Soma Biblia Kila Siku Novemba 2021Mfano

Chombo kikuu cha shetani katika vita vyake juu ya watakatifu ni mnyama atokaye baharini. Huitwa mpinga Kristo. Ni vita vya kiroho hasa, maana atawafanya watu wamsujudu shetani. Hata waaminio watashindwa naye (m.7, akapewa ... kuwashinda), ila subira na imani yao itabaki kwa Bwana wao Yesu Kristo. Ndio hawa ambao majina yaoyameandikwa katika kitabu cha uzima cha Mwana-Kondoo (m.8b). Inathibitishwa pale wanapokabili hata kifo kutokana na mashambulizi ya kishetani, pasipo ibada na imani yao kwa Mungu kuyumba. Tafakari Yesu alivyoshinda. Alionewa, lakini alinyenyekea, Wala hakufunua kinywa chake; Kama mwana-kondoo apelekwaye machinjoni, Na kama vile kondoo anyamazavyo Mbele yao wakatao manyoya yake; ... Alipigwa kwa sababu ya makosa ya watu wangu... Naye atagawanya nyara pamoja nao walio hodari; Kwa sababu alimwaga nafsi yake hata kufa, Akahesabiwa pamoja na hao wakosao. Walakini alichukua dhambi za watu wengi, Na kuwaombea wakosaji (Isa 53:7-12). Usiache subira na imani ya watakatifu.