Soma Biblia Kila Siku Novemba 2021Mfano

Daudi anamtolea Bwana sifa nane (jabali, ngome, mwokozi, mwamba, ngao, pembe ya wokovu, manara, makimbilio; m.2-3). Huonyesha jinsi alivyompenda na kumtegemea Bwana katika maisha yake: Katika shida yangu nalimwita Bwana ... naye akaisikia sauti yangu hekaluni mwake (m.7), maana Mungu ndiye aliye hai (22:47)! Tufuate mfano wa Daudi. Tuombe katika jina la Yesu, nasi tutajifunza ndiye Mungu aliye hai! Vita yetu sisi si juu ya damu na nyama, bali ni juu ya majeshi ya pepo wabaya katika ulimwengu wa roho (Efe 6:12). Basi nyenyekeeni chini ya mkono wa Mungu ulio hodari, ili awakweze kwa wakati wake; huku mkimtwika yeye fadhaa zenu zote, kwa maana yeye hujishughulisha sana kwa mambo yenu. Mwe na kiasi na kukesha; kwa kuwa mshitaki wenu Ibilisi, kama simba angurumaye, huzunguka-zunguka, akitafuta mtu ammeze. Nanyi mpingeni huyo, mkiwa thabiti katika imani, mkijua ya kuwa mateso yale yale yanatimizwa kwa ndugu zenu walioko duniani (1 Petro 5:6-9).