Soma Biblia Kila Siku Oktoba 2021Mfano

Maombi yana thamani kuu mbele ya Mungu na mwombaji mwenyewe. Maombi ya watakatifu, yaani wale wanaoishi kwa imani katika Kristo, yanafika mbele za uso wa Mungu. Matumizi ya chetezo na uvumba yanatukumbusha ibada ya hekalu (Kut 30:7-9, Haruni atafukiza uvumba wa manukato juu yake; kila siku asubuhi atakapozitengeneza zile taa, ataufukiza. Na Haruni atakapoziwasha zile taa wakati wa jioni, ataufukiza, uwe uvumba wa daima mbele za Bwana katika vizazi vyenu vyote. Hamtafukiza juu yake uvumba mgeni, wala sadaka ya kuteketezwa, wala sadaka ya unga, wala hamtamimina juu yake sadaka ya kinywaji). Uvumba ndani ya chetezo yenye makaa ya moto ulileta harufu nzuri madhabahuni na katika hekalu zima. Harufu hii ilipaa juu. Ni mfano wa maombi na sala ya wanaomwamini Kristo, yakipanda kwenda mbinguni. Jiunge katika kundi la wamwombao Mungu.