Soma Biblia Kila Siku Aprili 2021Mfano

Marafiki wa Ayubu wamemhukumia makosa, lakini sasa wameishiwa hoja juu ya msimamo wake. Ayubu yuko imara, na imani yake haijatetereka. Hayo yote yanamfanya Elihu kunena. Anawalaumu wazee kwa kutotoa kiini cha mateso ya Ayubu. Sababu ni ufahamu wa mtu ambao una mipaka. Mungu ni asili ya hekima. Ni kwa Roho wa Mungu tu, hali ya Ayubu itatambulika. Imo roho ndani ya mwanadamu, Na pumzi za Mwenyezi huwapa akili. Sio wakuu walio wenye akili, Wala sio wazee watambuao hukumu (m.8-9). Licha ya kutokujua hali yako, weka tumaini lako kwa Mungu aliye mwema. Kuwa na hekima pekee pasipo Mungu si suluhisho la maisha.