Soma Biblia Kila Siku 10/2020Mfano

Ni watu wachache sana wanaojivunia mateso. Hawa ni wale Wakristo waaminifu, walioteswa kwa namna nyingi kwa sababu ya kumshuhudia Yesu Kristo na utawala wake. Wamemfuata Yesu Kristo katika kila hatua ya maisha. Paulo analazimika kuweka bayana mateso yaliyompata. Nia yake si ili kujitwalia sifa na utukufu. La hasha! Mateso yake yanadhihirisha utume wake kuwa umetoka kwa Yesu Kristo. Ukipenda kujifunza zaidi kuhusu mateso ya Paulo na alivyovumilia hayo yote kwa ajili ya Kristo, soma k.m. Flp 3:4-8, Mdo 14:19, 16:22-24, 21:30-33, na 22:24-30.