Soma Biblia Kila Siku Oktoba 2021Mfano

Kuna madhehebu yanayokaza kuwa watakaoingia mbinguni ni watu 144,000 tu. Neno la leo linatoa jibu sahihi. Kristo ana watu wengi. Watu wa Kristo wako katika kila taifa, kabila, jamaa, lugha na rangi. Sifa yao ni kuvaa mavazi meupe. Maana yake, wameoshwa dhambi zao kwa damu ya Mwana-Kondoo (m.14, Hao ndio wanatoka katika dhiki ile iliyo kuu, nao wamefua mavazi yao, na kuyafanya meupe katika damu ya Mwana-Kondoo). Wamevumilia mateso kwa ajili ya Kristo. Kila siku wanatakaswa. Ninakuita nawe njoo uoshwe kwa damu ya Kristo. Ujiunge na kundi kubwa la wanaochungwa na Kristo duniani na kisha mbinguni.