiiwa yaari oohiyanahiyana navettho yakhalla mu ellapo ddoohiyanahiyana. Nirive nlloko nallota ellotello yayiwayayiwa.
6Anamwani a Hamu yaari Kushi, Iguputo, Puti ni Kanani. 7Anamwani a Kushi yaari Seba, Havila, Sabita, Raama ni Sabiteka. Anamwani a Raama yaari Sheba ni Dedani. 8Kushi aamuyarattho Nimurodi. Nimurodi sika aari akhoto amasiva awaamba va ellapo yavatthi ettheene. 9Mookaviheriwa ni Apwiya olliyoolla aari oosaya. Ella sika ekaambiiwa athu ennallota mwambi wawi, “Mookaviheriwa ni Apwiya, weyaano ori oosaya wonanko Nimurodi.” 10Nimurodi aanalamulella o Babiloni, o Ereki ni o Akadi. Mamwene mattheenaalla yaari mu ellapo ya Babiloni. 11Ovenyera o ellapo ya Babiloni aaya o ellapo ya Asiriya. Wenko aamaka mizinda dda Nineve, Rehobotiiri, Kala, 12ni muzinda wa Reseni oyo ori variyari va Nineve ni muzinda muullupalloolle wa Kala.
13Iguputo aamuyara Ludi, Anamimu, Lehabimu, Nafituhimu, 14Patirusimu, Kasiluhimu ni Kafitorimu, nikhollo na Afilisti.#10.14: Mawu ookayikella awi Kasiluhimu…Afilisti; mu Eheberi mookhalla mawu awi Kasiluhimu nko wavenyerille Afilisti, ni Kafitori.
15Kanani aamuyara Sidoni mwanaye awaamba ni Heti. 16Kanani aarittho nikhollo na Ayebusi, Aamori, Agirigashi, 17Ahivi, Aariki, Asini, 18Aaravadi, Azemari ni Ahamati. Vatulli viwa malloko a Akananinnddo yaapallalleyella orive weko, 19ophiyera o malire a o Kanani. Maliraayo yaambeelle o Sidoni oyeella o Gerari ophiyera o Gaza ni oyeellattho o Sodomu, Gomora, Adima ni Zeboimu ophiyera o Lasha. 20Alla sika anamwani a Hamu. Milloko ddiwa ddaari ddoohiyanahiyana navettho yakhalla mu ellapo ddoohiyanahiyana. Nirive nlloko nallota ellotello yayiwayayiwa.
21Shemu sika aari nikhollo na anamwani attheene a Eberi navettho tti muullupallaaye a Yafeti. Olliyoolla aakhalla ni anamwani. 22Anamwani a Shemu yaari Elamu, Ashuri, Aripakishadi, Ludi ni Aramu. 23Anamwani a Aramu yaari Uzi, Hulu, Getere ni Mashi. 24Aripakishadi aamuyara Shela nave Shela aamuyara Eberi. 25Ebere ahaayara anamwani aallopwana eelli, Pelegi (vawi va enthawaaye, athu a va ellapo yaakawaneya)#10.25 Pelegi: Nnddina nenna niniiweya wonanko na Eheberi nno ninattaphullella kawa. nave mwanamunne aari Yokotani. 26Yokotani aamuyara Alimodadi, Shelefi, Hazara Maveti, Yera, 27Hadoramu, Uzali, Dikila, 28Obala, Abimaele, Sheba, 29Ofiri, Havila ni Yobabu. Attheenaalla sika yaari anamwani a Yokotani. 30Ellapo akhalleeyemo yaambeelle o Mesha ovollweella o Sefari omiyaangoni dda wookhuma nndduwa. 31Alla sika anamwani a Shemu. Mallokwiiwa yaari oohiyanahiyana nave yakhallattho mu ellapo ddoohiyanahiyana. Nirive nlloko naallota ellotello yayiwayayiwa.
32Attheenaalla sika malloko a edduullu dda Nowa voothwarani oyariwa wiwa ni mitundu ddiwa. Nndda sika mitundu ddittheddene dda va ellapo yavatthi ddakhumalle mwa malloko a Nowa eviralle echigumula.
Iliyochaguliwa sasa
Genesis 10: MW2019
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible in Elhomwe © The Bible Society of Malawi, 2019.