Soma Biblia Kila Siku Aprili 2021Mfano

Je, wanaomwamini Kristo watafufuliwa wakiwa na miili ya namna gani? Mfano wa mbegu unaonyesha kuwa kuna kutofautiana na miili tuliyo nayo sasa. Watakaofufuliwa watatambuliwa katika miili ya ufufuo. Ndiyo miili itakayowawezesha kuishi milele bila uharibifu. Watakuwa na miili isiyoharibika, yenye utukufu. Miili iliyofufuliwa itakuwa kamili, bila magonjwa wala udhaifu, kwa sababu Mwokozi, Bwana Yesu Kristo, ataubadili mwili wetu wa unyonge, upate kufanana na mwili wake wa utukufu, kwa uweza ule ambao kwa huo aweza hata kuvitiisha vitu vyote viwe chini yake (Flp 3:21). Lakini kuna kufanana pia. Tutakapofufuliwa tutafanana na Kristo Yesu aliyetoka mbinguni. Kama tulivyoichukua sura yake yule wa udongo [Adamu], kadhalika tutaichukua sura yake yeye aliye wa mbinguni (Yesu; m.49)!