Soma Biblia Kila Siku Novemba 2021Mfano

Tunaonyeshwa hali njema ya mbingu mpya na nchi mpya atakazoziumba Mungu. Yote yatakuwa mapya. Mwenye kiu ya kuingia hapo, anapewa ahadi mbili: 1) Uzima unatolewa bure. Yesu anasema, Mimi nitampa yeye mwenye kiu, ya chemchemi ya maji ya uzima, bure (m.6). 2) Tukiwa tu wana wa Mungu, tutaurithi huo uzima. Maana Yesu anasema vilevile, Nitakuwa Mungu wake, naye atakuwa mwanangu (m.7). Ila ni muhimu kujiandaa kama bibi-arusi aliyekwisha kupambwa kwa mumewe (m.2). Hutakiwa utakatifu na kushinda. Kila anayemwamini Yesu anafanyika mwana mtakatifu wa Mungu, kwani Yesu aliyetufia ni mtakatifu na anatutakasa. Tuishi maisha mapya ndani yake, kwani hutuweka huru mbali na dhambi, na ni matayarisho ya kuurithi huo uzima. Angalia wamefanya nini walioko mbele ya kiti cha enzi, Wamefua mavazi yao , na kuyafanya meupe katika damu ya Mwana-Kondoo (Ufu 7:13-14).