Soma Biblia Kila Siku Novemba 2021Mfano

Kazi ya malaika wenye nguvu ni kutangaza hukumu ya mwisho duniani. Mamlaka ya malaika huyu yanagusa uumbaji wote. Namba 7 inahusika na ukamilifu wa tukio lenyewe, yaani ... siri ya Mungu itakapotimizwa, kama alivyowahubiri watumishi wake hao manabii. Hukumu hii inapotokea, ndipo kweli ya Mungu itajidhihirisha kwa dhahiri kuliko sasa, kama alivyoambiwa Danieli: Maneno haya yamefungwa, na kutiwa muhuri, hata wakati wa mwisho (Dan 12:9). Wakati halisi hatuujui. Anaujua Kristo mwenyewe. Mungu ametufunulia jinsi ya kuishi sasa kwa njia ya Neno lake. Tusiyoyajua sasa tusubiri kwa imani. Mungu atayaweka bayana kwa wakati wake unaofaa. Hapo ndipo mwisho wa mambo yote utatokea.